الموضوع: الكاربون فايبر

من فتره وانا بدور علي الاستيكر بتاع الكاربون فايبر وفي مره وانا في التوكيل شفت عربيه معمول فيها شغل كاربون فايبر ومن ساعتها وانا هتجنن وعمال ادور وادور
وفي مره كنت راكن العربيه وؤوحت اشتري حاجه واول ما رجعت لقيت عربيه كيا سيراتو راكنه جنبي صف تاني وكانت الدنيل بليل ومن بعيد كده لمحت الكيا وفيها حاجه غريبه الكبوت بتاعها مش طبيعي واول ما قربت منه لقيته عامل الكبوت كله من الاستيكر بتاع الكاربون فايبر بس كان لونه فضي نفس لون العربيه
ساعتها نسيت نفسي ونسيت عربيتي واستنيت عم شوماخر صاحب الكيا
وخال الفتره دي خد عندك من فحص واستكشاف للاستيكر الملزوق واو ما وصل عم شوماخر كنت عايز ابوسه وسالته بعد اذنك : الشغل ده فين قالي قس السويس : طيب عامل كام قالي المتر 80 جنيه
: فين في السويس قالي علي الراجل سالته فيه منه الاسود قالي ايوه

طبعا ماكدبتش خبر وخليت واحد صاحبي من السويس يروح للراجل وكلمني من عنده وهنا المشكله
الراجل قلتله انا عايز الاستيكر ده عشان اعمل بيه لبمرايات قالي مش هينفع لان الاستيكر ده مش بيلف كويس يعني عايز مسطحات وحاجات مفروده ولو عملت بيه المرايات هيطلع من عند الحروف
قالي انتا بس تعالي وانا هظبطك
قلتله لاء انا مش م السويس المهم قلت لصلحبي هاتلي 1/2 متر من الاسود
وعلي فكه الاستيكر ده عرضه 110 سم
المهم فعلا صديقي جابلي الاستيكر ولما رحت لبتاع الكماليات وفعلا قص ةوعمل المرايه كان شكلها تحفه تحس انها اصليه ومفيش دقيقه والراجل لسه بيظبط لقتا الاستيكر بيطلع من الحروف
كل ما يجيله من ناحيه يلاقيه بيطلع من ناحيه تاني بامانه كنت هعيط
عشان كده الي يعرف اي مكان بيبيع الاستيكر الكاربون فايبر يقولي او اي حد جربه في عربيته ياريت يلحقني بي المكان
وياريت يكون عن تجربه عشان اعرف الاستيكر كويس ولا اللزق بتاعه تعبان زي الي انا جبته
كل سنه وانتوا طيبين
نسيت اقاكم انا عملت حليه نيكل عندي في كبوت العربيه وكمان في الشنطه من اللزق ده الحمد لله نفعت لان عملتها كويس وتنين ولاستيكر بين الحليه وبين الصلج يهني مافيش مجال يطلع
مستني ردود ملوك التعديل

انا مش بحب شغل الحاجات العيرة (راس شكمان عيرة... كاربون فيبر عيرة... كده يعني) ورأيي وفر فلوسك واشتري كبوت كاربون فايبر بجد لو ناوي تعمل weight reduction لعربيتك