هو السعر ده على اساس ايه بالظبط كده النسخة ال 64 هتبقى ب 12 الف جنيه مثلا !!!:w6266d
هو السعر ده على اساس ايه بالظبط كده النسخة ال 64 هتبقى ب 12 الف جنيه مثلا !!!:w6266d
لا ده السعر المصري
وكالعادة تعدي سنة وتعرف السعر الي اقرب للواقع ..
ليييييييييييييييييييييييي ييييييييه بيقول بابا وماما
كل دة سوق سودة
وكلها شهرين وينزل ل 5000 جنية اول ما ينزل بصورة رسمية فى شركات المحمول
انما اللى بيبيعة بالسعر دة حاليا اقل ما يقال عنة
حرااااااااااااااااااااااا امى لان الموبيل هوة جايبة واقف علية ب 4800 تقريبا وطبعا كلنا عارفين بيبقى داخل ازاى يعنى لا جمرك ولا دياولوا وبيبعة علشان يكسب فى موبيل 2000 ولا 3000 جنية فى حتة موبيـــــــــــــــــــــ ــــــل واحد ؟؟؟؟؟؟؟؟؟ لو علقت اكتر من كدة حتوقف :)
ولا حتى 5000 جنيه مع احترامى لمن يشترى موبايل أكثر من 2000 جنيه ياريت يقولنا استفاد بيه ايه
كاميرا الموبايل لا يمكن حتكون فى جودة الكاميرات الديجيتال المستقلة بذاتها
و كذلك استخدام النت على الموبايل بيكون للضرورة فقط وعمره ما حيكون زى استخدام الكمبيوتر
مين موافقنى؟
على فكرة مجال عملى الكمبيوتر والبرمجيات يعنى عدى على موبايلات كتير وبأستخسر فيهم الفلوس بخلاف الكمبيوتر واللابتوب والمينى لاب ومختلف الأجهزة الإلكترونية الأخرى تستاهل الواحد يدفع فيها فلوس ويستمتع بيها
هو انا مش هدفع المبلغ ده ولا نصه حتى في آي فون تحديداً
لكن اختلف معاك فيما يخص السمارت فونز وأهميتها
اللاب توب عندي اتنين واحد كيبورده باظ والتاني كيبورد وشاشة ومش هشتري لاب تاني ابدا وبقالي شهرين شغال ع الموبايل نت وكل حاجة ومستغني عن اللابات ومش خاسس باي مشاكل الحمد لله...
تحياتي
Sent from my LT18i using Forum Runner
غالى جدا بشكل مبالغ فيه
العيب مش علي اللي بيبيع حتي لو كتب عليه 30 الف جنيه
العيب علي اللي حيشتري
اللي اعرفه ان الجديد مفيهوش اي حاجه جديده ممكن تخلي حد يشتريه غير انه كبر ورفع شويه يعني خس والسوفتوير بتاعه ممكن ينزل للقديم عادي والله اعلم لو كان في حاجه تانيه ولا لآ
وانا برده مستحيل ادفع اكتر من 1000 او 2000 جنيه بالكتير في موببل بصراحه
اللي نفسي اجيبه هو ال الكندل عشان اقرا عليه بدل ماعنيا توجعني علي الاب والجهاز
ولو جبت اي باد مثلا هيبقي لولادي مثلا مش ليا
هو بيتباع سوق سودة فى الإمارات فى حدود 6000 ل 6500 جم
كتيييييييييير على موبايل جداً.........ده أنا كان من فترة قدامي لابتوب أبل محترم معروض عليا جديد فى حدود 7000 جم و هاخد خصم 1500 يعنى هيقف ب 5500 ....يعنى سعره زى الفل و جديد بالضمان و مرضتش أجيبه علشان الابتوب اللى معايا شغال و مش مضايقنى فى حاجة.
عموماً غير الحجم و الوزن و السُمك.........هو نازل ببروسسور جديد أسرع من البروسسور اللى فى السامسونج ال s3
غير كده كل حاجة فيه ممكن تنزلها على اللى قبله.
