الموضوع: تجديد الرخصة والفحص الفني للماروتي

المشاركة الأصلية كتبت بواسطة karimfahmy99

طبعا زى ما قال الاستاذ عمرو يفضل الحل الاول - و لكن غالبا لا يفلح الا لو فى تفاهم بين الطرفين - التوكيل لا يلغى المخالفات و انما البيع بالشهر العقارى يمكن تلافى المخالفات السابقة للماك الاول و ذلك باحضار شهادة بيانات تثبت تاريخ نقل الملكية للمالك الجديد و ما يسبقة من مخالفات تكون للماك الاصلى - بخصوص الرخصة و التجديد و البيع لو ناوية تبيعى العربية يبقى تبيعى قبل انتهاء الرخصة بموجب التوكيل اللى معاكى طبعا بعد حل موضوع المخالفات لان الشارى عاوز شهادة براءة ذمة من النيابة - لو مش هتبيعى و واضح من كلامك انك ماشية بالرخصة لان كان فيها مدة لسة على ما تنتهى - عموما موضوع الرخصة و النمر دا بيمشى طبقا للعنوان المكتوب فى البطاقة لو انتى تبع فيصل هتعملى فحص عادى هناك و تغير النمر مش متاكد بس اللى اعرفة ان كل مرور لة احرف معينة فيمكن تغيرى نمر عادى و تامين اللوحات 70ج بس دا فى حالة انك هتبيعى لنفسك العربية هتروحى فيصل اما لو برضوا هتخللى الرخصة باسم المالك الاول يبقى هتروحى مرور بين السرايات و تجددى الرخصة من هناك بموجب التوكيل ما لم يكون مكتوب فى التوكيل لا تجدد الرخصة يبقى لازم تبيعى لنفسك الاول فى الشهر العقارى و هتروحى على فيصل - لو اى حاجة مش واضحة اسالى

ميرسي جدا لإهتمام حضرتك والرد المطول.. بس بصراحة في كذا حاجة مش واضحة..
أنا زي ماقلت رخصتي من مكان وعنواني في البطاقة مكان تاني، يبقى إزاي (موضوع الرخصة و النمر طبقا للعنوان المكتوب فى البطاقة)؟؟
ثانيا يعني حضرتك تقصد إن المخالفات مش هتسقط من عليا علشان مش معايا عقد بيع في الشهر العقاري؟؟؟ يعني مش هينفع بالتوكيل بس؟؟!!!!! حضرتك متاكد من الكلام ده؟؟
أنا لو جددت الرخصة قبل البيع يبقى أكيد هنقلها بإسمي مش بإسم المالك الأول.. يبقى الأول أطلع شهادة مخالفات بعدين أروح أنهي مرور، بتاع رخصة العربية(بين السرايات) ولا بتاع رخصتي(فيصل)؟

آسفة على الإطالة والأسئلة الكتيرة دي أصل دي أول مرة أنقل رخصة والكلام ده.. شكرا جزيلا