الموضوع: رفع الدعم عن البنزين..حسبى الله ونعم الوكيل

نو كومنت بجد اه الواحد بيحب الخير لكل الناس وفلوسه ربنا يعلم مش ليه للناس الغلابة لكن قرار زي كده توابعه خطيرة جدااا احنا مش بنسوق العربية دلع اه وربنا ! اديني مواصلات آدمية مخفش الحريم بتوعي يركبوها ويروحوا اخر الدنيا واديني شرطة بجد مخافش علي اختي او امي او زوجتي او قرايبي الحريم وحتي الرجالة مسلموش من سرقة وخطف وامنع السرقة فوسائل المواصلات والشارع وطبق شرع ربنا فالسارق وقاطع الطريق وشقق نسكن فيها ونتزوج مش اللاقي شباب 35 بيتجوز ولا 40 سنة ونسينا الرقم الغريب 250% جمارك عالعربية ليييييه النهضة تيجي بمنع السرقة هي دي النهضة مش قطع طريق اه والله بغلاء البنزين ...... طالما العربية بقت رفاهية دلوقتي مش وسيلة مواصلات آدمية

المشاركة الأصلية كتبت بواسطة windofchange

نو كومنت بجد اه الواحد بيحب الخير لكل الناس وفلوسه ربنا يعلم مش ليه للناس الغلابة لكن قرار زي كده توابعه خطيرة جدااا احنا مش بنسوق العربية دلع اه وربنا ! اديني مواصلات آدمية مخفش الحريم بتوعي يركبوها ويروحوا اخر الدنيا واديني شرطة بجد مخافش علي اختي او امي او زوجتي او قرايبي الحريم وحتي الرجالة مسلموش من سرقة وخطف وامنع السرقة فوسائل المواصلات والشارع وطبق شرع ربنا فالسارق وقاطع الطريق وشقق نسكن فيها ونتزوج مش اللاقي شباب 35 بيتجوز ولا 40 سنة ونسينا الرقم الغريب 250% جمارك عالعربية ليييييه النهضة تيجي بمنع السرقة هي دي النهضة مش قطع طريق اه والله بغلاء البنزين ...... طالما العربية بقت رفاهية دلوقتي مش وسيلة مواصلات آدمية

أنا معاك فى كل حرف انت كاتبه . ولكن اصلاح المنظومة شديدة الفساد المتوغلة فى اعماق البلد محتاج وقت طويل (سيبك من الكلام الفارغ بتاع ال 100 يوم ده كلام انتخابات). ولو كلنا قلنا ملناش دعوة اللى بيحكم ووافق انه يحكم المفروض يتصرف هنلاقى الحال اصبح اسوأ ومش هنلاقى بنزين نحطه فى عربياتنا والبلد هتقف و هتنطلق ثورة تانية عارمة ضد الغلاء ومفيش حد هيعرف يعمل حاجة والبلد هتضيع. تحياتى واحترامى لك

السلام عليكم
الأغرب من كده في أهرام السيارات كاتبين أن الواحد وهو بيرخص يدفع 2500 جنيه ياخد بيهم كوبونات مثلا وياخد بالكوبونات دي أي نوع بنزين هو عايزه طول اللسنة ده طبعا بالنسبة للكمية المدعمة للسيارات أقل من 1600
كلام تهريج يعني أنا أروح ألمرور أدفعلي بتاع 5000 جنيه مثلا مخالفات وضرايب وبنزين
الكلام ده ممكن يكون منطقي لما الحكومة تعمل اللي عليها وتوفر مواصلات نضيفة تتركب من فلوس الملايين من المخالفات والضرايب
وساعتها يبقى فعلا السيارة رفاهية ودفعني ضريبة الرفاهية دي

المشاركة الأصلية كتبت بواسطة karemof

السلام عليكم
الأغرب من كده في أهرام السيارات كاتبين أن الواحد وهو بيرخص يدفع 2500 جنيه ياخد بيهم كوبونات مثلا وياخد بالكوبونات دي أي نوع بنزين هو عايزه طول اللسنة ده طبعا بالنسبة للكمية المدعمة للسيارات أقل من 1600
كلام تهريج يعني أنا أروح ألمرور أدفعلي بتاع 5000 جنيه مثلا مخالفات وضرايب وبنزين
الكلام ده ممكن يكون منطقي لما الحكومة تعمل اللي عليها وتوفر مواصلات نضيفة تتركب من فلوس الملايين من المخالفات والضرايب
وساعتها يبقى فعلا السيارة رفاهية ودفعني ضريبة الرفاهية دي

كلام تهريج فعلاً ..
طيب اللى استهلاكه قليل يعمل ايه بباقى الكوبونات اللى دفع تمنها مقدماً؟ ..

