الموضوع: صنى 2013-قصتى مع الكاوتش بالتفصيل (اجابات على اسئلة الاعضاء)

اخوانى الاعزاء

الموضوع ده تكملة للموضوع الاول http://www.nilemotors.net/Nile/308709-2013.html

اللى وضحت فيه انى غيرت الكاوتش الماكسس الصينى لان اتضح لى انه ناشف جدا و لاننى بامشى فى طرق مكسرة ماكانش ينفع استمر بيه
فبالنسبة للاعضاء الى لم تقراء الموضوع الاول فارجو قراءته
و بالنسبة لبقية الاعضاء شاكر جدا لكم يا جماعة و عقبال ما كله يلبس نايكى و اديداس
و كان فى اعضاء سالت على تفاصيل الموضوع
فرايت ان الاجابات دى تتعمل فى موضوع جديد لان من خلال الاسئلة و الاجابات الناس حتعيش معى التجربة بالكامل فلعل ده يفيد الاعضاء ( اللى سال و اللى ما سالش و اللى شاف الموضوع الاصلى و اللى ماشافوش)

نبدا على بركة الله

هو انتا بعت الكاوتش القديم بكام؟؟
- انا كنت هبيع القديم بالف( الاربع فرد 15/65/185 ماكسس صينى) لما كانوا لسه ما مشيوش
و على ما وجدت المشترى ( و هو عضو فى نايل موتورز يملك فولكس بيتل كان محتاج لاربع فرد كاوتش بنفس المقاس لان اللى عنده محتاج يتغير و ده اعرض مقاس ممكن يركب عنده بدون ما يحك او يسبب مشاكل)
كان الكاوتش عمل 2200 كيلو فهو كلمنى و عرض يشتريه على 800 فانا قلت لا تظلمنى ولا اظلمك نقسم البلد نصفين
و بعته ب900


لماذا نبقى على الجتط 15 و لا نستبدله ب 16؟
دار نقاش بيتى و بين الاخ حسام علوانى هنا فى قسم نيسان فى موضوع له علافة بالكاوتش و استنتجت من هذا النقاش المثمر ان استبدال الجنط بحجم اكبر مع الاحتفاظ بقطر العجلة الكلى ثابت كما هو (حتى لا يؤثر هذا على فراءة عداد السرعة و عشان ما ندخلش فى متاهات تانية كزيادة الحمل و الجهد على غفشة السيارة) سيتطلب ات تستعمل نوع كاوتش الside wall بتاعه اقل يعتى بدل ما بتستعمل 65 او 60 مع الجنط ال 15 حنستعمل 50 مثلا مع الجنط ال 16 ( يعنى كانك استبدلت جزء من القطر الكلى للعجلة كان كاوتش بالجزء المعدنى اللى هوة البوصة الازبد فى الجنط ال16) و اتفق معى الاخ حسام فى هذا التخيل
و رايت انا ( و الله اعلى واعلم )ان ده هيديك شكل افضل بس حيزود النشوفية بتاعة العجلة ككل و ده حبنعكس سلبيا فى شعورك بالنقر و المطبات و ده هيقلل الاحساس بالراحة و بردك حمل زاد على العقشة ( لانك استبدلت شجزء مرن بجزء صلب)


لماذا الجنط الحديد و ليس الجنط السبورت؟
للاسف ده موضوع طويل عريض جدا و بيدخل فيه عوامل كتير
اختصرهم انا فى 3 عوامل اساسية
عامل مادى
عامل تقنى
عامل المتانة و الجودة
و هذه العوامل الثلاثة متداخلة مع بعضها بشكل كبير
مميزات الجنط الحديد الاساسية انه الستاندارد بتاع العربية مظبوط على ال CENTER BORE بتاعها فمش محتاج رنجات و الاوفست بتاعه مظبوط على العفشة و الطنابير بتاعتها مما يجعله مناسب تماما لو اتعوج ففرصة اصلاحه افضل من الجنط السبورت كما انه قوى

