س/ ازاي تركب لمبة حمرة في باب العربية ؟؟؟؟

**Y a r i s** · 10-10-2012 01:29 AM

مساء الخير جميعا ً
عربيات الامريكي كانوا بيركبوا لمبة حمره في الباب .... وليها حكمة وهدف منها لو عربيتك مثلا مش باينة بالليل او لونها اسود ولا حاجة وبتفتح الباب. متجيش عربية معدية مش شايفة الباب بتاعك وتاخدوا في سكتها

@@@@@@@@@@

ومنها اهي تنورلك. علشان تشوف. وانتا بتنزل من العربية بتحط رجلك فين وبتدوس على ايه
وانتوا عارفين. ان الشوارع في مصر مليانه مفاجئات ومرات بتبقى مفاجئات بريحة هههههههههههه

السؤال ازاي اركب لمبة في الباب بحيث افتح الباب من هنا تنور من هنا

**SYD** · 10-10-2012 02:43 AM

it's very easy
هتروح لكهربائي محترم ابن حلال
هيقطع في فرش الباب بحكمة متناهية
هتجيب فلاشر (غماز) جيب أحمر او حتي الأصفر
هيبيته مكان القطع
وهتوصل الفانوس علي نفس كهربة نور الصالون

تحياتي لأفكارك الجهنمية

**Y a r i s** · 10-10-2012 03:18 AM

المشاركة الأصلية كتبت بواسطة syd

it's very easy
هتروح لكهربائي محترم ابن حلال
هيقطع في فرش الباب بحكمة متناهية
هتجيب فلاشر (غماز) جيب أحمر او حتي الأصفر
هيبيته مكان القطع
وهتوصل الفانوس علي نفس كهربة نور الصالون

تحياتي لأفكارك الجهنمية

حبيب قلبي ياعم سيد منور واللهي القسم يا غالي
بس حتت فلشر او ليدات فهمناها. وحتت انو يقطع. في الفرش كمان بسيطة وانو يوصل على نور الصالون كمان بسيطة بس الصعب في الموضوع ده كلو ان تلاقي كهربائي محترم دي صعبة قوووووي. لا وكمان فوق ماهو محترم يكون ابن حلال ده هلاقيه فين ده يا عم سيد !!!
وتحياتي ليك يا غالي

**Y a r i s** · 10-10-2012 03:21 AM

المشاركة الأصلية كتبت بواسطة s o p h o s

هههههههههههه
بص انا هقول راي فقط
مدام عاوز تغير حاجات كتيرة كده
غير العربية وهات عربية جاهزة بالحاجات دي
هههههههههه ايه رايك ..

اوعي تتعصب عليا ..

انتا بتقول فيها يا احمد انا نفسي بجد اخطف رجليا لحد اندونيسيا اروح اجبلي فايوس فول اوبشن واشتري دماغي بجد يا اخي تكلفة شوية تعديلات في عربيتك القديمة بتمن عربية جديدة فل اوبشن .... بس المشكلة الوحد بيحب يبني الحاجة على ايديه

**SYD** · 10-10-2012 03:32 AM

بص يا باشا
انشالله حتي يكون بذيل وودان طويلة
طول مانت واقف علي ايده هيشتغل وهو محترم وهيبقي ابن حلال ان شاء الله

لو حابب اوصفلك واحد حبيبي مخترع انا عينيا ليك
والمصنعية مليمين او اعمل عربيتك وامشي ومالكش دعوة - قوله انا من طرف محمد
وفي سكتك مش بعيد (في اخر فيصل)

وفي فكرة تانية - اشرس 100 مرة
عارف اللمبات الليدات (الشريط)
هتركب لمبتين فقط (حاجة كدة 3 سم) في ظهر الرف اليمين فوق دواسة الراكب الأمامي - واختها فوق رجلك
بتخلي العربية من جوة تحفة - بس عيبها لو انت مش كانس العربية بتظهر البلاوي هههههههه

وكمان ممكن تركبها في درج الباب - بردو شكلها حلو اوي

وكل الشغل دة هتعمله علي نور الصالون