عايز رأيكم من الأخر في نيسان صني 2013 ، و مانيوال ولا أوتوماتيك ؟

يا جماعة الخير أنا هتجنن من الحيرة فكرت في كذا عربية و المشكلة إني محدود في 100 ألف فأقل .. و فكرت في افيو و m11 و تيجو و كلهم بأمانة ربنا ميتدفعش فيهم 40 ألف جنيه و ابقي جاي علي نفسي كمان !
و في نفس الوقت مش هروح اجيب اكسنت base line ولا ريو الاوبشن اللي فيهم تكييف و سنتر بس ، يعني كاني بشتري العلامة و ده تهريج ، انا عايز عربية تريحني و اهو كل واحد علي قد فلوسه..
المهم انا كان عاجبني جدا و مقتنع بنيسان الشكل القديم مفيش كلام ، بس الجديدة زي ما انتم عارفين عليها كلام كتير اوي و انا شخصيا عارف إن معظم اللي بيتكلموا بيتكلموا و خلاص و تقريبا مشافوش العربية غير علي النت بس !
المهم .. انا دلوقتي مفيش قدامي غير الصني علي قد الفلوس ، مهما كان شركة و اسم و عربية شيك و واسعة و اوبشنات مريحة و وسائل امان ، بس كام صاحب معرض قلقني من موضوع القطع الصيني اللي متقفل بيها العربية من جوة .. هل دي حاجة تخوف ؟ و ايه معني "صيني" اذا كان في عربيات كاملة صيني و بتعيش عادي جدا مش قطع بس !
انا عايز آرائكم من الاخر هل اخلص فيها ولا ايه ؟ مع العلم إني عايز عربية تعيش معايا كام سنة و مش كل شوية تطلب تصليح و وجع قلب ، و انا اساسا هكون بطولي و حنين في السواقة و مبهينش العربيات ...
تفتكروا الصني مناسبة ولا فيها عيوب منتشرة ؟ و لو فيها ايه هي ؟ و العيوب دي بسيطة ولا هتتعبني ؟ و ايه مشكلة المساعدين دي بيقولوا ملهاش حل ، و كمان ناس شايفة 1500 سي سي علي جسم العربية عيب .. ايه رايكم في الكلام ده ؟
و كمان لو جبتها اجيبها مانيوال ولا أوتوماتيك و ليه ؟ و هل صحيح الاوتوماتيك فيه عيوب ؟
سامحوني طولت بس نفسي اخلص و الله من الموال ده .. و الف شكر مقدماً :)

الأخ العزيز أنا هرد على حضرتك بصفتى مالك للسيارة من شهر ونصف حضرتك متلغبط وقلقان معاك حق قرار شراء سيارة مش قرار سهل فى بلدنا الحبيبة مصر وبعدين متسمعش كلام حد ألا من المصدر وبعدين أيه حكاية المعارض أللى حضرتك بتسأل فيها عن الصنى الجديدة حضرتك عايز تسأل عنها روح للموزعين المعتمدين وأسأل مثل السبع - أتو إيجيبت - مودرن موتورز - يونايتد جروب وبلاش المعارض عشان الفتى والرغى عشان ممكن يوجهك لعربية هو هيكسب منها كويس بعيدا عن انها الأفضل ده واحد عايز يكسب وبس .

بالنسبة للسيارة أول مرة أسمع انها فيها قطع صينى من حضرتك وطبعا ده مش ذنبك دى غلطة الفتاى أللى حضرتك روحتلة العربية فتيس وموتور يابانى 100% صاج وباقى الأجزاء هندى الكراسى والزجاج والبطارية مصرى والكاوتش ماكسس صينى غير كده مافيش .