انا عايز بس اوضح حاجة بسيطة اوى بخصوص السعر بتاع الموبيل وكدة
كون ان فى اى حد ممكن يدفع المبلغ دة فى موبيل فدة مش عيب (انا بتكلم على سعرة الاصلى اللى فى حدود 5000)
كون ان فى اى حد ممكن ميدفعش فى موبيل اكتر من 1000 جنية بردة مش عيب
لكن العيب ان احنا منبقاش عرفين الموبيلات دى غالية لية واية الجديد اللى تم فيها
واية الطفرة التكنولوجية اللى اتعملت علشان وزن موبيل يقل بمقدار معين
وحجمة يتقلص حتى 1 مللى متر ونقول هوة اية الجديد اللى فية يعنى
لاء اكيد فية جديد
لاء اكيد هوة احسن من اللى قبلة
لاء اكيد اللى عملة تعب جدااااااااااااااااااااااا اااا علشان يخلية يخس 1 مللى
لاء احنا مش عارفين ولا فاهمين ولا عمرنا لا حنعرف ولا حنفهم طول ما بنفكر بالعقلية بتاعة يعنى هوة اية اللى فية يعنى علشان يبقى كدة ؟هههههههه انت تعرف حاجة اصلا عن المعالج المستخدم فية ؟؟؟ تعرف اى حاجة عن مدى الصعوبة اللى واجهوها وهما بيصمموا القطع الدقيقة الداخلية علشان يخرج بالمنظر دة وبالسمك دة ؟؟
تعرف هما لية اصلا كبروا حجم الشاشة طولى ومكبروهاش عرضى ؟؟؟؟ ماهو مش فتاكة اكيد دة دراسة وتانى وتطوير كبير جدا بيتعمل
اخيرا وليس اخرا
كل موبيل يسوى 1000 جنية يستاهل تمنة
وكل موبيل يسوى 5000 جنية اكيد يستاهل تمنة
فى نقطة مهمة بتبقى غايبة عننا
ان فى حاجة اسمها law & mid& high end فى الموبيلات وفى كل الاجهزة التكنولوجية وقيس عليهم الموبايل والابات والتابات والدى فى ديها وكل قطع الكميوتر الهاردوير
فالايفون يعتبر هوة والجالكسى زى البى ام والمرسيدس بالظبط
كون ان فى تجار حاليا بيبيعوة باسعار فلكية فدة علشان الاستغلال والجشع للاسف
لكن هوة لما ينزل سعرة حيكون فى حدود ال 5000 جنية ودة سعر اى جهاز هاى ايند فى مصر على فكرة :)
طب أنا عندى سؤال هايجننى !!
هو الايفون 5 بيستقبل شريحه من نوع نانو .. و الشريحه فى مصر نوعها ميكرو ... هايشتغل إزاى بقى علشان أنا هاتجنن :d
أقصد بالشريحه خط التليفون مش الميمورى كارد للتوضيح :)
الشريحة النانو هى الشريحة العادية اللى اتقصت وبقت ميكرو بتتقص عادى خالص وبتبقى نانو
النانو مسمى لصغر الحجم مش اكتر لكن لا يوجد اختلاف فى الية تشغيل الشريحة العادية
ودلوقتى موجود فى مصر حتى لو روحت تريد لاين حتلاقى عندهم القصافة بتاعة النانو لو معرفتش انت تقصها بايدك
مممممممم تمام كده فهمت .. متشكر يا رجاله على التوضيح :)
مش عارف ليه حضرتك افترضت الجهل في اللي قالوا ان سعر ايفون غالي .. ايوه .. سعره غالي .. بدون اي داعي .. و على فكرة مش ايفون بس .. دا اي منتج من آبل .. ابل شركة مبتكرة .. نعم .. و لكن منتجاتها .. اغلى من اللازم .. علشان كده .. جننتها IBM زمان .. و ذلتها مايكروسوفت .. و مدوخاها سامسونج و الاندرويد .. اي فون لحد دلوقتي ماهواش fully multitasking .. و لا ينافس S III من سامسونج .. يبقى ايه مبرر سعره .. على اية حال دي عيوب الاختراع العظيم ايفون 5 على حسب موقع gsmarena المفترض انه بيفهم شوية في عالم الموبايل .
