السلام عليكم

انا هاحكي موقف غريب حصل معايا والاغرب اني حسيت اني اتلجمت وما عرفتش اتصرف

كنت مع المدام في كارفور المعادي وبعد ما خرجنا ورايح اركب العربيه في الباركينج لقيت شاب جاي ناحيتي بعربيه اسبرانزا ام 11 واللي حصل كالاتي:

الشاب: السلام عليكم
انا: وعليكم السلام
الشاب: حضرتك من القاهرة
انا: ايوة اؤمر
الشاب: انا مش عارف اقول لحضرتك ايه انا اسف والله
انا: اتفضل خير في حاجه
الشاب( مرتبك ومحرج والكام طالع بالعفيه): انا اصلي المفروض اسافر البحر الاحمر دلوقتي انا والله دكتور
انا: ايوة يعني اخدمك ازاي
الشاب: انا والله مش معايا بنزين
انا : احرجت جدا ومش عارف اهزقه عشان راكب عربيه وبيشحت ولا اعمل بالظبط وقلتله والله انا مش عارف بس يعني اللي ها اديهولك ها يوصلك
الشاب: انا اسف جدا بس يعني وسكت
انا : قولتله خلاص ولقيت نفسي بديله 20 جنيه وهو راح شاكرني وماشي

بعد الموقف ده انا طول السكه ماشي مخنوق من نفسي جدا عشان حسيت اني اتضحك عليا ومش عارف هل هو فعلا مزنوق قوي كده في فلوس ولا نصبايه