العربية ممتازة أوسع عربية ممكن تركبها محترمة جدا موتور هادى عفشة ممتازة وعائلية 100% وبعدين 1500 موتور ممتاز وتجميعة جميل وأقتصادى وبعدين حضرتك أحنا داخلين على أزمة بنزين يعنى الحمد لله على انها 1500 والسعر كمان مفيش عربية فى مصر بالسعر ده والأمكانيات دى
abs-abd -ba + 2 air bags

وبعدين الحمد لله مافيش مشكلة فى المساعدين الأن تقريبا ده كان فى بعض السيارات وأعتقد أتحلت بعد كده فى الأستلامات الجديدة وطبعا الأتوماتيك طبعا وتوكل على الله

وكمان خد الموضوع ده ذاكرة كويس وبعدين أمتحن فى الصنى 2013 وهتجيب أمتياز هههههههه
تقرير استلام نيو صني والقول الفاصل في المزايا والعيوب

اقتباس:

---

المشاركة الأصلية كتبت بواسطة saint2011

الأخ العزيز أنا هرد على حضرتك بصفتى مالك للسيارة من شهر ونصف حضرتك متلغبط وقلقان معاك حق قرار شراء سيارة مش قرار سهل فى بلدنا الحبيبة مصر وبعدين متسمعش كلام حد ألا من المصدر وبعدين أيه حكاية المعارض أللى حضرتك بتسأل فيها عن الصنى الجديدة حضرتك عايز تسأل عنها روح للموزعين المعتمدين وأسأل مثل السبع - أتو إيجيبت - مودرن موتورز - يونايتد جروب وبلاش المعارض عشان الفتى والرغى عشان ممكن يوجهك لعربية هو هيكسب منها كويس بعيدا عن انها الأفضل ده واحد عايز يكسب وبس .

بالنسبة للسيارة أول مرة أسمع انها فيها قطع صينى من حضرتك وطبعا ده مش ذنبك دى غلطة الفتاى أللى حضرتك روحتلة العربية فتيس وموتور يابانى 100% صاج وباقى الأجزاء هندى الكراسى والزجاج والبطارية مصرى والكاوتش ماكسس صينى غير كده مافيش .

العربية ممتازة أوسع عربية ممكن تركبها محترمة جدا موتور هادى عفشة ممتازة وعائلية 100% وبعدين 1500 موتور ممتاز وتجميعة جميل وأقتصادى وبعدين حضرتك أحنا داخلين على أزمة بنزين يعنى الحمد لله على انها 1500 والسعر كمان مفيش عربية فى مصر بالسعر ده والأمكانيات دى
abs-abd -ba + 2 air bags

وبعدين الحمد لله مافيش مشكلة فى المساعدين الأن تقريبا ده كان فى بعض السيارات وأعتقد أتحلت بعد كده فى الأستلامات الجديدة وطبعا الأتوماتيك طبعا وتوكل على الله

---

انا بأكد على كلام حضرتك بصفتى مالك للسيارة من شهر تقريبا
واحب أزود ان العربية 1500 سى سى و كأداء جيد جدا الا إذا حضرتك بتاع شد و جرى دايما و فى تقرير لأعضاء جابوا بيها 180 و انا شخصيا جبت بيها 130 عادى جدا
مشكلة المساعدين كانت فى بعض العربيات فى الدفعات الأولى و كانت كاوتشة المساعدين مقلوبة و المشكلة اتحلت خلاص و خدوا بالهم منها
وأنصح حضرتك بالمانيوال الفرق 5 آلاف جنيه بس غير انه محترم و مش بتحس فيه بالنقلة و ناعم
وعمرى ما سمعت عن مشكلة فى فتيس يابانى
ده احنا بنجيب العربيات اليابانى علشان عربيات معمرة

انا بشكركم جدا جدا علي ردودكم المشجعة دي ربنا يطمنكوا و يباركلكوا في العربية و يكفيكم شرها يا رب
معلش انا كنت حابب اعمل quote لكل رد بس انا موبايل و الموقع تقيل و غريب شوية معايا ..
المهم انا بشكر حضرتك جدا يا استاذ saint علي التجميعة الحلوة دي و معلش تعبتك كتبت كتير ، و انا فعلا اللي قاللي علي موضوع الصيني ده صاحب معرض و رشحلي سيراتو خليجي يعني سبوبة فعلا ، يلا ربنا يهدي .. بس برضه اكيد شركة زي نيسان مش بالعته إنها تنزل موديل كان ماشي كويس جدا في بلد زي مصر و فيه عيب ، محدش بيوقف سوق نفسه بديهيا ، و ده اللي شجعني عليها و ربنا يتمم الموضوع ده علي خير .. و شكرا مرة تانية :) و هذاكر الموضوع من عنيا D:

