اكشف على سيفيك الجيل الثامن فين (غير التوكيل)

**TOOLA** · 11-10-2012 02:05 PM

السلام عليكم لوحوش الهوندا:

دلوقتى انا ان شاء الله بخلص فى بيع عربيتى و مفروض اسلمها لصاحبها الجديد النهارده او بكره ان شاء الله.

و من ضمن العربيات الهدخلها فى نطاق البحث ان شاء الله هيا سيفيك 2007 او 2008.

فعاوز مركز او ورشة متخصصة للكشف على العربية بالكامل فى حالة انى لقيت حاجة مناسبة, انا بتكلم فى حد يكون على مستوى احترافية هانى سمير فى الفولكس عندنا مثلا, و يا حبذا يكون فى منطقتى مصر الجديدة او مدينة نصر او الحرفيين طبعا.

مع العلم ان الحمد لله عندى خبرة لا بأس بها فى الحكم على العربية بشكل عام كبوية و صالون و ماتور و عفشة, يعنى فى نسبة تمييز من العربية المتهانة او الغير متهانة, بس طبعا لا يغنى عن الكشف عند متخصص.

و دعواتكوا بأه لأنى مستعجل و لو ملقتش حاجة مناسبة هضطر اشوف حته سيراتو تمشى الحال شوية كده, و ربنا يكرم.

و شكرا مقدما

**TOOLA** · 11-10-2012 02:10 PM

و موضوع الكشف فى التوكيل غير وارد بالنسبة ليا, بصراحة مستخسر المبلغ الهيدفع هناك (ناس تقول 400 و ناس تقول 700معأنى مستبعد ال 700 ديه), و ثانيا مش شايف الهوندا عربية معقدة للدرجة جيه "يعنى ماهياش ميجان مثلا", و ثالثا مش هعرف اخد اجازات كل شوية اروح اكشف على عربية فى التوكيل , و اكيد فيه البيفهم فيها كويس بره التوكيل.

**TOOLA** · 11-10-2012 02:16 PM

اه صحيح, هوا ايه كمان موضوع السيفيك اليابانى و السيفيك التركى الخليجى, و هل فيه فروقات تعيب العربية التركى, و اعرف افرق بينهم ازاى.

**sanhory** · 11-10-2012 02:32 PM

في واحد اسمه محمد , الاستاذ هيثم كمال يعرفه المفروض انه شغال في التوكيل و ليه ورشة خاصة في الحرفيين و مجهزة باجهزة كشف

**TOOLA** · 11-10-2012 03:34 PM

شكرا يا باشا, بس هحتاج طبعا شوية تفاصيل :), عنوان مفصل شوية او رقم تليفون, ننتظر أ هيثم يدلنا

**sanhory** · 11-10-2012 03:49 PM

انا لقيت رقمه معايا
........... محمد

**hany63** · 11-10-2012 10:03 PM

المشاركة الأصلية كتبت بواسطة toola

اه صحيح, هوا ايه كمان موضوع السيفيك اليابانى و السيفيك التركى الخليجى, و هل فيه فروقات تعيب العربية التركى, و اعرف افرق بينهم ازاى.

ريح دماغك و هاتها من واحد شاري من التوكيل و تقدر تعرف كده بسهوله من الضمان

**TOOLA** · 12-10-2012 04:34 PM

سنهورى باشا و هانى باشا, شكرا جزيلا على الرد, و ربنا يعمل الفيه الخير, انا هحاول اوصل لمحمد الفى الحرفيين ده و خصوصا انى نازل هناك بعد شوية ان شاء الله.

بالنسبة لموضوع الضمان بردو مش فاهم اعرفه ازاى, فواتير صيانة مثلا ولا فى حاجة مفروض تبقى معاه مختومة و تثبت الضمان, خصوصا انى ذكرت انى مش هروح اكشف فى التوكيل.

معلش للتأخير فى الرد, انا لسه اول مرة اخش على النت من امبارح.

**hany63** · 12-10-2012 10:25 PM

يكون معاه الضمان مختوم بختم الوكيل

**TOOLA** · 13-10-2012 01:14 PM

المشاركة الأصلية كتبت بواسطة hany63

يكون معاه الضمان مختوم بختم الوكيل

Thanks ya basha

الموضوع: اكشف على سيفيك الجيل الثامن فين (غير التوكيل)

LinkBack

أدوات الموضوع

عرض

اكشف على سيفيك الجيل الثامن فين (غير التوكيل) - انشر الموضوع فى :

-

-

-

-

-

المواضيع المتشابهه

صيانة ال100.000 هوندا سيفيك الجيل الثامن

شاهد بالفيديو كيفية تغيير فلاتر وبوجيهات سيفيك الجيل الثامن

تجربة فلتر k&n مع سيفيك الجيل الثامن

كل المعلومات عن هوندا سيفيك الجيل الثامن | All about Honda Civic 8th generation

لو عاوز اكشف على عربية باسات بره التوكيل.... اكشف عليها فين

الكلمات الدلالية لهذا الموضوع

المفضلات

المفضلات

ضوابط المشاركة