- Aluminum body looks cool but is easy to scratch
- Proprietary connector, incompatible with previous-gen accessories (needs adapter)
- The new display is not proportionally bigger, but only taller
- Unadapted apps run letterboxed due to the unusual resolution
- nano-SIM support only
- Apple Maps app not up to scratch
- No USB Mass Storage mode
- No FM radio
- No stereo speakers
- No microSD card slot
- No NFC connectivity (though that may be nitpicking)
- Stuck with iTunes for loading content
- Mono audio recording in videos
تعبت من التعليق على جى اس ام ارينا بصراحة :)
بصراحة ارى التحيز واضح فى مقالهم
كل جهاز لية مزاقة الخاص
وكل جهاز لية ميزة وعيب
ولو حبيت افصصلك عيوب الاس3 مرورا بجميع الاجهزة اللى امتلكتها القائمة تطول وتطول
مفيش جهاز كامل ولن يكون هناك لان الكمال لله
صعب الرد دة من واحد اندرويدى حتى النخاع صح ؟:)
بس انا والله لا متعصب ولا احب التعصب خصوصا انى لا ابن عمى سامسونج ولا خالى ستيف جوب وتيم كوك
انا بدفعلهم دم قلبى ومش مطالب انى ادافع عنهم خالص بالعكس :)
برده حتي لو تعبو وعملو المتسحيل عشان يخلوه اطول ولا اقصر ولا يغيرو اي حاجه في الشكل كل ده ميهمنيش كمستخدم انا اللي هيمني انا استفدت ايه من كل ده يعني لو معايا موبيل وجميل وحلو وكل حاجه وانت كشركه بعد كده صرفت مليارات عشان تخليه ارفع بس طولته شويه يبقي انا ايه الأستفاده اللي استفدتها ؟
فكر فيها كمستهلك مش كمنتج
الموضوع عامل زي العربيات كده لما يقولك عربيه ب 100 وتلاقي الموديل اللي بعدها نفس الشكل بالظبط مفيش اي تغيير وتلاقيها بقت ب 150 الف تقول ليه يقولك اصل غطا الموتور بقي معمول بتكنولوجي عاليه قوي والشنطه بقت متبطنه والفوانيس لونها احسن طيب انا كسمتهلك استفتدت ايه ؟ ايه القيمه اللي اخدتها عشان ادفع الفرق ده كله؟ ولا حاجه
امبارح فى كارفور عامل عارض خطير عليه 8439 جنيه يعنى الحقوا فسالتوا كام مساحته قالى 16 جيجا استغربت وبقوله اذا كان فى بى تك والعجيل وكل حته 7500 يقولى من غير ضمان سبته ومشيت
الايف.ن بدا مسلسل الهبوط
بالرغم اني بستخدم النوت حاليا بس هيفضل الارك اس افضل موبايل مسكته وهو الوحيد ريسبونس التاتش لشاشته يضاهي الايفون وافضل
بالرغم من انه نواه واحده بس اسرع من النوت بمراحل بس ده يدل ان حشو المواصفات علي الورق حاجه والتجربه العمليه حاجه تاني
الغريب ان سلسله الاكسبيريا اللي قبل الارك اس واللي بعديها الي مفروض اقوي في المواصفات ومن نفس الشركه مش بمستوي الموبايل ده
تجيبلك احسن ايباد فيكي وموبيل ب 200 جنية ولا حاجة وتبقي حاجة زي الفل :)
بص يباشا معلومات حضرتك غلط وحقولك لية
انت شبهت الموبايل بالعربية ودة جميل اوى واى
بس تشبيهك خدعك فى ان العربية نزلت نفس الشكل وبسعر اعلى
اولا الايفون 5 مش نفس شكل اللى قبلة مش علشان الموبايل فية نفس الانتينا يبقى نفس الشكل
التصميم متغير خالص ولو مشفتش دة يبقى وجهة نظرك