استاذ dodyam .. قبل اي شئ سبحان الله انا لسه باعت لحضرتك رسالة شخصية الصبح علي موقع آخر D: ، بس حضراتكم رديتم علي كل إستفساراتي الحقيقة ربنا يجزيكم خير ، و طبعا الف شكر لحضرتك علي المساعدة :)

بس انا عندي سؤال لحضرتك ... حضرتك رشحت المانوال كتوفير 5000 جنيه ولا لأن الاوتو فيه حاجة ؟

و كمان نصيحة من حضراتكم .. هل اشتريها من توكيل ولا معرض ؟ بعيدا عن موضوع الفلوس .. سمعت ان التوكيل عربياته اضمن هل ده صحيح ؟

بالمناسبة انا عايز اوتوماتيك لاني البلد جوة زحمة و خصوصا الصبح لما بنزل و ببقي بتشل من النقل كل شوية اقف و امشي اقف و امشي و نفسي ارتاح يعني d:

توكل على الله الأتو محترم جدا هو ممكن يكون الأخ dodyam بيقولك المانوال على أساس توفر 5000 جنية لو هيفرقوا معاك وبعدين خليك مع الموزعين المعتمدين أتو إيجيبت أو السبع بلاش المعارض وحجز الأتو 1000 جنية أستلام خلال 3 شهور والمانوال 1000 جنية 10 أيام وتستلم ومبروك مقدما

الله يبارك فيك ، الف شكر يا رجالة و ربنا يقدرني علي صبر 3 شهور !

اقتباس:

---

المشاركة الأصلية كتبت بواسطة RamyAminn

الله يبارك فيك ، الف شكر يا رجالة و ربنا يقدرني علي صبر 3 شهور !

---

معلهشى يا صديقى من صبر .....ظفر أنا حجزت 11/06 وأستلمت 26/08 يعنى 75 يوم بالتمام والكمال نحن السابقون وأنتم اللاحقون ومبروك مقدما :bye:

اقتباس:

---

المشاركة الأصلية كتبت بواسطة dodyam

انا بأكد على كلام حضرتك بصفتى مالك للسيارة من شهر تقريبا
واحب أزود ان العربية 1500 سى سى و كأداء جيد جدا الا إذا حضرتك بتاع شد و جرى دايما و فى تقرير لأعضاء جابوا بيها 180 و انا شخصيا جبت بيها 130 عادى جدا
مشكلة المساعدين كانت فى بعض العربيات فى الدفعات الأولى و كانت كاوتشة المساعدين مقلوبة و المشكلة اتحلت خلاص و خدوا بالهم منها
وأنصح حضرتك بالمانيوال الفرق 5 آلاف جنيه بس غير انه محترم و مش بتحس فيه بالنقلة و ناعم
وعمرى ما سمعت عن مشكلة فى فتيس يابانى
ده احنا بنجيب العربيات اليابانى علشان عربيات معمرة

---

أنا آسف جدا
أنا كل كلامى كان على الأتوماتيك بس كتبت غلط وأنا معايا اوتوماتيك
مش عارف إزاى غلطت مع انى دايما باراجع مشاركاتى جل من لا يسهو
بس كنت مصدع شوية و عاوز أخش أنام لانى نزلت الصبح بأدور على شوية حاجات للعربية و كنت بأحجز عند بتاع فرش العربيات
على العموم هأكتب الكلام صح تانى

وأنصح حضرتك بالفتيس الاتوماتيك الفرق 5 آلاف جنيه بس و هيبقى معاك اوتوماتيك غير انه محترم و مش بتحس فيه بالنقلة نهائى و ناعم و مستمتع بيه فى القيادة فى الزحمة لانى قبل كده كان معايا مانيوال و اول مرة اركب اوتوماتيك فرق كبير بصراحة و خلى بالك من حاجة عند إعادة البيع الاتوماتيك اسهل فى البيع كله فى المستعمل بيسأل على الاوتوماتيك
وعمرى ما سمعت عن مشكلة فى فتيس يابانى فإزاى حد قالك فيه مشكلة
ده احنا بنجيب العربيات اليابانى علشان عربيات معمرة

