نسبة الانضغاط للمحركات الموجودة بالسوق و البنزين المناسب

**1.8Tee** · 15-10-2012 12:17 AM

المشاركة الأصلية كتبت بواسطة formulator

ماهو كله هيقولك كده عشان دى Rule of Thumb فـ تيون المواتير!!

دلوقتى:
إحنا بنحقن MW50 ليـــــــــــــــه؟؟
- مواتير Super/Turbocharged بـ Aggressive Tune زى مانت بتقول،
عشان يقدر يرفع الـCompression-Ratio بأمان من غير حدوث detonation/knock

يعنى: كأنه حاطط Race-gas الأوكتان بتاعه 110-116

- صديقى التيونر الجريكى الشهير -بجد مش أرسطو- ههههههههههههههه (ومعدل عربيات هنا فـ مصر على فكرة)

أنا ماشوفتوش عاملها إلا فـ عربيتين، والإثنين Heavily-Tuned ومغيرين internals!!
واحدة جراند-بونتو Abarth موتورها T-JET مطلعة 350 bhp
والثانية جولف6 GTI موتورها TFSI مطلعة 400+ حصان - 360 whp تقريبا..!

تعالى انت بقى.. أنا فاهم فكرتك: هترفع RON الـ92 بنفس الطريقة، ونظريا.. هيبقى أحسن من الـ95.. تمام
لكن عشان يبقى الكلام ده Cost-Effective، وتستفيد منه.. لازم موتورك (الستوك) يبقى:
- الـCompression-Ratio فوق الـ11.0:1 مثلا
- أو Turbocharged مشحون بضغط جامد؛ فاتح بوست 16-20 psi مثلا..؟!!!

(وده مابيحصلش؛ معظم العربيات الستوك أقل من 11.0:1 والتربو الستوك من 0.6-1.3 بار وفـ الـOverboost-mode كمان)
وتقدر تراجع كل العربيات التربو الموجودة فـ مصر: الشيروكو والبرافو 150 والـ118i والـC250 CGi.

غير كده يامعلم:
دا انت ممكن يحصل حاجة أسوأ لو حقنت Water/Meth فـ موتور مش مستاهل:
أصلا هيعمل تبريد جامد جدا للـintake-charge، وممكن يقلل كفاة الحريق جامد..
ويخلى الـcombustion process مش Efficient وعربيتك هتـrun-rich وترمى بنزين بغباء

- من الآخر: لازم موتور Heavily-loaded مضغوط بـ شحن توربينى عالى أو بيـrun بـCompression-ratio عالية عشان يستفيد من MW50-injection

لو مش كده يبقى هدر فلوس فـ الأرض
(إسأل كده عند حماده غزى أو عادل وجدى على سعر الكيت، وشوف التانك الـ1/2 جالون بيتملى بكام)؟!!

كلامك زى الفل و جميل.....بس انا مقتنع بالموضوع دة مع المواتير ال stock.

انا اعتقد تظبيت ال afr والموضوع هيبقى تمام, و طبعا نوع و نجهيزات ال kit اكيد بتفرق.

انا بحاول اقنعك بالموضوع دة عشان نعمل group buy و نظبط ونجيب kit محترم من برة :).

**Formulator** · 15-10-2012 01:17 AM

المشاركة الأصلية كتبت بواسطة Mezox

طيب يا formulator بالنسبة للمونديو ال 92 ممكن يعمل detonation أو يؤثر في عمر الموتور ؟

هو كده كده الـECU مش هتسمح بحدوث الـdetonation (هى مش فيرنا تمشى تكركر والكنترول يسيبها كده

)؟!! هههههههههههههه

بس هتأخر الـignition-timing وتقلل الباور مع زيادة فـ إستهلاك البنزين

تأثيرها عـ العمر الإفتراضى للموتور: معرفش (لأن الموتور الـ125 حصان ده جديد فـ مصر)
بس عموما.. هيبقى أقل من مواتير التربو والحقن-المباشر!!

المشاركة الأصلية كتبت بواسطة Mezox

معلش بعيد نفس السؤال لأني عليَّ وشك إني اشتريها بكرة , أنا ممكن ازود لل 508 لكن لو مستحيل ليها 92 يبقى المنديو ارخص و اوفر و نفس الركوبة

المشاركة الأصلية كتبت بواسطة enas007

معلش يا formulator يعني من الاخر اجيب ال3008 واحط 92 مع العلم اني مليش في السحب والقرص علي الموتور انا جايبها عشان عاليه و واسعه وعائليه ومش ناوي اغيرها قريب
ولا اصرف نظر احسن

يا شباب هى مواتير الـPrince-THP (فـ الـ508/3008 وحتى مينى-كوبر) تشتغل بـ92 عادى،
- بس أنا مش مندوب مبيعات فـ توكيل عشان أضللك

أنا بتكلم فـ الصح.. والصح 95

طبعا العربيتين أجمد من بعض -فـ رأيى- سواء الـ508 أو 3008
ومقدرش أقولك ماتركبش عربية جامدة، وهات عربية ششششيت تشتغل ببنزين 90/92.. عشان أم البنزين المضروب اللى فـ بلدنا؟؟!!!

المشاركة الأصلية كتبت بواسطة 1.8Tee

كلامك زى الفل و جميل.....بس انا مقتنع بالموضوع دة مع المواتير ال stock.
انا اعتقد تظبيت ال afr والموضوع هيبقى تمام, و طبعا نوع و نجهيزات ال kit اكيد بتفرق.
انا بحاول اقنعك بالموضوع دة عشان نعمل group buy و نظبط ونجيب kit محترم من برة :).

هى الـAEM أنظف حاجة فـ التاريخ، ونكلاوى yoko يقدر يجيبهالنا من برا بأسعار معقولة أوى (وأرخص من أى حد)!!
بس مش دى المشكلة

هو فعلا فيه إتجاه growing للموضوع ده.. ومواقع و Tuning-shops ومقالات كتييييييير بتتكلم عن السهولة والـSimplicity فـ التركيب والتشغيل.
- طب دور انت وأنا برضه هشوف.. ونعمل موضوع بـ اللى نلاقيه فـ البحث!!

btw: ضبطة الـAFR فـ حاجة كده مش سهلة زى مانت متخيل.. وفـ موتور ستوك كمان؟!!!

وأساسى مش أى تيونر هيقدر يضبط boost-map + ignition-advance + AFR وهو كده-كده الكنترول بيرفع الـthreshold فـ الحرق؟؟!!!

دا بيبقى عامل upgrade للتربو -فاتح بوست أعلى، ومغير كامات بحاجة high-lift وطلمبة وinjectors ووو... عامل تيون بـremap فاجرة..
و برضه بيواجه صعوبة كبيرة فـ تضبيط الـAFR وإستهلاك البنزين؟؟!!!

نشوف