شنطة العربيه فيها مشكله!!

**beshomilan** · 09-10-2012 03:58 PM

الشنطة بقالها مده لازم تنزل رزع جامد جدا عشان تتقفل مش عارف المشكله فأيه ولو انى اشك ان جزء الخطاف اللى بيقفل بسوسته هو المشكله ولكنى غير متأكد
وساعات افضل ارزع فيها واقفلها وترد تانى لفوق ومتقفلش رغم انى مش شايف عوائق خالص فمكانها
فمش عارف دى تروح لسمكرى ولا لعفشجى ولا ايه بالظبط ولا اشترى انا الكالون بتاعها واركبه ولا اعمل ايه بالظبط :(

**moumen_hs** · 09-10-2012 05:02 PM

حضرتك أتاكد أن القفل بيقفل الاول بالضغط علية بأى شى مفك مسلا ولو قفل بسهولة يبقى تمام لازم يترجلش بمعنى تجيبة سنة شمال او يمين بفك المسمارين بتوعة حاجة بسيطة جدا مش محتاجة حد

**beshomilan** · 09-10-2012 05:58 PM

اشكرك اخى للرد بس هو الخطاف ده بيعلق فى القفل احيانا وبيزنق فى بعضه بس المشكله ان مساميره كبس يعنى ملهاش مفك معين
فمش عارف اعمل ايه

**I.ABUBAKR** · 09-10-2012 08:04 PM

ورشه اصلاح ابواب وكوالين

هيخلص الموضوع في 10 دقائق الموضوع بسيط جدا ان شاء الله

**windofchange** · 13-10-2012 03:55 AM

لو مش عاوز ترو ح لبتاع كوالين ممكن ترش مزيل صدأ ومزيت زي wd 40 علي القفل والخطاف والدنيا ديه وتسيبه شويه يعمل مفعول وترش كمان في مكان مبتدخل المفتاح في الشنطة وتجرب تاني

**beshomilan** · 13-10-2012 07:10 AM

اشكركم اخواتى للردود..انا بالفعل عملتها عند سمكرى وطلعت المشكله فكهربه فتح العربيه عن طريق الريموت وزرار فتح الشنطة من الداخل..بيعلقوا عكس لما افتحها بالمفتاح بتتفتح وتنزل عادى بكل سهوله
فكده العيب من الكهربا فيها وهل زرار فتح الشنطة بيكون ليه علافة بفتح الشنطة بالريموت؟؟