الموضوع: يا ترى ده بجد ولا طرقه جديده للنصب والشحاته

المشاركة الأصلية كتبت بواسطة michohat

كتير بتقابلني مواقف زي دي ومن كترها الواحد بقى مش بيفكر وبيلاقي الرد طالع تلقائي
الموضوع له ناحيه تانيه يا جماعه
فرضاً ان الواحد اللي قدامك فعلا معزور وفعلا مش لاقي حد يطلعه من موقفه الا انه يحرج نفسه ويستلف منك وانت ترده و تكسفه اكتر

شوفت موقف قدامي اعتقد انه ممكن يكون الحل
واحده غلبانه كانت عاوزة تجيب دواء وبتجمع ف تمنه واحد اخدها لصيدلية و اشترى لها الدوا بدل ما يديها الفلوس او بعض الفلوس في ايديها هو راح معاها للصيدلية واشتراه لها

هل يا ترى هو ده الحل ولا لو واحد من إياهم في الموقف ده هيرجع الدوا تاني الصيدلية وياخد ثمنه او يتصرف فيه باي طريقه

يا اخى ولاد الحرام مسبوش لولاد الحلال حاجه
انا قدام محطه المترو واحده ست عندها 70 سنه وزياده
حاوسه كنيه والنبى يابنى الوح بيتى فى المرك (عاوزة جنيه والنبى يا ابنى اروح بيتى فى المرج )
قولتلها تعالى يا ماما انا نازل المترو اقطع لك التذكرة
لسانها اتعدل وفرجت على الدنيا لولا ان انا ما بيهمنيش من الاشكال دى والبياعيين عارفينها مش بعيد كانت عملتلى قضيه تحرش بعذراء سبعينيه ههههههههههههه
وبعدين انت لو نزلت العتبه ورمسيس والجيزة تلاقى شابه قمر لابسه عبايه محزقه وميكياج على الاخر وتقولك حقنه الانسولين لامى ان شاء الله اغسلك سجاجيد او فلوسى وقعت
ولو انت لونت معاها تلاقى 2 مسجلين طلعولك من تحت الارض وبهدلوك
عصابه مع بعض

المشاركة الأصلية كتبت بواسطة محمد يوسف

نفس الموقف ده حصل معايا من سنة ونص بالظبط فى ميدان عبدالمنعم رياض وكان شاب محترم برضه راكب عربية مش فاكر أكسنت تقريبا وقاللى انه من اسكندرية وفلوسه خلصت والبنزين مش حايكمل معاه نص الطريق فأنا اديته 20 جنيه ومشيت..الله أعلم نصباية ولا لأ بس انت ونيتك وكله عند ربنا

حصلت معايا من اسبوع وكان راكب اكسنت خضراء ولونها مش منتشر ..هل الاكسنت الى بتقول عليها خضرا برضه