الموضوع: حادث بشع في الساعات الأولى من صباح اليوم بمنطقة الشاطبي بالإسكندرية بسبب جنون السرعة

خلاص يا جماعة الاسكندرانية مبيعرفوش يسوقو غير جوة بلدهم و وواخدين على سواقة بعض

يا ريت بقى محدش يبقى يجيلنا من برة و يخنقنا و يزحم الدنيا عندنا و خلى كل واحد جوة بلده

أنتوا سيبتوا الحوادث و بتتكلموا عن سواقة الأسكندرانيه !!!

بصوا يا جماعة عشان أبقى صريحه معاكم أنا من أسكندريه و بشوف القاهره مثلا مثال فى الهمجيه للسواقة سواء فى بلدهم أو فى مصايفهم و ناس تانيه من القاهره هتشوف أسكندرية كدة

بس على فكرة بتوع القاهره لما بييجوا فى الصيف و بيشوفوا ناس بتسوف بهبل و مش عارفين يسوقوا فما هو إلا أنهم بيشوفوا بعض و بالتالى مفكرين أن أى حد غيرهم أسكندرانى و دا بيحصل كتير جدا فى طرق البحر

بكون ماشية و مرة واحدة ألاقى واحد يكون من البحيره ولا المنوفية ولا الجيزة و مرة واحدة ماشى كأنه سايق توك توك دا غير الأستظراف و الفرملة المفاجئة لما يكون أدامك كأنه بيقولك لأ و النبى خش فيا خش

معلش دى الحقيقة فكل واحد شايف أنه الأحسن و الأفضل و دة الطبيعى و الأغرب أن محدش بيشوف نفسه غلطان

خلينا فى الحوادث أهم و فى سياق الموضوع و نقول الله يرحم كل واحد يموت و يشفى كل مصاب

الغريب اعمى ولو كان بصير

الكلام كله على الاسكندرنيه لان اللى بيتكلمو من القاهره وجربو يسوقو فى اسكندريه
طب ما تسمعو رأى اسكندرانى جرب يسوق فى القاهره
اذا كان احنا عندنا ناس مبتعرفش تسوق فأنتو عندكم اكبر كميه همج وغشم فى السواقه شفتها فى حياتى على المحور والدائرى خصوصا و مصطفى Eng.M Mahran يشهد لما كنا مع بعض الاسبوع اللى فات فى القاهره كام عربيه كسرت علينا وكام عربيه زنقت علينا وكام نقل كان حيخبطنا مع انى كنت ماشى 90 100 بس برضه فيه ناس بيجرو وخلاص تحس انها نمل من الاسود السريع ده
واكبر دليل على كلامى الحوادث اللى كل ساعه على الدائرى والمحور اكتر من اللى عندنا فى اسكندريه

عموما انا شايف ان كل واحد بيعرف يسوق فى بلده لانه حافظ الطريق وعارف بيجرى امتى ويهدى امتى والكلام ده كله
لكن لو سعاتك جاى غريب ومش حافظ الطريق حتحس ان كله بيكسر عليك وكله بيرعشلك نور عشان تتحرك وتجرى وانت خايف تجرى لانك مش حافظ الطريق
ولو جربت تجرى زى اللى بيجرو وانت مش حافظ يبقى حتنتهى بكارثه

عموما السبب فى الاخر ان كل واحد معاه قرشين بيروح يدفعهم مقدم ويشترى حته حديده ويجرى بيها وهو ولا بيعرف يسوق ولا يفهم فيها وحتى لو بيعرف فهو مش عارف امكانيات الحته اللى راكبها من ثبات وفرامل وعفشه وكاوتش وغيره بس فرحان بالحته بتاعته انه لما بيدوس بنزين بتجرى
بس مفكرش انه لما يدوس فرامل حتقف ولالا وتقف عدله ولا على وشها وواخده معاها 3 او 4 عربيات فى سكتها ملهمش زنب

وعموما الكونيش ومحور التعمير (الدولى الساحلى ) عندنا = الدائرى والمحور عندكم
وانا سعات كتييييير ويمكن كتبت الكلام ده فى كذا موضوع قبل كده انى بتشاهد لما بوصل سليم من على الكونيش من المخاطر وكميه الحوادث والجثث اللى الواحد بيشوفها لايف

كل المصريين مش بيعرفوا يسوقوا و ميعرفوش يعني أيه سواقة أصلا .
و أساس ده حاجتين

المرور الزفت اللي بيدي أي حد رخصة سواقة .
و متابعة الطرق من جهة الشرطة المرورية .

مبدء اللي بيعرف يسوق هنا هو اللي بيعرف يعمل غرز و يسابق و ده هو الواد الحريف اللي مفيش منه .

بره بقى حاجة تانية
اللي بيعرف يسوق هو اللي مش بيعمل حوادث .
و لنا الله من شعب همجي متسرع كاره للنظام ............ لشرطة مرور في الجلاش ....