المشاركة الأصلية كتبت بواسطة ibn_seena

بعد سبع سنين دراسة في طب ومصاريف وكورسات
اول مرتب 170 جنيه
والعربيه والدي ربنا يحميه هو اللي جبهالي لاني صعبت عليه في البلد الظالمة دي
وجبتها 1400 علشان اوفر علي قد ما اقدر
تيجي تقولي ما ليش حق في الدعم لا
ليا والف ليا كمان
ليا حق في مرتب يليق بمركزي
ليا حق في اني اخد البنزين زي كل البلاد العربيه مش اللتر ب 5 جنيه
هو ولاد الكلب فاكرين ان ال92 ده بنزين اساسا علشان يرفعوا الدعم من عليه
دا بنزين وسخ ومغشوش وحاجه قرف
واللي يحرق. واحد زيك تحس انه عايش في كوكب تاني

يا أخى مين اللى قال ان 170 جنيه مرتب يرضى ربنا لدكتور أمال الثورة قامت ليه مش علشان الكرامة وطبعا مش كرامة ان الواحد يطفح الدم فى كلية قمة ولا حتى مش قمة وبعدين مرتبه ميكفيش مواصلاته للشغل بس يا ترى ايه الافضل ان البنزين يفضل ب 185 قرش وتفضل انت تاخد 170 جنيه ولا يبقى ب 5 جنيه وانت تاخد 1200 جنيه ؟؟؟ انا كنت من 18 سنة مهندس لسة متخرج برده وكنت باخد 264 جنيه والبنزين كان 90 مش 92 وكان ب 90 قرش ولما كانوا بيقيسوه كان بيطلع اوكتان 87 مش 90 كمان.
أنا من البلد دى زيك مش من كوكب تانى ولا حاجة بس انا بفكر للمصلحة العامة مش لمصلحتى الخاصة وعندى استعداد انى اتعب شوية علشان البلد تقدر تقوم ومنفضلش طول عمرنا عايشين على الشحاتة من امريكا وقطر والسعودية والامارات وصندوق النقد لازم نفوق حتى لو تعبنا.
تقدر تقولى كام واحد من زمايلك اللى بياخدوا 170 جنيه والده جابله عربية؟ وكام واحد منهم يفرق معاه سعر البنزين؟ انت بتتكلم فى مشكلة خاصة ! الكل بيدور على المرتب علشان يعرف ياكل ويشرب بيه ويتجوز بيه ! الحكومة مطلوب منها زيادة كبيرة فى المرتبات و دعم لانابيب البوتاجاز ودعم للسولار و زيادة محطات الكهرباء وزيادة المعاشات والبلد منهوبة والسياحة مضروبة والمصانع واقفة يبقى لازم القادرين يتحملوا جزء من العبأ !!!؟ انت عامل زى اللى بيروح يجيب تكييف مستعمل بسعر قليل ولا بالتقسيط وبعدين يقول انا بدفع كهرباء كتير ما فى ملايين معندهمش تلاجة فى بيتهم تقوم الدولة تدعمك زى ما بتدعمهم.
كمان البلاد اللى حوالينا بلاد بترولية لو باعوه ببلاش مش هيأثر معاهم فى فرق بين ميزانية الدول دى وميزانيتك! ده غير ان كان فيه شلة حرامية ناهبين البلد ومحولين خيرها فى حساباتهم برة. حاول يا أخى تنظر للأمور بمنظور واسع مش منظور ضيق متشوفشى فيه غير نفسك. ولك تحياتى واحترامى

