مشكلة جديدة و محتاج رايكم؟؟؟

**eslamspirit** · 06-07-2008 10:00 AM

المشكلة من غير ماطول عليكم

و انا ماشي عادي جدا مرة واحدة الكلاكس ابتدي يوطي لغاية ما راح

و النور بقي مدغمس و التابلوة نورة ضعف جدا....

و طبعا الواحد اتعلم في المواقف اللي زي دي يمشي لغاية مايركن تحت البيت و بعدين يبطل و يدور تاني

طبعا لا حياة لمن تنادي ...... ماتت

ثواني بس فية حبة حاجات انا نيلتها في العربية النهاردة

1 - ركبت ووفر 1000 وات علي مكان السماعات علي طول من غير امبليفاير و لا نيلة و طبعا كان زبالة

2 - الكتاوت بتاع الكلاكس لمس في جسم السيارة طلع شياط بس اشتغل تاني بقدرة قادر

دي المعطيات يا ريت حد يقولي المشكلة حتكون فين علشان الجثة الهامدة اللي مرمية تحت البيت

**bee** · 06-07-2008 12:41 PM

السلام عليكم

يا باشا حسب كلامك فيه حاجه هربت شحن البطارية بسرعه
والمفروض تروح العربية لكهربائي ويعرف ايه الي بيهرب شحن وبعدين تشحن البطارية تاني
وبالنسبة للووفر مش محتاج اقولك كان المفروض تعمل ايه لانك رديت على نفسك فوق :)

ربنا يقومهالك بالسلامه يا باشا

تحياتي

**hazem_khidr** · 06-07-2008 03:40 PM

يا اما سير الدينامو قطع منك و الشحن خلص
يا اما الوفر دا حمل زايد اوي علي البطاريه و هيا تعبانه
هات كهربائي يشوفلك فيها ايه و ما تشغلش كاسيت خالص و نشوف المشكله جايه منين

**MMamdouh** · 06-07-2008 04:29 PM

ممكن الكتاوت اللى شاط عمل قفلة و بيفضى شحن البطارية؟

MMamdouh

**misalof** · 06-07-2008 05:56 PM

السلام عليكم

الاحتمال الأكبر وجود تهريب بالكهرباء نتيجة قفلة في الكهرباء

متغيرش البطاريه حتى تكشف التهريب منين

و في اختبار الكهربائي بيعمله (بيوصل لمبه على البطاريه و هو قافل كل كهربة العربية و لو نورت يبقي فيه قفله في العربية أو حاجه معلقه أو شغاله على طول)

أنا كان ليه مقلب سابق في الموضوع ده و تعبت فيه أوي و لفيت على طوب الأرض و غيرت بطارية و اتبهدلت لحد لما ربنا هداني و اكتشفت ان طرمبة البنزين معلقه و شغاله على طلوووووووووووووووول ........

و اتحلت فورا بعدها ....

حاول تدور على السبب .... و متعالجش الظاهرة

و ربنا معاك و تحلها على طول.

**eslamspirit** · 07-07-2008 07:52 AM

احب اشكر كل اللي ردوا عليا

بيي - حازم - ممدو7 - مسالوف

و اقول اني عملت الاتي:

دورت العربية زق و الحمد لله دارت

فصلت الووفر خالص و مشغلتش الكاسيت

غيرت كتاوت الكلاكس

خدت بيها مشوار محترم

الحمد لله الصبح دارت بدون مشاكل

و شكرا مرة تانية علي الاهتمام