استفسار عن ابعاد الصني الجديده ؟

**gomana85** · 12-10-2012 11:27 AM

السلام عليكم و رحمة الله و بركاته
من فضلكم انا عايزه اسال عن ابعاد الصني الجديده انا امبارح شوفتها و ركبتها في السبع هي بسم الله ما شاء الله جميله و الصالون وااااااااسع ، بس السؤال انا لما قعدت شوفت نص الكبوت بالعافيه ، هو الكرسي لما بيعلي هيخليني اشوف الكبوت كله و لا ايه النظام ؟ ده حتي جربت اقعد في التيدا سيدان ، مشوفتش الكبوت اصلا .. مع العلم اني مش قصيره
ارجو الإفاده، مع الشكر

**dr_radioooooo** · 12-10-2012 12:19 PM

مش لازم تشوفى الكبوت كله
انا عندى بشوف البومبيه اللى فوق بس
مع الوقت هتتعودى على ابعاد العربية متقلقيش

**Bishoy.Girgis** · 12-10-2012 03:52 PM

جومانا معظم العربيات الجديدة و القديم منها كمان يصعب انك تشوفي كل الكبوت لكن مدام شايفة الكبوت كويس في الصني الجديدة يبقي ديه حاجه كويسة و مع سواقتك باستمرار للعربية اكيد هتاخدي علي مقاساتها بسرعة و الف مبروك مقدما ً

**gomana85** · 12-10-2012 04:15 PM

انا شايفه نص الكابوت بالعافيه ، اصل انا كنت متعوده علي 128 بتاعت والدي كنت شايفه كل ملي فيها ، و جربت القاعده في الفرنا لاقيت ان باردوا ابعادها واضحه كويس ، فمعلش مقلقله لانها اول عربه اشتريها من فلوسي و هتاخد كل فلوسي و زياده ، فعلشان كده بسال كتيير

**szaalouk** · 13-10-2012 11:38 AM

مع الوقت حتلاقي نفسك حافظه ابعاد العربيه و مقدره مسافاتها من غير ما تشوفي كل الأركان زي ال 128 .
كل العربيات الجديده كده تقريبا و ان شاء الله نبارك قريب علي الصني .

**saint2011** · 13-10-2012 12:47 PM

مش هتقدرى تشوفى الكبوت حتى لو رفعتى الكرسى على الأخر لأن تصميمة كده مش عدل بس مع التعود هتشعرى بأبعاد العربية وتحفظيها وتوكلى على الله العربية ما شاء الله ممتازة وتستاهل فلوسها وانا من ملاكها

**Land_Cruiser** · 13-10-2012 01:03 PM

الموضوع مسأله تعود و بعد فتره حضرتك هتحفظى الابعاد و تسيبى المسافه المناسبة و بالنسبه للخلف ممكن تركبى باركنج سنسور و ده ممكن يخليك تركنى العربيه بضهرها اسهل من الركن بوشها