من فضلكم الأرتقاء بمستوى الردود

**ali_333** · 11-10-2012 02:58 AM

المشاركة الأصلية كتبت بواسطة mohamed.fouad

انا معاك تماما فيه ناس بترد بطريقة منتهى قلة الذوق ومن الواضح كدة انهم صغيرين فى السن ...... انا بقترح إن المنتدى ده يقتصر على الناس اللى تعبت عشان تجيب العربية دى من فلوسها ونمنع اى حد بابا جايبله العربية انه يتكلم .

مش شرط ياباشا في ناس كبار وحرامية وجابو العربية بتعب برضه بس بطريقة غير شرعية

وفي ناس كبار وتعبو بالحلال وجابو عربيات بطريقة شرعية

وفي ناس صغيرين في السن اشتغلو تعبو وجابو عربية بطرق شرعية
وناس صغيرين في السن وجابو عربية بطرق غيرر شرعية

وناس كبار حرامية جابو عربيات لولادهم
وناس كبار محترمين جابو عربيات لولادهم

وفي ناس كبار محترمين ولادهم مش محترمين وفي محترمين
وناس كبار حرامية ولادهم محترمين وفي غير محترمين

**zoro2** · 11-10-2012 04:15 AM

السلام عليكم ورحمة الله وبركاته
أخوانى الكرام الصغير قبل الكبير كلكم ناس أفاضل ولاد ناس ومحدش ينكر ذلك
اولا إسمحوا لى بالمشاركة وإبداء الرأى بعد إذنكم طبعا
أولا لابد ان نتفق فعلا بوجود شيئ مهم فى حياتنا إسمه ثقافة الحوار وإحترام الرأى والرأى الأخر مهما تباعدت المفاهيم والثقافات بيننا او حتى قربت!!
الموضوع بإختصار أننا جميعا كبير وصغير غنى ومتوسط الحال لابد من افحترام المتبادل
انا معلش سنى مش كبير يعنى 43 سنة انما جيلى أتربى على إحترام من هو أكبر منى سنا ولو بيوم واحد
لازم نفهم ونقدر ونحاول نحط نفسنا مكان غيرنا علشان نتصرف صح
حصل لى موقف من كام سنه ححكيه بالمناسبة ومعلش بس علشان الفكرة توصل صح
كنت راكن عربيتى العزيزة (بازوكا)كما يسميها أولادى وهى بلا فخر 131 موديل 1977 قبل شرائى للعزيزة لوجى فجاءة شاب عشرينى

محترم راكب سيراتو موديل السنة راح طالع من جنبى وخبط لى المراية كسرها!!!!!
أنتظرت أنو يفتح إزاز عربيه لمجرد اإلإعتذار ولا هو هنا قلت يمكن مخدش باله أديته كلاكس تنبيه بسيط وشاورت له على المرايه اللى اتكسرت ووقعت على الارض!!!!!!
ساعتها فتح إزاز عربيته وبص لى وهو ينظر شذرا
عارفين قالى إيه؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟!!!!!!

(بمنتهى البرود والأستخفاف قالى إيه اللى حصل يعنى شوف عربيتى بكام واللى انت راكبها بكام)
بصراحة لم اتمالك نفسى

لازم ارد فعلا

قلت له عندك حق عربيتك بمائة ألف وزيادة بس راكبها واحد أعذورنى (حمممممممممممممممممممار)

وعربيتى بكام ألف بس راكبها شخص محترم
أنا اسف على اللفظ بس أتمنى أن نفهم المغزى جميعا

أتمنى أن نعترف بالخطأ عندما نخطأ وبالشكر عندما يستوجب ذلك
تحياتى للجميع
اعتذر على الإطالة
تحياتى
د\هشام

**adel_edrees** · 11-10-2012 07:55 AM

أنا بأعتذر لكم جميعا أنى فتحت موضوع شائك زى ده لكن أنا قلت ده منتدى لتبادل الخبرات يعنى كل رأى مهم حتى و لو كان في نظر البعض تافه الأستاذ عمرو السيد فهم كلامى غلط و بقوللى الأعضاء كلهم محترمين ووجه كلامك لشخص واحدو أنا قولت قبل كده أننا كلنا محترمين وو لاد ناس بس الهدف أننا نتكلم بجدية و في صلب الموضوعو أننا نبطل موضوع أن واحد قال كلمة لواحد التانى يرد عليه و التانى مش حيسكت يوم رادد عليه و هكذا دواليك و مش حنخلص أرجو أن ما كونش ضايقت حد و أن كلامى يكون أتفهم صح

**crayvor** · 11-10-2012 06:09 PM

أنا عاوز أرد رد محايد بس فيه ناس كتير حاتعتبره "سخيف" شوية.
بالنسبة لموضوع التزام الأدب فا المفروض يتغير لأن التزام الأدب لا يمنعني عن الرد بأدب لكن بمعاتبة "تقيلة" شوية ع اللي بارد عليه ممكن يعتبرها معاتبه عادية وممكن يعتبرها أكتر من كدة.. أنا عن نفسي باعتبرها مهاجمة منطقية "من وجهة نظري" لو رديت عليها صح بقي عندي حق ولو مارديتش عليها يبقي أنا ماقدرش أثبت موقفي وباتكلم كلام مرسل ماكنش المفروض أكتبه من الأول. أما الأصح هو التزام الحدود خصوصا مع الأعضاء اللي مافيش معرفة بينهم يلتزم حدود عدم المهاجمة أو الاستفزاز.