و لو احتجت مساعدة أنا موجود هنا دايما و فى غيرى هنا أعضاء هيفيدوك أكتر من أى حته تانية و اكتر منى بمراحل أنا بأخش على المنتدى التانى بس علشان فيه قسم مخصص للاسكندرانية ياريت لو يتعمل هنا كمان

ولا يهمك و الف سلامة عليك يا استاذنا و ايوة كده انا اتخضيت ! D: ، كده تمام اوي اوي و كل ساعة تعدي باقتنع اكتر بالعربية و الفضل لله ثم ليكم مطمن ليها ان شاء الله ... ربنا يكفيكم شر الطريق :)

النهاردة كنت في السبع و اول مرة اشوف العربية علي الطبيعة بسم الله ماشاء الله ولا تقولي تيجو
نيجي فين !
ولا اكسنت ولا اي حاجة كل ده هري علي الفاضي
انا ركبت قدام مستريح و كمان كنت حاسس اني بعيد عن الدركسيون نزلت ركبت ورا مكنتش مصدق بردو المسافة بيني و بين الكرسي بتاع السواق مسافة يقف فيها طفل و يطنطط و انا مازال مستريح شكل التابلوه غير الصور خالص شكله جميل و القعده فيها حلوة جدا اتوكل علي الله و هاتها
ده غير ان توكيل نيسان من احسن التوكيلات في مصر

هههههههههههههههه حبيب قلبي ربنا يطمنك و ربنا يرزقك بيها لو بتفكر فيها ان شاء الله :) شكرا علي الرد و ربك يقدم اللي فيه الخير

اقتباس:

---

المشاركة الأصلية كتبت بواسطة dodyam

أنا آسف جدا
أنا كل كلامى كان على الأتوماتيك بس كتبت غلط وأنا معايا اوتوماتيك
مش عارف إزاى غلطت مع انى دايما باراجع مشاركاتى جل من لا يسهو
بس كنت مصدع شوية و عاوز أخش أنام لانى نزلت الصبح بأدور على شوية حاجات للعربية و كنت بأحجز عند بتاع فرش العربيات
على العموم هأكتب الكلام صح تانى

وأنصح حضرتك بالفتيس الاتوماتيك الفرق 5 آلاف جنيه بس و هيبقى معاك اوتوماتيك غير انه محترم و مش بتحس فيه بالنقلة نهائى و ناعم و مستمتع بيه فى القيادة فى الزحمة لانى قبل كده كان معايا مانيوال و اول مرة اركب اوتوماتيك فرق كبير بصراحة و خلى بالك من حاجة عند إعادة البيع الاتوماتيك اسهل فى البيع كله فى المستعمل بيسأل على الاوتوماتيك
وعمرى ما سمعت عن مشكلة فى فتيس يابانى فإزاى حد قالك فيه مشكلة
ده احنا بنجيب العربيات اليابانى علشان عربيات معمرة

و لو احتجت مساعدة أنا موجود هنا دايما و فى غيرى هنا أعضاء هيفيدوك أكتر من أى حته تانية و اكتر منى بمراحل أنا بأخش على المنتدى التانى بس علشان فيه قسم مخصص للاسكندرانية ياريت لو يتعمل هنا كمان

---

حجات ايييييييييه اللى بتجيبها للعربية؟؟؟؟:16:
انطق:untitled 1:
قووووول
ار و اعترف
الانكار مش حينفعك :36_7_4[1]:
هههه

السلام عليكم
الحمد لله و الصلاة و السلام على رسوالله
و بعد
العبد لله كان اول مالك لهذه السيارة هنا فى المنتدى
و عندك الاخ حاتم ( saint ) و الاخ dodyam و الاخ air devil و zambrota و dr matrix و د هشام
كل دول من النجوم الجدد اللى اثروا المنتدى بموضوعاتهم و مشاركاتهم عن الصنى الجديدة
و فى عندك موضوع مفصل عمله صقور المنتدى احمد مصطفى منسقنا الهمام و بيشو ( peace man ) المنسق المساعد و سوناستيل و زونج و اخرون عن تقييم السيارة اول ما نزلت