ثانيا الشاشة حجمعها اتغير ودقتها اتغيرت وتشبع الالوان فيها اتغير (يعنى شاشة محسنة عن اللى قبلها)
ثالثا الرامات متضاعفة كانت 512 وبقت 1 جيجا
رابعا الموتور او البروسيسور متغير تماما بواحد جديد سرعتة وقوتة ضعفين القديم ولو ملاحظتش السرعة دى علشان السوفتوير سلس مع كل الموديلات ودى اهم ميزة فى ابل انها مبتقولكش ارمى موبيلك معلش السوفتوير الجديد مش حنقدر ننزلة عندك زى بالظبط الجيلى بين لما نزل سامسونج اعلنت انة مش حينزل للاس2 اللى مكنش بقالوا سنة وشوية وبعد ضغط عارم وقرف من المستهلكين اضطروا ينزلوة على مضد وياريتهم منزلوة سوفتوير مخدوم زفت ومبطىء الجهاز وكانها بتقولك ارمى باة احسن موبيل فى العالم 2011 وهات النوت1 ومتوجعش دماغى
خامسا معالج الجرافيك اللى فى الموبيل نفس معالج الجرافيك اللى فى الايباد الجديد وهوة تلاتى النواة ويعتبر من اقوى ان مكنش اقوى معالج جرافيك موجود فى محمول حتى الان
سادسا كاميرا محسنة عن الموديل السابق واصبحت بدقة 8 ميجا بيكسل وزيرو شاتر تيم
كل اللى انا قلتة دة ومفيش تغيــــــــــــــــــير بينة وبين اللى قبلة ؟؟؟ انا مش عارف احنا بنقيم ازاى بصراحة
وهوة انا علشان بفكر كمستهلك دة يدينى الحق انى مبعترفش بقوة المنتج وجودتة ودقة صانعة والمجهود اللى اتبذل فية ؟؟؟
منا قلت ف بداية كلامى اللى عايز يجيب موبيل على حسب احتياجاتة مش عيب واللى حيجيب اعلى من احتياجاتة او اغلى موبيل فى العالم بردة مش عيب لكن منقولش هما عملوا اية يعنى
اخر نقطة احب اوضحهالك بعد اذنك .............. انت عرفت منين انة اغلى من اللى قبلة
عمر ما شركة ابل عملت جيل من اجيال الايفون بسعر اغلى من اللى قبلة باى حال من الاحوال
جبتها منين دى فعلا حضرتك حاول بس تدخل على موقع ابل وتشوف الايفون بكام بيتباع سواء المقفول او المفتوح رسمى وقارنة بسعر اللى قبلة واللى قبلة لحد اول جيل حتلاقية بنفس السعر بالسحتوت
كون انة بيتباع عندنا هنا بسعر خزعبلى فدة علشان اللى بيبيع حرامى مش اكتر لكن دة مش عيب فى ابل او فى الموبيل :))) هوة سعرة معروف فى العالم كلة :)
يعنى لو رجعنا لتشبيهك تانى
عربية 2012 محسنة فى الشكل والموتور والاوبشن كمان عن موديل 2011 وبنفس سعرها حتشتريها ولا لاء ؟؟؟ :)
حاجة كمان على جنب كدة عايزك تجاوب عليها مع نفسك
لية الايفون تحديدا اكتر موبيل فى السوق عموما سواء خارجى او داخلى ماسك سعرة فى حالة اعادة البيع (كمستعمل يعنى ) مقارنة بسامسونج مثلا ؟؟؟؟؟؟؟؟؟(اترك لك الاجابة )
تحياتى
بصراحة فيه حاجات مذكورة فيها تلكيك بشكل غريب...........و أنا مش هرد لأن mido_soliman تفضل مشكوراً و رد عليها
بس أنا عاوزك تبص على الفيديوهات دي و تقولى ليه مذكروش الكلام ده ؟
iPhone 5 vs Galaxy S III - YouTube
مع العلم أن مواصفات بروسسور السامسونج المفروض أنها أسرع من بروسسور أبل الجديد........بس على الحقيقة.........الأيفون 5 أسرع من ال S3
ال S3 المفروض أنه رباعي النواة و سرعته أعلى من بروسسور A6 بتاع أبل......اللى هو ثنائي النواه.