مميزات الجنط السبورت ان وزنه اقل مما يعطى تفوق فى التسارع و وقت اقل للفرامل كما ان شكله اجمل و يوفر تهوية و تبريد افضل لتيل الفرامل
لكن عيبه الاساسى انه غااالى و غلبة فى شرائه لو عايز تشترى الحاجة الصح اللى تفيدك مش تضر عربيتك ( لو جبت حاجة رخيصة مش حتستحمل و ممكن تتقطم و لو جبت حاجة غالية حتستحمل بس عليك و انت بتشترى انك تمشى بورقة فيها معلومات وافية عن الجنط المناسب لسيارتك, على سبيل المثال الاوفست بتاع الجنط المناسب للعفشة عندك عشان ما يحكش فى الطنابير و لا يكون حمل زيادة على العفشة بتاعتك ده غير انك احتمال تعوز رنجات و تكون بمقاس معين يختلف من جنط لاخر و من موديل سيارة لاخرى )

لمزيد من التفاصيل راجع موضوعى عن الجنوط http://www.nilemotors.net/Nile/305600-a.html

و لو عايز تريح دماغك تماما يبقى تشترى الجنط السبورت بتاع نيسان (او ايا كان نوع سيارتك المهم تشترى الجنط السبورت بتاعها من التوكيل) اللى صمم لسيارتك اصلا زى الجنط الحديد فده هيجى مظبوط يا معلم (بس ساعتها هتعد مبلغ و قدره)
فبناء على هذه الغوامل و لان الكاوتش له الاولوية قررت ان اصرف فى ما هو اهم و اولى و اكتفى بالجنط الحديد فى الوقت الراهن على الاقل هو مناسب لسيارتى و لن يضرها ( هذا ليس معناه اننى ساتوقف عن البحث قى موضوع الجنوط السبورت لعلى اصل فى المستقبل الى خيار امثل و اشترى بالفعل)

لماذا البلف النيكل و ليس البلف الكاوتش ؟
كانت لى تجارب مع البلف العادى فى سيارتى 504
فى احد المرات كنت قاعد بالقرب من السيارة و فوجئت بصوت هواء قوى و كان حد خرم فردة الكاوتش بمسمار ( فشششششششششششششششششششش) و كنت مستغرب جدا لان السيارة كانت مركونة
المهم طلعت ابص لقيت فردة من الاربعة نايمه على الارض
غيرتها و ركبت الاستبن
ثم فى صباح اليوم التالى ذهبت لبتاع الكاوتش و كشف على العجلة
و لم يجد بها شىء
و اكتشفنا ان البلف هو السبب ( جزء من الكاوتش بتاعه مع الوقت عمل حاجة زى البلونه و ضعف تحت ضغط الهواء داخل فردة الكاوتش فالجزء ده انفجر و سرب الهواء فى ثوانى معدودة) فغيرنا البلف

ثم سمعت عن البلف النيكل و ان الموضوع ده ما بيحصلش فيه


Uploaded with ImageShack.us
ثم مرت الايام و وجدته عند تاير مانيا
البلف بالكامل مافيش اى كاوتش ظاهر منه ( تقريبا الاجزاء الكاوتش محمية بداخل الهيكل الحديد الصلب يعنى حتى لو عليها ضغط شديد من الداخل فجسم البلف الصلب سيدعمها من الخارج لبمنع تاثر الكاوتش و ضعفه تحت ضغط الاهواء القادم من داخل فردة الكاوتش)
فانتهزتها فرصة و انا بغير الكاوتش و قلت اشترى دماغى و ركبته عندى الاربعة كلفونى حوالى 100

لماذا 195/60 و ليس اى مقاس اخر؟
الجنط المستخدم هو جنط 15
والناس بتهتم برقم 15 و تنسى الرقم التانى و هو عرض الجنط 5.5 فى حالتى و هذا الرقم يتحكم فى عرض المداس المسموح بتركيبه فى الكاوتش ( فى حالة 5.5 ممكن تركب مقاسات 185 و 195 و اخرك 205 لكن مايتفعش تركب 215 لان فى الحالة دى لازم يكون العرض على الاقل 6 بوصة مش 5.5)
المقاس الاصلى كان 185 و مقاس 195 يعنبر المقاس المثالىIDEAL لانه هيديك ثبات اعلى (المداس حيكون اعرض 10 مللى و العربية حتوطى 6 مللى) بدون اى تاثير على العفشة ( و هذا بعد محاورات مع الاخ يوسف عوض قلب الاسد فى مواضيع سابقة و بعد السؤال فى توكيل بردجستون ) و بدون تاثير على علبة الدركسيون او ثقل فى الباور ستيرنج