و بهذه المناسبة احب ان اقدم لك وجبة خفيفة عن هذه السيارة لكننى اعدك بان تكون خفيفة و ممتعة
http://www.nilemotors.net/Nile/296969-2013.html

http://www.nilemotors.net/Nile/308310-2013.html
http://www.nilemotors.net/Nile/306174-2013.html
http://www.nilemotors.net/Nile/306139-4000.html
http://www.nilemotors.net/Nile/302011-a.html

ربنا يكرمك يا استاذنا ايه الجمال ده xD انا بجد مبسوط بيكم جدا و جهزوا نفسكوا بقي لما لما اجيبها لسه في موضوع طويل عريض تقولولي اعمل ايه بالظبط من اول يوم و كل الصيانات و لو في حاجة اغيرها من الالف للياء ، انتوا اللي جبتوه لنفسكوا xD

يا شباب انا عندي سؤال علشان لسه مشوفتش العربية من جوة علي الطبيعة
في صور شفتها فيها عداد البنزين ديجيتال زي شحن الموبايل كده ، و في صور تانية عداد عادي زي بتاع السرعة ؟؟ انا نفسي تكون ديجيتال شكلها احلي كتير .. يا ريت تفيدوني

اقتباس:

---

المشاركة الأصلية كتبت بواسطة RamyAminn

ولا يهمك و الف سلامة عليك يا استاذنا و ايوة كده انا اتخضيت ! D: ، كده تمام اوي اوي و كل ساعة تعدي باقتنع اكتر بالعربية و الفضل لله ثم ليكم مطمن ليها ان شاء الله ... ربنا يكفيكم شر الطريق :)

---

الله يسلمك و ربنا يرزقك و ما تنساش صلاة الاستخارة

اقتباس:

---

المشاركة الأصلية كتبت بواسطة mshmshm3

النهاردة كنت في السبع و اول مرة اشوف العربية علي الطبيعة بسم الله ماشاء الله ولا تقولي تيجو
نيجي فين !
ولا اكسنت ولا اي حاجة كل ده هري علي الفاضي
انا ركبت قدام مستريح و كمان كنت حاسس اني بعيد عن الدركسيون نزلت ركبت ورا مكنتش مصدق بردو المسافة بيني و بين الكرسي بتاع السواق مسافة يقف فيها طفل و يطنطط و انا مازال مستريح شكل التابلوه غير الصور خالص شكله جميل و القعده فيها حلوة جدا اتوكل علي الله و هاتها
ده غير ان توكيل نيسان من احسن التوكيلات في مصر

---

باشا انت بتحكى اللى بتعمله بنتى و أخوها
مامتها بتعد ورايا و توقف البنت قدامها و ضهرالبنت للكرسى بتاعى
طبعا الأطفال انت فاهم التنطيط و المساحة براحتها
فبتعد دلوقتى ورا كرسى الراكب الأمامى وترجع الكرسى ده ورا خالص علشان تقلل المساحة للبنت
و أحلى حاجة بيبقى فى حتة فى النص عند الكنبة تحت بتبقى عالية فى اللانوس و عاملة قبة لكن فى النيو صنى ارتفاعها قليل و مستوية فتبقى المساحة ورا ملعب للأطفال بسم الله ما شاء الله
جرب قعد ورا ونزل المسند الخلفى و حط رجل على رجل و شيشة وكباية قهوة قعدة ملوكى
بأمانة أنا لغاية دلوقتى بأستغرب للمساحة دى عملوها ازاى اليابانيين
و خصوصا ان عندى واحد صاحبى معاه الصنى الشكل القديم و مشكلة ضيق الكنبة الخلفية
تصدق و الله العظيم نفسى أدى العربية لحد من صحابى المقربين يسوقها هو و أعد أنا ورا القعدة الملوكى دى

اقتباس:

---

المشاركة الأصلية كتبت بواسطة mollaELolla

حجات ايييييييييه اللى بتجيبها للعربية؟؟؟؟:16:
انطق:untitled 1:
قووووول
ار و اعترف
الانكار مش حينفعك :36_7_4[1]:
هههه

---

والله هأعترف ياباشا و فيه تقرير هينزل ان شاء الله عن أحسن ناس بتوع فرش فى اسكندرية بعد ما استقريت على واحد و هيبقى فيه الأسعار من أقل حاجة لأعلى حاجة حتى لو انت اشتريت الجلد بأنواعه و أسعاره كمان
بس مستنى افرش العربية آخر الأسبوع علشان يبقى مدعم بالصور و تقولولى فى مستوى جينز كار و لا لأ
أما الحاجات التاينة فلفيت لفة كده فى اسكندرية على الزيوت زى فالفولين و كاسترول و ليكوى مولى
و للأسف لقيت ان الليكوى مولى ولا بلاش علشان ما تحرقش الموضوع و قريب هأكمل بيه الموضوع بتاعى بتاع المعلومات عن الزيوت المستوردة بس فاضل أعدى على بتوع فالفولين ان شاء الله لان روحت للتانيين
و كنت بأشوف كمان ايه يا واد آه افتكرت
معطرات لقيت معطر بتاع الشجرة الأمريكانى فى الماركت بتاع بنزينة الامارات بـ 40 جنيه
و كان فى المكنسة و منفاخ العجل العاديين فى كارفور ولقيت برضه المنفاخ الجامبو معدن و شكله أقوى و يعيش
ودورت على المكنسة بلاك آند ديكر فى كارفور ملقيتش فشكلى وأنا رايح أوتو ايجيبت فى صيانة الألف ان شاء الله هأجيبها من كارفور عندكم سمعت انها هناك لانها أقوى بصراحة و معاها قطع تركبلها و معاها ضمان
و كمان قفل الدريكسيون بس بتوع كارفور أى كلام و عزبة سعد برضه و حتى اللى لقيته فى ماركت بنزين الامارت هو هو الرخيص بتاع كارفور بس مزودين عليه 100 جنيه
عاوز أجيب قفل على شكل حرف T بيقفل على الدريكسيون و يتزنق على التابلوه أدامك أو حتى قفل يتزنق فى القايم عاوز حاجة مختلفة عن اللى فى السوق علشان تبقى أصعب شوية
المهم الموضوع محتاج لسه نزلة تانى لسموحة عند سعيد نصار و نزلة تالته لبتوع صلاح الدين علشان محتاج أظبط العربية شوية
آه صح و نزلت امباح كمان لفيت على بريدجستون و واحد بتاع كاوتش مشهور عند بنزينة سموحة
طبعا بتوع بريدجستون فوجئوا بنوع الكاوتش لانهم كانوا فاكرينها بتنزل بريدجستون زى اللى قبلها بس كله أجمع انه حرام أغير كاوتش عربية زيرو
بس صوت الكاوتش خنقنى و كل شوية انزل اشيل الزلط لدرجة بتاع الأمن عندنا شافنى صدفة و هو مروح و أنا واقف فى شارع على جنب بأشيل الزلط لانه خنقنى
غير انى لما بأجرى على 130 مش عارف ليه بأحس ان العربية طايرة فى الهوا وهى بتنط لفوق فى مطالع الكبارى و المنازل على الطريق الدولى هل لو غيرت الكاوتش هتفرق فى الموضوع ده
وهل اللى غير الكاوتش فرقت معاه
كمان فى موضوع الزلط لان فى بريدجستون ورانى نوع صامت GR90 وقالى برضه كله بيلم زلط فى بلدنا العزيزة مصر

اقتباس:

---

المشاركة الأصلية كتبت بواسطة RamyAminn

يا شباب انا عندي سؤال علشان لسه مشوفتش العربية من جوة علي الطبيعة
في صور شفتها فيها عداد البنزين ديجيتال زي شحن الموبايل كده ، و في صور تانية عداد عادي زي بتاع السرعة ؟؟ انا نفسي تكون ديجيتال شكلها احلي كتير .. يا ريت تفيدوني