iPhone 5 vs Samsung Galaxy S3 Drop Test - YouTube
ليه بقى gsm arena مسكوا فى البودى الألمونيوم اللى سهل الخدش زى ما بيقولوا و مجبوش سيرة أنه أكثر تحمل للصدمات من السامسونج و خصوصاً الشاشة ؟
على فكرة أنا مستخدم للأيفون من أول جيل لحد دلوقتي..........و مش مقتنع تماماً بالأيفون 5 و مش ناوي أجيبه.........بس زى ما بنقول العيوب يبقى برضه نقول المميزات.
وفى الأخر........الموضوع كله موضوع عرض و طلب
تأكد أنه لو مفيش طلب عليه بالأسعار دي يبقى أسعاره هتنزل علشان يتباع.
و فيه موبايلات تانية زى بلاكبيري و نوكيا فى بعض موديلاتها اللى كانت بتنزل من فترة كانت أسعارها فلكية...............بتعدي ال 10 ألاف مستريح علشان بس تصميم معين مش علشان مواصفات فنية.......زى نسخة من البلاكبيري أسمها بورش ديزاين مش عارف ليها أسم تانى ولا لأ..........بس سعرها عالي جداً.
من بعد تجربة الفور اقدر اقول انه ( ميستاهلش ) والاس ثري برقبته.
انا في رأيي شايف ان النوت 2 افضل منو
انا اللي شايفه في فكره ان الواحد يدفع مبلغ في موبيل
او اي سلعه اي ان كانت...
يبقي عارف انه فعلا محتاجها او هتفرق معاه...
و مافيش مشاكل لو الشكل لو عاجبه بس مش ادفع رقم خزعبلي علشان شكل...
يعني انا مثلا مايفرقش معايا اوي موضوع البروسيسور
اللي يفرق معاه البروسيسور واحد بيعمل حاجات كثير علي الموبيل و مقضيها ميلات و برامج و كده...
لو حد ناوى يجيب موبيل فى سعر ال جلاكسى اس 3 يبقى يستنى ال htc one X pluse الموبيل دى تقريبا نفس ال s3 بس 1.7 البروسيسور quad core يعنى حاجه فخيمه من الاخر وكمان مشكله ال s3 ان الخامه بتاعت الجهاز مش كويسه يعنى لو وقع منك خلاص وخصوصاً الشاشه ضعيفه جدااااا لكن htc خامه نضيفه اوووى
SmartphonePedia Show ep.25 HTC One X+ vs iPhone 5, HTC One VX and more - YouTube
لأ سعره أوفر جوه وبره مصر (لكن طبعا جوه مصر اوفر بزياده كالعاده)
بص ياسيدي هما يعملو اللي يعملوه
فكرة أبل في حد ذاتها فكرة تسويق (انا بعتبرها عبقريه)
هاردوير حلو ماقلناش حاجه
بس انا هقنعك انك لو جبت حاجه من عندي
انك رائع وخطير وبرنس الليالي
قصاد ده هدفعك مبلغ محترم في اي حاجه قبل اسمها حرف I عشان احسسك بالذكاء
يعني
I phone
I shoes
I 2olla
(والقلّه هي اختراع مصري صميم لشرب الماء)
طيب ياسيدي وبعد كده اسيبك في حالك ؟؟؟ هأو
لأ طبعا ده انت لقطه
انا هكفر سيئاتك لو عايز تستخدم اي حاجه I
يعني عايز ابليكيشنز يبقى من عندي انا بس وادفع
عايز بلوتوث ؟؟ لول لأجهزتي انا بس
حتى بعض الهاردوير اللي بتتوصل بالاجهزه لازم تكون مطابقه
ك over all
لأ في بدائل لأبل ولأي فون تحديدا وبفرق فلوس محترم جدا
واذا كان الجهاز اسرع من الاجهزه اللي من ماركات تانيه بنسبة 10% فده مش معناه اني ادفع فيه زياده فلوس 30%