الق نظرة على هذا الموضوع http://www.nilemotors.net/Nile/295784-a.html

هوالكاوتش الجديد بكام؟
- كان فى عند الاخ محمد يسرى من المقاس المطلوب (195/60/15) بريدج ستون و لم يكن هناك ميشلان من المقاس ده ( و الراجل قال انه بيفضل ميشلان اكثر لكن انا احترمت امانته و زوقه و قلت حشترى من عند الراجل المحترم ده بصرف النظر عن اى شىء)

[OVERLINE]كان فى 4 انواع[/OVERLINE]
turnza gr90 v- made in japan

(و ده كان سعره من عنده 705 و نفس السعر فى فيت اند فيكس و السعر بره 710)

turanza er300 H- made in france
(و ده كان سعره من عنده 640و فيت اند فيكس مش بيستورد النوع ده و السعر بره 590 بس انا ما شفتش الكاوتش عندهم بعينى كله يقول لك عندنا فى المخزن و فى اللى يقول فرنسى و فى اللى يقول ايطالى و احدهم قال انها ب 575 و مش فاكر احتمال تكون تايلندى)

MY01-Made in thailand ( عامل 535 تقريبا نفس السعر فى فيت انك فيكس)

b250- made in thailand ( عامل 515 تفريبا نفس السعر فى فيت اند فيكس )

كان فى خيار خامس عند فيت اند فيكس سيتى ستارز potenza adrenaline كانت ب610 ( كانت طالعة من عيييينى لان الفردة دى معمولة عشان تجرى بيها و تفرمل و فى نفس الوقت ماهياش ناشفة- حاجة كده اختراااااع- بس المشكلة ان هما دول الاربع فرد الموجودين فى كل فروع بردجستون فى مصر تقريبا و مقاسهم 50 مش 60 و العربية فى الاصل كانت 65 فكده العربية هتوطى اوى و و قطر الكاوتش هيقل اوى وكمان انتاجهم 2010 فكانت مغامرة بكل المقاييس انى اشتريهم)

و كان فى فى تاير مانيا انواع اخرى زى كونتننتال و بيرلى

و كان فى ميشلان فى محل بره ب 610 بس كان 195/65 ( ال ستاندرد بتاع المقاس ده 60 مش 65) فكده العربية كانت حتعلى عن الطبيعى و قد يقلل ثبات السيارة بدلا من ان يزيده و كمان قطر العجلة كان حيزيد عن الطبيعى بشكل كبير مما سيؤثر على عوامل كثيرة و قد ينعكس بشكل سلبى على احساسك بالطرق الغير ممهدة و قد يؤثر على العفشة- و بعد ان تناقشت مع الاخ يوسف عوض قلب الاسد استقريت على انها مغامرة انا فى غنى عنها

