الموضوع: ينفع اعلى البولو ؟

انا روحت لعفشجى فعلا وقالى العربيات دى اصلا واطيه كده وحطلى كاوتشات تعليه قدام بتاعه مرسيدس والعربيه حاسس انها احسن الحمد لله
بالنسبه للعفشجى يا استاذ شربينى انت قولتلى اروحله عشان الفيتيس وصوت الورررره الى كان بيطلع والحمد لله روحت زودت زيت فيتيس لقيته ناقص جدا قولت انزله كله الراجل اللى بيكشف عليه قالى الزيت نضيف انت تزوده بس زوده والحمد لله حاسس بتحسن كبير
شكرا يا جماعه على المساعدات دى وربنا يديم المعروف ويباركلنا كلنا فى عربياتنا
وان شاء الله انا حسافر بالعربيه قريب وانا محمل اشخاص كتير وحقولكم باذن الله على الفرق اذا كان للاحسن او برضه للاحسن باذن الله بعد التعليه وكمان قالى لو عايز نعلى كمان من ورا بنحط جلب من عند الخراط بس انا لسه مأخدتش القرار ده

ربنا يوفقك و يصلحلك شأن سيارتك
اما عن ثبات السيارة انا على قدر علمى ان السيارة ثباتها يرتكز اكتر على العجل الخلفى لانه محور ارتكاز فى المناورات (الغرز) زى مفصلة الباب بالاضافه ان العجل الامامى يتمتع بتقل الموتور و الفتيس خاصة فى السياراة الجر الامامى ( الكبالن) و الجز الخلفى خفيف الوزن و ابسط مثال على ذلك فى سيارات الفورميلا تجد ان العجل الخلفى اعرض بكثير جدا عن الامامى ليعطيه مساحة اكبر من الالتصاق و الاحتكاك بالارض ناهيك عن ان الجزء الامامى من السيارة يكون معرض للاحتكاك بالهواء مما يؤدى الى تولد قوة كبيرة من الضغط لاسفل على مقدمة السيارة لا تحظى بها مؤخرة السيارة مما يجعل البعض يركب سبويلار على مؤخرة السيارة لاعتراض طريق الهواء القادم من المقدمة و توليد قوة ضغط على مؤخرة السيارة مع زيادة السرعة لذا انا انصح نفسى و اياكم و خاصة من يقوم بقص ياي السيارة ان يحافظ على قدر من المرونة بالخص فى مقدمة السيارة نظرا لوجود حمل كبير ناتج عن الموتور و الفتيس حتى لا يتأثر شاسيه السيارة و تركيب كساحة هواء بالكصدام الامامى لتقليل الهواء المتدفق اسفل السيارة بديل عن توطيه السيارة من الامام بقدر لا يناسب الحالة المزريه لشوارعنا انا عامل كدة فى عربيتى و مع ذلك نزلت فى مطب و اتكسر الجنط الامامى و الكاوتش الجديد تمزق علما بان الكاوتش و الجنط الخلفى لم يصابوا باى ضرر رغم انهم نزلوا بالتتابع فى نفس المطب و الحمد لله جات سليمة و الله اعلم