---

دى صور ( بعد إذن صاحب الموضوع ) العدادات الحالية و الشاشة الديجتال دى شاشة الكمبيوتر و البنزين فيها ديجتال

http://img607.imageshack.us/img607/3699/20351045.jpg

http://img831.imageshack.us/img831/9507/78100.jpg


وده موضوع مميز لعضو هنا فيه صور العربية اللى جبتهالك فوق

http://www.nilemotors.net/Nile/299396-2013.html

,

استاااااااذ .. انا بجد متشكر جدا لمجهودك ده و الله :)

هي عربية ممتازة انا شفتها بنفسي بس ما سقتهاش

حضرتك بالنسبة لي شخصيا مش عاجبني كونسول العربية وشكل العجل مع الرفرف الوراني... بس دي اذواق فقط

انما حوار الهري ده مش هاقول لك عليه.... ده وصلت ان واحد من المعارض العربية نازلة اواخر يونيو واحنا كنا في رمضان قال لي ده التابلوة بيشقق من الشمس... قلت له ده لو طبق بلاستيك ورميته فالشمس 3 شهور مش هيشقق

بحييك يا فندم بس بالنسبة لموضوع الشكل فده اخر حاجة بفكر فيها المهم العربية مريحة ، و بالنسبة لموضوع التشقق ده بالاهتمام هتظبط ان شاء الله ، الف شكر علي المعلومة :)

اقتباس:

---

المشاركة الأصلية كتبت بواسطة dodyam

الله يسلمك و ربنا يرزقك و ما تنساش صلاة الاستخارة



باشا انت بتحكى اللى بتعمله بنتى و أخوها
مامتها بتعد ورايا و توقف البنت قدامها و ضهرالبنت للكرسى بتاعى
طبعا الأطفال انت فاهم التنطيط و المساحة براحتها
فبتعد دلوقتى ورا كرسى الراكب الأمامى وترجع الكرسى ده ورا خالص علشان تقلل المساحة للبنت
و أحلى حاجة بيبقى فى حتة فى النص عند الكنبة تحت بتبقى عالية فى اللانوس و عاملة قبة لكن فى النيو صنى ارتفاعها قليل و مستوية فتبقى المساحة ورا ملعب للأطفال بسم الله ما شاء الله
جرب قعد ورا ونزل المسند الخلفى و حط رجل على رجل و شيشة وكباية قهوة قعدة ملوكى
بأمانة أنا لغاية دلوقتى بأستغرب للمساحة دى عملوها ازاى اليابانيين
و خصوصا ان عندى واحد صاحبى معاه الصنى الشكل القديم و مشكلة ضيق الكنبة الخلفية
تصدق و الله العظيم نفسى أدى العربية لحد من صحابى المقربين يسوقها هو و أعد أنا ورا القعدة الملوكى دى