من وجهة نظري أبل كويسه للي عايز ابليكيشنز أبل فهيضطر مثلا يشتري ماك بوك
زي حبايبنا بتوع المونتاج وبرنامج الفاينال كت
ساعتها مرغم أخاك لا بطل
بصوا يا جماعة
الفرق بين الاندرويد و الابل
هوا زي الفرق بين الكمبيوتر التجميع و الكمبيروتر البراند
لما حضرتك تروح السخاوي و نقعد تجيب اسرع بروسيسور علي 16 جيجا رام علي كارت شاشة مش عارف كام و تضرب الويندوز المتين عند الراجل
و لما حضرتك تنزل تجيب جهاز استوك علي بعضه ديل او اتش بي او اي حاجة
صدقني تجربة التجميع مش هتضمن ليك السرعة المطلوبة خالص
بس الجهاز الاستوك علي بعضه الشركة ضامنة و مجربة كل فتفوتة فيه علي بعضها
مش هتلاقي رامة ضربت و لا بلو سكرين بتاعه الويندوز
السر في كلمة واحدة
Compatibility
الايفون هارد وير و سوفت وير من مكان واحد
الاندرويد هارد وير من حتة و سوفت وير من حتة تانية
عارف اقولك ايه لما تروح تسمكر العربية عند واحد و ترشها عند واحد :)
ولا لما تروح لواحد ياخدها مقاولة !!!
رش بسمكرة :)
ساعتها انت ضامن انك هتحاسب واحد بس و ضامن الشغل
و لك حرية الاختيار !!!!
بروسيسور صاروخ و شاشة مش عارف ايه علي نظام اندرويد - 100 % مش هتاخد سرعة الجهاز كاملة الا ب روت بقي و روم مطبوخة و مش عارف ايه
ولا اي فون بروسيسور ابطأ و رامات اقل بس ضامن السرعة و الاداء !!!
و في الاخر كل واحد حر
موضوع الجهاز ده عيب اللي بيجمع الجهاز ياباشا لانه مخترش المكونات اللي تمشي كويس مع بعضها
يعني مينفعش اجيب جهاز Core2Quad مثلا وال BUS بتاعه 1333 واروح اجيبلها رام 4 جيجا بس باص قليل او بورده قليله او كله كويس بس هارد سرعته قليله وفي الأخر السرعه كلها هتبقي علي ابطأ سرعه
ميزة الجهاز البراند غير انه طبعا نظيف كمكونات بس كل حاجه فيه Compatible مع بعضها
انا مجمع جهاز من 4 سنين والحمد لله دلوقتي طلقه واسرع من الاب بتاعي اللي هو 6 جيجا رام و كواد كوور
تمام حضرتك فاهم الدنيا
بس كده انت جبتها من الاخر :)
مش شرط اني جايب اسرع حاجة ان الويندوز اللي شغال كويس !!!!!!
انما في الابل انت بتشتري جهاز و رامات و باص و سوفت وير و حمادة كله علي بعضه ( مش من كل واحد حته )
لو حضرتك ليك في البرمجة
سوال لنفس الهدف
مين اسرع
Java or .Net :)
بغض النظر مين بيعمل ايه و امكانيات كل واحدة
عشان الjava معمولة تشتغل علي كل حاجة في اي حاجة
ال .net لأ :)
بس كده
الموبايل بقى ب 7000
خللى اللى بيبيعة بالسعر دة يحطة فى برطمانات ويخلله
بقى يا راجل يا حرامى (التجار الحلوين الشناوى وسيليكت واللى على شاكلتهم )
جايب الموبايل واقف عليك ب 4800 قول 5000 من برة ومدخلة فى شنط ولا شحن ولا جمرك ولا الهوا وكلنا عارفين تجار الموبيلات تحديدا بيعملوا كدة
وعايز تكسب فى العدة الواحدة 2000 جنية !!!!!!!!!!!!!!!
