متشكر جدا يا فندم علي نقل تجربتك لينا علشان نستفيد بيها جميعا
و الهدف ان كلنا نشجع بعض و نبطل
و حلو برضو موضوع اللبان ده و حبقي اجربه لو زنقت قوي
عرض للطباعة
ربنا يخليك يا فندم
ربنا يكرمك يا رب
وتبطلها ومترجعلهاش ولا تفكر فيها
بجد انت مش متخيل اللي ناقصك وانت بتدخن
هتلاقي فلوس السجاير كتير في جيبك
هتلاقي صحة
هتحس انك انسان تاني خالص
كفاية الفخر اللي هتحس بية
شد العزيمة وانوي انك مش هترجعلها تاني
ومهما حصل وجيت تضعف قول لنفسك انا قوي انا مش هرجعلها انا قدها وقدود واشغل تفكيرك بحاجة تانية
اول متحس انك عاوز تشرب هما خمس دقايق يعدو من غير تفكير وهتنسي
وربنا معاك ويقويك يا رب
ولازم توافينا بالمستجدات
وكل شوية شجع نفسك خلي اللي حواليك يشجعوك
ربنا يساعدكم وينصركم ويايدكم للإقلاع عن العادة الهباب دي
انا حاليا ببطل بس على فترات وعندى هاجس ان انا هابطل شهر ولا اتنين وارجع تانى مش عارف لية
انا بطلت كتير وبرجع تانى ادعولى ربنا يقوينى ومارجعش تانى لأنى لسة شارب سيجارة امبارح وكان بقالى اسبوع مبطل وزعلت من نفس جدا
معلش دية حاجة بقالها معايا 15 سنة يارب قوينى
والله فرحتلك
حاول تقطع مره واحده و مترجعش تاني
اصلا اصعب فتره هيا اللي في الاول دي(اللي انا فيها دلوقت)
بس اعتقد لو عدي اسبوعين مش شهر من غير سجاير مش حفكر فيها تاني
يارب يقويك و يثبتك ويقوينا جميعا
بص انت مش حينفع تبطل من نفسك كده لازم وسيله مساعده
لو تقدر هات الدوا اللي انا قايل عليه في اول الموضوع
لو غالي هات اللبان اللي اسمه نيكويت برضو فعال
وحاول تكمل مش مهم السيجاره دي انت عديت الصعب
رابع يوم الحمد لله بدون تدخين
اضحكوا بقي
كل شويه احس ان انا صايم علشان مش بشرب سجاير و افرح جدا لما اكتشف ان ينفع اكل و اشرب عادي ههههههه
النهارده حاسس انه اصعب من الايام اللي فاتت مع ان اول يوم فضلت صاحي ال 24 ساعه كامله
بس النهارده حاسس اني تعبان فعلا
ربنا يقويني ويثبتني
حاجه نيله ان الواحد يحس ان في حاجه ماسكه فيه كده و متحكمه فيه
تحسسك كده انك ضعيف بس انا ان شاء الله حهزم الاحساس ده
ويا رب كل اللي عاوز يبطل يعرف و يهزم السيجاره