لقيت مكانيكى فيات فى وينجت فى اسكندريه ياترا حد جربه هنا

**misoalex** · 22-10-2012 03:01 AM

المشاركة الأصلية كتبت بواسطة mishoooonline

والله يامان انا ساكن هناك ومعايا بترا 2004
بقالها 4 شهور معايا
عملت تشك ع العربية عندو وغيرت سيور التقسيمة والبور وحبة حاجات كده بوجيهات و كهربا المتور وموبينة بعد اسبوع من اول ما اخدت العربية"يلاربنا يسامحو اللي باعهالي "
شغلو كويس لان مفيش عيب ظهر ف العربية من بعد الصيانة وسافرت بيها مطروح ف الصيف ده واتفسحت

واهو لسه شغالة
ههههههههههههههههههههههههه ههه

اه ع حسب ما سمعت انو كان شغال ف توكيل فيات وطلع ع المعاش وفتح الورشة دي هو وكام واحد من اللي كانو معاه

تمام اوى شكرا ان حضرتك رديت على الموضوع

طب هو المصنعيات بتاعتهم ايه نظامها غاليه ولا رخيصه ومعاملتهم كويسه ولا منفوخين زى بعض الناس بدون زكر اسماء :))

وانت البيترا اللى معاك 1600 ولا كام

وربنا يباركلك فيها

**mishoooonline** · 23-10-2012 09:52 PM

بالنسبة للمصنعيات ف المعقول
طبعا اقل من التوكيل
ان مش عارف طبعا سعرو كويس ولا لا بس انا قولك ع اللي عملتو واخد منى كام
1- اول مرة لما اشتريت لعربية كان مضحوك ع ف البطارية "متغيرة بواحدة صغيرة ومخدتش بالي وكمان وش كان بيسرب مياه وده طبعا مبيبنش الا لما تمشي بالعربية"
المهم كان نتيجة البطارية ان الدينمو باظ ومبقاش يشحن ومكانه صعب بصراحة الراجل فك نص العربية علشان يطلعو ومكانش مدايق واخدتو وصلحتو برة ورجعتهولو وركبو
وغيرلي البيل و كمان الوش اللي بيخر مياه بواحد جديد بعد ماجبتو وسيور التقسيمة والبور وحاجة كدا ف سير التقسيمة و شيك ع باقي العربية
وخد 300ج
2- ودي من اسبوع بس غيرلي الطنابير وتيل الفرامل الاتنين اللي قدام ب60 او 80 ج مش فاكر لكن مش اكتر من كدا

بصراحة الناس زوق وبالهم طويل

**mishoooonline** · 23-10-2012 09:54 PM

اه البترا اللي معايا 1600 كاملة منوال 2004

وبالنسبة للصنايعية التانين انا متعاملتش معاهم دي اول مرة اركب فيات كان معايا بيجو 504 و 305 وبصراحة مفتقد 305 عاشت معايا لحظات حلوة
المهم من حسن الصدف بعد ما اشتريت العربية وداخل بيها الشارع ف كهربائي شاطر اسمو بحرية عند مدرسة خالد بن الوليد ف وينجت قالي ع جابر ورحتلو وده اول ميكانيكي اتعاملت معاه

**misoalex** · 23-10-2012 11:23 PM

المشاركة الأصلية كتبت بواسطة mishoooonline

اه البترا اللي معايا 1600 كاملة منوال 2004

وبالنسبة للصنايعية التانين انا متعاملتش معاهم دي اول مرة اركب فيات كان معايا بيجو 504 و 305 وبصراحة مفتقد 305 عاشت معايا لحظات حلوة
المهم من حسن الصدف بعد ما اشتريت العربية وداخل بيها الشارع ف كهربائي شاطر اسمو بحرية عند مدرسة خالد بن الوليد ف وينجت قالي ع جابر ورحتلو وده اول ميكانيكي اتعاملت معاه

هو المصنعيات كده غاليه شويه يعنى تركيب التيل والطنابير من 40 ل 50 جنيه دول مسمارين بتوع الطنابير ومسمارين بتوع التيل وخلص الموضوع
بس لو شغلهم نضيف وعندهم ضمير ومتروحش هناك بعيب تروح بعبين تلاته يبقى كويس لانى جربت احمد لانشيا وبصراحه حاجه تحرق الدم مصنعيات غاليه وقطع غيار عنده غاليه وبعد كل ده تروح بمشكله واحده ترجع بمشكله تانيه غير الاولى بسبب الاستهتار بتاع اللى شغالين فى العربيات

بس انا بشكرك جدا جدا على نقل تجربتك معاهم وان شاء الله ربنا يباركلك فى عربيتك

**الأصولي** · 02-12-2012 03:12 PM

اسمه المهندس جابر راجل محترم تخصص النوع ده من العربيات, ممكن المصنعية غالية شوية بس فيه عنده أمانة وعيبه أنه مش فاضي دايما ممكن تروح له لو العطل كبير يقولك لعد اسبوع تعالى عشان بيكون مركون عنده أكتر من 3 -4 عربيات على الأقل بيشتريلك قطع الغيار لو انت مش عارف تشتريها هو ساعدني وانا باشتري سينا 2003 من حوالي شهرين واحد قالي عليه عشان اكشف على العربية واشوف تستاهل السعر المطلوب وخلصت فيها على 35 ألف وكانت محتاجة علبة دريكسون واديته 100 جنيه للكشف والمشورة من غير ما يطلب مع ان الأخ اللي قالي عليه قال الكشف بالجهاز 50 جنيه ومن خلال تعاملي معاه بخصوص علبة الدريكسيون فالمصنعية لتركيبها 300 جنيه وهند غيره 200 بس يستاهل.

**misoalex** · 02-12-2012 09:42 PM

المشاركة الأصلية كتبت بواسطة الأصولي

اسمه المهندس جابر راجل محترم تخصص النوع ده من العربيات, ممكن المصنعية غالية شوية بس فيه عنده أمانة وعيبه أنه مش فاضي دايما ممكن تروح له لو العطل كبير يقولك لعد اسبوع تعالى عشان بيكون مركون عنده أكتر من 3 -4 عربيات على الأقل بيشتريلك قطع الغيار لو انت مش عارف تشتريها هو ساعدني وانا باشتري سينا 2003 من حوالي شهرين واحد قالي عليه عشان اكشف على العربية واشوف تستاهل السعر المطلوب وخلصت فيها على 35 ألف وكانت محتاجة علبة دريكسون واديته 100 جنيه للكشف والمشورة من غير ما يطلب مع ان الأخ اللي قالي عليه قال الكشف بالجهاز 50 جنيه ومن خلال تعاملي معاه بخصوص علبة الدريكسيون فالمصنعية لتركيبها 300 جنيه وهند غيره 200 بس يستاهل.

شكرا على المعلومه الف شكر ليك انك حكيت تجربتك معاه
طب انت جبت علبه الدركسيون منين وبكام لو فيها رزاله بس لو عندك اى معلومات عن بتوع قطع الغيار

**الأصولي** · 04-01-2013 08:48 PM

جبتها الأول استيراد ب 600 من المنوفية وطلعت بايظة وبعدين جبتها من عند الشيخ طارق من القاهرة وصلت له عن طريق النت ب 400 وبرده طلعت بايظة وبوظتلي طرمبة زيت الباور الللي تمنها 700 وفي االأخر جبت الجديده من عند النونو ب 2000 وطمبة الزيت ب 700 وعد بقى مصنعيات خلتنى كرهت الاستيراد لأنه مش استيراد دا خليع قديم يعنى وحسبي الله ونعم الوكيل