انما فيه مواضيع "مستفزة" بكل معني الكلمة.. زي موضوع تنك البنزين.. اذا كان صاحبه جاهل بان أغلب السيارات الاوروبي تانك بلاستيك يعني مايفهمش ف الموضوع من الأساس!! يبقي بيتكلم علي أي أساس؟ يبقي الموضوع قلب الي "تطفيش من السيارة" أو "محاولة اظهار ان أي حد جابها أخد لا مؤاخذة علي قفاه" كنوع من الشماتة الغير معروف سببها. ولأن المعروف من الأول ان العربية دي معمولة للدول النامية فا من الطبيعي يكون فيها مظاهر توفير.. يعني مش عارف اللي بيكتب موضوع عن انه مثلا ليه مافيش زرار للشنطة أو التانك مش عارف هو عاوز ايه مثلا!!

فا الردود دي عشان تتوقف مواضيع التنفير من السيارة بدون أي سبب!! عشان مايقلبش المنتدي من منتدي للاستفادة الي منتدي محاولة اثبات ان اللوجان مش وحشة!! اللي عنده وجهة نظر يطرحها بمنطقية مايدخلش يقول "هاهاهاها انضحك عليكم اللوجان مافيهاش حنكلولو ملحوس"!!

أما الطريقة الأصح فهي اضافة قانون في القسم بعدم استفزاز صاحب الموضوع وكل اللي فيها مثلا يدخل يرد "العربيات الاوروبي كلها كدة وبرجاء غلق الموضوع لعدم المصداقية" ومنسق القسم يغلق الموضوع عند التأكد من الكلام ده. كل ما حانرد بأكتر من كدة حانتعامل علي اننا ناس متعصبة وخلاص انما خلي الرد بكل منطقية وهدوء وكل اللي يدخل يرد نفس الرد وصاحب الموضوع نفسه حايمل أساسا قبل ما الموضوع يغلق.

**mohamed1979** · 11-10-2012 06:25 PM

المشاركة الأصلية كتبت بواسطة crayvor

أنا عاوز أرد رد محايد بس فيه ناس كتير حاتعتبره "سخيف" شوية.
بالنسبة لموضوع التزام الأدب فا المفروض يتغير لأن التزام الأدب لا يمنعني عن الرد بأدب لكن بمعاتبة "تقيلة" شوية ع اللي بارد عليه ممكن يعتبرها معاتبه عادية وممكن يعتبرها أكتر من كدة.. أنا عن نفسي باعتبرها مهاجمة منطقية "من وجهة نظري" لو رديت عليها صح بقي عندي حق ولو مارديتش عليها يبقي أنا ماقدرش أثبت موقفي وباتكلم كلام مرسل ماكنش المفروض أكتبه من الأول. أما الأصح هو التزام الحدود خصوصا مع الأعضاء اللي مافيش معرفة بينهم يلتزم حدود عدم المهاجمة أو الاستفزاز.

انما فيه مواضيع "مستفزة" بكل معني الكلمة.. زي موضوع تنك البنزين.. اذا كان صاحبه جاهل بان أغلب السيارات الاوروبي تانك بلاستيك يعني مايفهمش ف الموضوع من الأساس!! يبقي بيتكلم علي أي أساس؟ يبقي الموضوع قلب الي "تطفيش من السيارة" أو "محاولة اظهار ان أي حد جابها أخد لا مؤاخذة علي قفاه" كنوع من الشماتة الغير معروف سببها. ولأن المعروف من الأول ان العربية دي معمولة للدول النامية فا من الطبيعي يكون فيها مظاهر توفير.. يعني مش عارف اللي بيكتب موضوع عن انه مثلا ليه مافيش زرار للشنطة أو التانك مش عارف هو عاوز ايه مثلا!!

فا الردود دي عشان تتوقف مواضيع التنفير من السيارة بدون أي سبب!! عشان مايقلبش المنتدي من منتدي للاستفادة الي منتدي محاولة اثبات ان اللوجان مش وحشة!! اللي عنده وجهة نظر يطرحها بمنطقية مايدخلش يقول "هاهاهاها انضحك عليكم اللوجان مافيهاش حنكلولو ملحوس"!!

أما الطريقة الأصح فهي اضافة قانون في القسم بعدم استفزاز صاحب الموضوع وكل اللي فيها مثلا يدخل يرد "العربيات الاوروبي كلها كدة وبرجاء غلق الموضوع لعدم المصداقية" ومنسق القسم يغلق الموضوع عند التأكد من الكلام ده. كل ما حانرد بأكتر من كدة حانتعامل علي اننا ناس متعصبة وخلاص انما خلي الرد بكل منطقية وهدوء وكل اللي يدخل يرد نفس الرد وصاحب الموضوع نفسه حايمل أساسا قبل ما الموضوع يغلق.

فعلا قلت الى نفسى اقوله من زمان