حسبى الله ونعم الوكيل

**A.samy** · 14-05-2010 05:25 PM

حسبى الله ونعم الوكيل
النهاردة قريت عن بدء التشغيل التجريبي لجراج "محطة مصر" وتعريف الانتظار فى الساعة 5 جنية ويستوعب 300 سيارة
وزارة النقل كانت قد قررت عام 2006 وبعد دراسات مستفيضة بدأت منذ عام 2003، إنشاء جراج متعدد الطوابق في نفس مكان الجراج الحالي ولكن فوق الأرض أمام مبني محطة مصر برمسيس، والغريب أنه بعد إنشاء هذا الجراج -الذي تكلف بناءه 32 مليون جنيه تحملتها بالكامل هيئة السكك الحديد- تذكر المسئولون فجأة أن هذا المبني من شأنه أن يشوه المنظر العام لميدان رمسيس، أشهر وأكبر ميادين العاصمة.

ثم أصدر أحمد نظيف رئيس الوزراء قرار عام 2007 بهدم 6 طوابق ظاهرة فوق سطح الأرض من المبني المكون من 8 طوابق ومساواته بسطح الأرض مع الإبقاء علي الطابقين اللذين يقعان تحت الأرض، وذلك بعد اكتمال بنائه تماما وقبل تنفيذ التشطيبات النهائية له.

وبلغت تكلفة عملية الهدم 5 مليون جنيه تحملتها كاملة ميزانية السكك الحديد، والأمر الأغرب أن الـ37 مليون جنيه المهدرة من المال العام في عمليتي البناء والهدم، لم يتم محاسبة المسئولين عنها حتى وقتنا هذا، بل لم يتم تحديد من هو المسئول الفعلي عن هذه المهزلة

اللى يفرس بقى ان فى حلول للجراجات دى برة وهو الجراج الميكانيكى
ودة الرابط
YouTube - Automated Parking Systems www.parkmatic.com

**ابو فرح** · 14-05-2010 06:12 PM

ايه الوهم ده دا احنا عايشين فى ميه البطيخ

**A.Saad** · 14-05-2010 06:16 PM

يبدأ السبت التشغيل التجريبي لجراج "محطة مصر" في منطقة رمسيس والذي يستوعب 300 سيارة.

وتقرر تحديد تعريفة الانتظار بالجراج بنحو خمسة جنيهات عن كل ساعة انتظار غير انه لم يتقرر نظام الاشتراك خلال فترة التشغيل التجريبي التي ستستمر ستة أشهر.

ويتكون الجراج الجديد من ثلاثة طوابق سطحي وطابقين تحت الأرض وكل طابق مكون من مستويين.

كما يضم عددا من المداخل والمخارج والبوابات حيث يتم الدخول إلى الجراج من مدخلين رئيسيين الأول من "شارع مهمشة"والثاني من "ميدان رمسيس"عبر بوابتين الكترونيتين وكل بوابة تحتوي على مدخلين للسيارات.

أما الخروج من الجراج فمن مخرج رئيسي عبر بوابة الكترونية إلى شارع مهمشة ومنه إلى ميدان رمسيس كما تتكون البوابة من 2 مخرج الكتروني بالاضافة إلى مخرج طواريء.
وسيتم منع انتظار السيارات بجميع الساحات الخارجية المحيطة بمحطة رمسيس من جهة الميدان

منقول

**Abouhaidy** · 14-05-2010 06:26 PM

الله على الجمال والشياكه والروعه
بس الشغل دا جامد جدا جدااااااااا
الجراج ده تحفه بجد وتكون مطمئن
جدا على عربيتك بدون تدخل بشرى
يعنى مفيش سايس يقولك خليك
يمين او شمال او سيب المفتاح ياباشا
او ترجع تلاقيها مخبوطه او مسروقه
يا ريت يقدروا يعملولنا حاجة زى كدة
واعتقد ان الاراضى الخالية بالقاهرة
تكفى لعدم مبيت سيارة بالشارع

**A.samy** · 14-05-2010 07:10 PM

المشاركة الأصلية كتبت بواسطة Abouhaidy

واعتقد ان الاراضى الخالية بالقاهرة
تكفى لعدم مبيت سيارة بالشارع

اراضى اية ياباشا دة مشروع الجراج الميكانيكى كنت بتكلم فية مع مهندس وعرفت منة اية امكانية تطبيقة فى المساحات الصغيرة وكان الرد ان اصغر مساحة ممكن يطبق عليها المشروع 20 متر مربع لاستيعاب 40 عربية على عد ة طوابق شوف انت جراج رمسيس كام متر وكان ممكن يستوعب كام عربية
اللى عرفتة من الخبر المنشور ان المبنى الادارى للجراج 750 متر على طابقين دة المبنى الادارى امال الجراج مبنى على كام متر وسعر المتر فى ميدان رمسيس بكام يعنى خسارة من جميع الجهات عشان نسمح بركن 300 سيارة كان ممكن بحوالى 300متر مربع يشيل نفس العربيات