الموضوع: سؤال عن اللى حصل بعد حجز لوجان 2013

يعني العربية موجودة برة فعلا !!؟ انا مستعد اعمل مع حضرتك شكوى فيهم بس نقول اية بالظبط انا عايز مساعدة فى الموضوع علشان يبقى بشكل كويس ويبقى قوي , يا رجالة اللوجان لو حد عندة فكرة نتصرف ازاي ياريت ما تبخلوش علينا . اوقات بحس اني اتسرعت فى حوار التوكيل وانى ما رجعتش للمعرض تاخير على الفاضى .

الحمد لله امبارح اتصل بية التوكيل وقالى اخيرا ان العربية فى الميناء وممكن استلم فى خلال اسبوع بس اللون نبيتي وانا وافقت بعد ما كنت مختارة فراني صراحة مصدقتش نفسي لانى على حسب كلامى مع استاذ رفيق مدير توكيل رينو قالى ان العربية هتتواجد فى خلال تلات اشهر الكلام دة من شهر وخمستاشر يوم , النهاردة استاذ جمال من فرع المهندسين اتصل بية وطلب مني افتح حساب فى بنك الاهلى المتحد بالف جنية قابلة للاسترداد واطلب ان يكون عندي دفتر شيكات وده بيطلع بعد ما افتح الحساب بيومين وبعتلى صورة من التوكيل للى هسجلة ان شاء الله بكرة فى الشهر العقاري ولو دفتر الشيكات طلع اروح استلم العربية على يوم الاربع باذن الله . عندي سؤال هى فعلا العربية دي ممكن تكون من الدفعة الجديدة ولا من الدفعه القديمة وازاى اعرف الفرق ؟ يعني ازاي اعرف فعلا انها من الدفعة اللى بيقول عليها واصلة المينا من كم يوم .
ولوفى اى حد يحب يلفت نتباهي لاى حاجة وانا بستلم اكون شاكر جدا لانها اول عربية زيرو لية وما استلمتش عربيات مع حد قبل كدة ولو حد حابب يسال عن اي حاجة هكون سعيد اني اوصل سؤالة واعرفلة الاجابة :) ادعولى بالتوفيق يا رجالة