المشاركة الأصلية كتبت بواسطة mahmoud saloum

معلش يا جماعة وارجو ان محدش يزعل منى بس هوا ليه اصحاب السيارات اللى زينا الحكومة تدعملهم البنزين؟؟؟؟ يعنى مثلا الاقى واحد محترم راكب عربية سيراتو ولا الانترا ونازل منها على منفذ التموين علشان ياخد زيت وسكر مدعم ؟؟؟ وممكن نفس الراجل يروح يدفع فى عشوة 500 جنيه!! كمان ومع احترامى لاصحاب السيارات القديمة لكن كل واحد معاه 7 و8 ألاف جنيه يروح يجيب عربية قديمة وممكن تكون 1800 ولا 2000 ولا 3600 سي سي زى الامريكانى القديم عايزة بنزينة تمشى وراها والبلد تدفع دعم! و الشوارع تتملى سيارات وبالتالى نقف بالساعات فى الاشارات ونحرق البنزين واحنا واقفين والدولة تدفع دعم ؟؟؟ وياريت واحنا ماشيين نبص على العربيات هنلاقى كل واحد راكب عربية واربع كراسى فاضيين جنبه وبقيت الشعب محشور فى علب سردين وفى المترو ! وطبعا مينفعش زيادة عدد الاوتوبيسات او زيادة التصاريح للميكروباصات لان ده هيقفل الشوارع تماما ومحدش هيتحرك من مكانه.
ده اول حاجة تانى حاجة ليه القاهرة مثلا تمشى فيها عربيات فوق ال 800 سي سي يعنى بمناسبة ايه لا فيه مطالع حادة ولا فى تراك سباق ولا اى حاجة يعنى لما حد عايز يمشى بعربية 1600 سي سي ولا 2000 سي سي يبقى على حسابه مش على حساب الدولة
يا يجماعة الدعم ده معناه اعانة او معونة ازاى الواحد يبقى راكب عربية تمنها 60 ولا 70 ولا 100 ولا 200 الف جنيه ويقبل على نفسه ياخد اعانة من الدولة؟ ويا ترى مين اللى يستحق الدعم انا وانت وكل الطبقة المتوسطة والفوق متوسطة و الثرية ولا الطبقة اللى تحت خط الفقر وتعيش فى المقابر والعشوائيات و ....
للعلم ده مش معناه انى مع الحكومة الفاشلة اللى ماسكة البلد دلوقتى ومفيهاش غير وزير الداخلية والباقى ممكن يشتغلوا مدرسين فى مدرسة ثانوى بس الموضوع بتاع البنزين ده بالذات انا معاهم فيه ولو هيأثر عليا شخصيا.
وأرجو انكم تتقبلوا رأيى بصدر رحب وبموضوعية

ماشى انا متفق معاك فى حاله واحده فقط .. ان اللى جايب العربيه مثلا السيراتو او الالنترا ده جايبها فراغ وكتر فلوس وللدلع من الاخر
لكن اما تكون أسره مثلا يعنى مجمعه فلوس العربيه بطلوع الروح عشان تركب حاجه متهينش اداميتها .. لأن المواصلات فى مصر اهانه للأدميه وزى الزفت وكلنا عارفين
انت كلامك ممكن يكون منطقى على فئه صغيره من الناس .. ولكنه لا ينطبق تماما على نسبه كبيره من الأسر اللى جايبه عربيه مثلا عشان متتبهدلش
وبعدين حاجه كمان .. حتى اللى جايبها دلع وفراغ ده ممكن يكون شقى وتعب كتير فى عمره وبعدها قرر يدلع نفسه شويه ب حاجه اقل ما يقال عنها انها حق من حقوقه مش ترفيه !

وعموما النكته اللى جايه دى ممكن تفهمك أصدى

أمريكى بيسأل مصرى : أحلامك إيه ؟ فقال له المدرس المصرى 1/ شقة محترمة 2/ سيارة معقولة 3/ مرتب يكفى أسرتى 4/ وزير يستمع لى ويحترمنى ...فرد عليه الأمريكى : أنا سألتك عن أحلامك ..وليس عن ( حقوقك ).