ليـــــــــــــــــــــــ ـــــــــــــــــــــــــ ـــــــــــــــــــــــه
http://sphotos-a.xx.fbcdn.net/hphoto...04416744_n.jpg
الجافا اسرع في حاجات وال Dot Net اسرع في حاجات وبتختلف علي حسب نوع ال Application بتاعك
Desktop, Web, Mobile, Enterprise
وعلي فكره ال Dot Net معمول لكل حاجه برده وبيشتغل علي اي حاجه زي الجافا تمام بس الفكره ان شركة SUN بتنزل ال Java Virtual Machine لمعظم الأنظمه ببلاش لكن ميكروسوفت عشان خايفه الناس تسيب الويندوز فبتدعم ال Dot Net Framework للويندوز بس لكن في ناس عامله ال Framework لل Linux بس Open Source واسمه MONO
تخياتي ياجميل
ربنا يزود معلوماتك يا رب :)
أنا بشتغل الاثنين الحمد لله علي قدي :)
بس انت خرجت من صلب الموضوع و أنا هقلك تاني قصدي
الjava في المجمل أبطأ من .net
في المجمل ( تاني في المجمل)
عايز حاجة علي بعضها روح هات ابل ( زي الكيسة الاورجينال ال اي ٥ مثلا )
عايز كل حاجة من حتة روح أندرو يد ( بنفس السعر اي ٧ و ضعف الرامات )
للعلم الاندرويد مش لينزل لجهاز معين
ده بيكون فيه recommendation
من جوجل زي مثلا مش اقل من بروسسور كذا و رامات كذا
بس ابل بتعلم هاردوير و سوف وير علي بعضه عشان تضمن أحسن اداء
و يا جماعة لو سمحتوا هقلكم علي نصيحة شخصية مني
اللي مشالش اي باد او اي فون بتاع شهرين تلاتة استخدام شخصي ( مش جربه من واحد صاحبه ) يا ريت ميفتييش!!!
أسف ممكن يكون كلامي جارح و الله ما هوا لشخص ولا موجه بس عموما
جرب بنفسك قبل التقييم و لا تعتمد علي آراء حد تاني مهما كان قريب منك ( نصيحة عامة )
و عشان حد بقولي و أنتا :)
الحمد لله
سمبيان علي سوني و ان ٩٥ و ان جاج و وووو ايام زمان
و اخر ٥ سنين جربت جميع انواع الموبايلات عشان بدرسهم خصائصهم و بعض الاشياء المتعلقة بالماسترز و الدكتوراه ان شاء الله
أنا كان عندي اي فون ٣ جي -- ٣ سنين
بلاك بري ٧.١ : ٤ شهور
اندرويد ( سوني اريكسون ) بقالي سنة ونص اهو :)
سامسونج ..لا سرعة ( سيبك من الورق ) ولا تصميم ( ..) ولا خامة ( بلاستيك ) ولا سعر شرا ولا اعادة بيع ولا دعم للجهاز
سر تفوق سامسونج شاشتها فقط لاغير
مستحيل تستخدم النوت او اس3 وترتاح مع جهاز اصغر حتى لو افضل بمراحل
مش هشتري جهاز لما احب اخد من حد حاجة بالبلوتوث يقولي لا التقنيات بتطلع عشان نستخدمهز ونستفيد منها مش نحاصرها ونحصر استخدامها
وياسلام لو حبيت تستمتع بالجهاز صح تقوم تعمل كسر السجن (جيل بريك)!!
ده انا معايا الاندرويد من سنه ومحتجتش اغير حاجه في الموبايل اطلاقا وعملت الروت قريب بس عشان ممتخيل ده هيديني زيادة ايه يعني! وحاليا معنديش غير متصفح الملفات هو الوحيد اللي مستفيد من الروت غير كده مش محتاجه لحاجة
ومش هنسى اليوم اللي كان صاحبي محتاج فيه صوره ومقطع صوت مهمين وكان لسا جاي من امريكا وجايب الاي فون 4 وبيقولي ابعت بالبلوتوث ههههههههههههههههه وانتهى الموضوع بشتايم ونكد ومن ثم جه موبايل نوكيا معفن قديم بعتهمله بالبلوتوث زي الباشا
ههههههههههههههههه
Sent from my LT18i using Forum Runner