والله هأعترف ياباشا و فيه تقرير هينزل ان شاء الله عن أحسن ناس بتوع فرش فى اسكندرية بعد ما استقريت على واحد و هيبقى فيه الأسعار من أقل حاجة لأعلى حاجة حتى لو انت اشتريت الجلد بأنواعه و أسعاره كمان
بس مستنى افرش العربية آخر الأسبوع علشان يبقى مدعم بالصور و تقولولى فى مستوى جينز كار و لا لأ
أما الحاجات التاينة فلفيت لفة كده فى اسكندرية على الزيوت زى فالفولين و كاسترول و ليكوى مولى
و للأسف لقيت ان الليكوى مولى ولا بلاش علشان ما تحرقش الموضوع و قريب هأكمل بيه الموضوع بتاعى بتاع المعلومات عن الزيوت المستوردة بس فاضل أعدى على بتوع فالفولين ان شاء الله لان روحت للتانيين
و كنت بأشوف كمان ايه يا واد آه افتكرت
معطرات لقيت معطر بتاع الشجرة الأمريكانى فى الماركت بتاع بنزينة الامارات بـ 40 جنيه
و كان فى المكنسة و منفاخ العجل العاديين فى كارفور ولقيت برضه المنفاخ الجامبو معدن و شكله أقوى و يعيش
ودورت على المكنسة بلاك آند ديكر فى كارفور ملقيتش فشكلى وأنا رايح أوتو ايجيبت فى صيانة الألف ان شاء الله هأجيبها من كارفور عندكم سمعت انها هناك لانها أقوى بصراحة و معاها قطع تركبلها و معاها ضمان
و كمان قفل الدريكسيون بس بتوع كارفور أى كلام و عزبة سعد برضه و حتى اللى لقيته فى ماركت بنزين الامارت هو هو الرخيص بتاع كارفور بس مزودين عليه 100 جنيه
عاوز أجيب قفل على شكل حرف T بيقفل على الدريكسيون و يتزنق على التابلوه أدامك أو حتى قفل يتزنق فى القايم عاوز حاجة مختلفة عن اللى فى السوق علشان تبقى أصعب شوية
المهم الموضوع محتاج لسه نزلة تانى لسموحة عند سعيد نصار و نزلة تالته لبتوع صلاح الدين علشان محتاج أظبط العربية شوية
آه صح و نزلت امباح كمان لفيت على بريدجستون و واحد بتاع كاوتش مشهور عند بنزينة سموحة
طبعا بتوع بريدجستون فوجئوا بنوع الكاوتش لانهم كانوا فاكرينها بتنزل بريدجستون زى اللى قبلها بس كله أجمع انه حرام أغير كاوتش عربية زيرو
بس صوت الكاوتش خنقنى و كل شوية انزل اشيل الزلط لدرجة بتاع الأمن عندنا شافنى صدفة و هو مروح و أنا واقف فى شارع على جنب بأشيل الزلط لانه خنقنى
غير انى لما بأجرى على 130 مش عارف ليه بأحس ان العربية طايرة فى الهوا وهى بتنط لفوق فى مطالع الكبارى و المنازل على الطريق الدولى هل لو غيرت الكاوتش هتفرق فى الموضوع ده
وهل اللى غير الكاوتش فرقت معاه
كمان فى موضوع الزلط لان فى بريدجستون ورانى نوع صامت GR90 وقالى برضه كله بيلم زلط فى بلدنا العزيزة مصر



دى صور ( بعد إذن صاحب الموضوع ) العدادات الحالية و الشاشة الديجتال دى شاشة الكمبيوتر و البنزين فيها ديجتال

http://img607.imageshack.us/img607/3699/20351045.jpg

http://img831.imageshack.us/img831/9507/78100.jpg


وده موضوع مميز لعضو هنا فيه صور العربية اللى جبتهالك فوق

http://www.nilemotors.net/Nile/299396-2013.html

,

---

تغيير الكاوتش حيفرق
النوعية الافضل مش هتلم زلط بالشكل الرهيب ده
و لان المقاس هيكون اعرض حتحس ان العربية استقرت اكثر و مش حتحس انها طايره الا و انتا داخل على 160 مش 130
و بعدين انتا لم تقراء موضوعى اللى اتكلمت فيه عن ال gr90 ؟
http://www.nilemotors.net/Nile/309561-2013.html

اقتباس:

---

المشاركة الأصلية كتبت بواسطة mollaELolla

تغيير الكاوتش حيفرق
النوعية الافضل مش هتلم زلط بالشكل الرهيب ده
و لان المقاس هيكون اعرض حتحس ان العربية استقرت اكثر و مش حتحس انها طايره الا و انتا داخل على 160 مش 130
و بعدين انتا لم تقراء موضوعى اللى اتكلمت فيه عن ال gr90 ؟
http://www.nilemotors.net/Nile/309561-2013.html

---

قريته طبعا بس ما لقيتش غير الـ gr90 و الـ b250 ملقيتش er300 على العموم هأدور تانى عليها

.

اقتباس:

---

المشاركة الأصلية كتبت بواسطة dodyam

قريته طبعا بس ما لقيتش غير الـ gr90 و الـ b250 ملقيتش er300 على العموم هأدور تانى عليها

.

---

الكونتينينتال ممتاز برضه وعن تجربة :Bravo: