سؤال عن الكاربون

**TheGhostFish** · 09-10-2012 03:48 AM

السلام عليكم،،،

كنت عايز استفسر لو العربية لونها أسود ولصقت كاربون اسود على الإكصدامات والكبوت هل ده حايعمل مشكلة مع المرور في اللجان أو الفحص مع إنه نفس لون العربية ؟؟
ولو على الإكصدامات بس ؟

وشكرا على الإفادة

**Bassem Taha** · 09-10-2012 01:46 PM

لو على الأكصدامات بس ممكن تعدي من اللجان لكن في الفحص لأ لازم تشيله
ولو على العربية كلها بقى .......... ولا هتعدي من لجان المرور ولا هتعدي من الفحص

**TheGhostFish** · 09-10-2012 06:16 PM

طيب إيه الفكرة في كده .. ماهي العربية أصلا سودة والكاربون إسود برده .. يعني ماغيرتش في لون العربية !!!!! ؟؟؟

**eldell** · 10-10-2012 02:51 AM

باشا انا مكربن الكابوت عندى اسود والعربيه لونها كحلى وبعدى من الكماين عااااادى مش بيدققو اوووى على الاستيكرات دلوقتى وانت هتحطهم على الاكصدام يعنى اى كمين قوله مخبوط وريح دماغك عااادى

**frnko95** · 17-09-2013 09:28 PM

انا مش عارف ليه الفتى المبالغ فيه العربيه سوده و مثبوته فى الرخصه سوده يعنى شكلا ومضمونا وقانونا مافيش مشكله المرور والكماين مالوش دعوه بماده الدهان او نوع اللزق هو ليه لون قدامه مطابق للى فى الرخصه حتى فى الفحص كمان بس ممكن نقول الفحص انت من نفسك هاترش او تتعامل فى اى فكه على فكره انا لازف عربيتلى ابيض كلها وسايب السقف زيتى عشان الخرابيش ورخصتى زيتى وبطلع الرخصه كل يوم على طريق السويس 6 مرات رايح جاى وماحدش بيقولى انت لونك ايه ركب ياعم براحتك ماتقلقش

**akmm** · 24-09-2013 12:54 PM

وعنى سؤال عند شيل الكاربون ده هل هيتلف شكل الدوكو او هيسيب اثر على الطلاء ولا أ ؟؟

**أسامه طياره** · 26-09-2013 04:51 PM

منصحش جد بكاربون عالاكصدامات خالص !! .. شكله بيبقى وحش وبيتخدش بسرعه اوي

**smsm_nabawy** · 29-09-2013 02:04 PM

والله قانوناً فأنت مخالف.. و لكن بالحب بتعدي

لكن لو ظابط رخخخخم.. و صدقني دول كتير دلوقتي!!

حيغلس عليك و ليه الحق ياخدك مخالفة!!

بس عامةً حطها و طظ!! نياهاهاها