الموضوع: من فضلكم الأرتقاء بمستوى الردود

المشاركة الأصلية كتبت بواسطة mohamed.fouad

انا معاك تماما فيه ناس بترد بطريقة منتهى قلة الذوق ومن الواضح كدة انهم صغيرين فى السن ...... انا بقترح إن المنتدى ده يقتصر على الناس اللى تعبت عشان تجيب العربية دى من فلوسها ونمنع اى حد بابا جايبله العربية انه يتكلم .

يا باشا كده بتشخصن الموضوع من غير داعى ..

مش معنى ان حد والده جايبله عربية انه شخص مش كويس و نمنع حق الكلام عنه .. و اكيد والده تعبان فيها برضه و هو مقدر الكلام ده

و زى ما حضرتك تعبت عشان تجيب العربية والدى تعب عشان يجيبلى العربية برضه فملهاش لزمة خالص الردود الاستفزازية ديه .. انا بصراحة مش شايف اى علاقة بين الموضوع و بين الرد ده .. طيب ما فيه ناس بتبقى جايبة العربية من تعبها و سواقتها زى الزفت و مضحى بعربيته .. و فيه ناس بتبقى كسبانة العربية فى اى مسابقة و بيحافظ عليها عشان هو عارف انها نعمة من عند ربنا بعيدا عن مصدرها بقى

اعتذر ياجماعة عن الحدة فى الرد والسادة الأعضاء عندهم حق فعلاً ....... بس الواحد فعلاً بيتضايق لما يلاقى واحد بيرد على عضو بطريقة محرجة او غير لائقة وتحس من اسلوب كلامه انه طفل صغير مش فاهم هو بيقول ايه ولا فاهم هو المفروض يحترم الناس إزاى ..... وعلى فكرة انا مش كبير ولا حاجة انا كل اللى عندى 25 سنة بس بجد زهقت من قلة إحترام الناس لبعضها فى الشارع وفى الشغل وحتى على النت .