لماذا تاير مانيا؟
طبعا من الواضح ان النوع اللى انا اختارت turanza er300 اغلى عنده من بره بس الفكرة اولا:ان الاخ محمد يسرى بيدى فاتورة يعنى لو حصل مشاكل فى الاطار تقدر ترجع له و تثبت انك اشتريته من عنده لكن اى بياع تانى بعد ما هتمشى من عنده بنصف ساعة لو رجعت له بمشكلة ممكن يقول لك " ما اعرفكش"
ثانيا: السعر ده شامل الترصيص بالجهاز الحديث جدا اللى عنده و كمان شامل النيتروجين
ثالثا: السعر ده قبل تفعيل خصم نايل موتورز ( بعد الخصم الفردة وقفت عليا بحوالى 610 بالترصيص و انيتروجين وواخد فاتورة بالضريبة ) طيب يعنى كده كويس ( طبعا كنت ححس بقيمة الخصم اكثر لو اخدت اى واحدة من الانواع الثانية لانها كانت حتكون ارخص من سعر السوق بس الفكرة ان الفردة دى نادرة شوية و التوكيل مش هوا اللى بيستوردها فسعرها مش ثابت وكذا واحد بيستوردها لحسابه فاللعب فى السعر وفيها كتير )
رابعا: لما تروح لتجار الكاوتش تفاجأ ان كتير اوى بيتاجروا فيه بينما هما مش فاهمين فيه ( و للاسف هذه اصبحت ظاهرة فى بلدنا ان الناس بتبيع و خلاص بدون ما يكون متخصص فى الشىء اللى بيبيعه او حتى عنده معلومات وافية) بعكس الاخ محمد يسرى لما تتكلم معاه و تسمع منه تجده فاهم هوا بيقول ايه و ليه و ايه اللى ينفعك و ايه اللى ما ينفعش معاك
ده غير انك تحس انه دائم البحث عن وسائل لتطويرشغله و تقديم خدمة افضل للعميل. و هو ايضا شخص محترم و ظريف و اميين جدا ( كان مرشح لى ميشلان بالرغم ان ساعتها ماكانش عنده ميشلان فى المقاس اللى انا عايزه و بالرغم من هذا قال لى ان البريدجستون و ميشلان الاتنين كتكنولوجى و كبراند من افضل الماركات فى تصنيع الكاوتش على مستوى العالم بس هو بيفضل الميشلان - بالرغم من ان الحركة دى كان ممكن تخلينى اروح ادور على ميشلان عند اى حد تانى- بس هو قال رايه كخبير و ليس كواحد عايز يبيع و خلاص. الحركة دى خلتنى احترمته جدا و حسستنى بمدى مصداقية الراجل فى التعامل) فقررت انى اشترى من عنده فهو اضمن و اولى من وجهة نظرى و الله اعلى و اعلم
و ان شاء الله لن يكون هذا تعاملى الاخير معه ( مبدايا انا ناوى اعمل الروتيشن و الترصيص عنده كل 5000 مع الصيانات ده غير انى بافكر فى تسليح الكاوتش)

لماذا TURANZA ER300 ECOPIA ؟

قبل ما اشرح نبص بصة على المقارنة السريعة دى



Uploaded with ImageShack.us



Uploaded with ImageShack.us



Uploaded with ImageShack.us



Uploaded with ImageShack.us

زى ما قلنا فى السابق ان اقلهم سعرا كان ال B250 و دى تعتبر اقل نوع بينزل مصر من بردجستون و دى انتاج تايلاند و كما هو ملاحظ فى الصورة ان الفردة دى على ادها اوى ( بالنسبة لل GRIP و معناه القدرة انها تفرمل و تمسك فى الاسفلت. و كمان بالنسبة لبقية المواصفات)

تيجى بعدها فى السعر ال MY01 انتاج تايلاند ( للاسف ما قدرتش اجيب الSCORE بتاعها زى ما عملت فى الموديلات الثانية) و دى تعتبر فردة رياضية و اعرف كذا حد فى العائلة جايبها
هى انشف شوية و صوتها اعلى من ال B250 بس نقشتها مناسبة اكثر للجرى و الاستخدام الرياضى و بتفرمل احسن

ندخل بقى على فئة الTURANZA و دى الفئة الاغلى و تتميز بانها انعم و صوتها اقل و مواصفاتها عالية
و طبعا اغلا
ال TURANZA GR 90 انتاج يابانى و دى بقى قمة النعومة على الطريق و تعتبر فردة صامتة ( SILENT)
بس المشكلة انها من كتر ما هيا ناعمة و طرية ( حاجة كده ملبن) ما ينفعش تستخدمها استخدام رياضى ( بالرغم من ان سرعتها V يعنى شغالة معاك لحد 240) لانها حتتنحل بسرعة رهيبة ( قرات عن واحد بدات تتمسح منه بعد 7000كيلو) و اى تهريج فى الترصيص او تقصير فى عمل ال ROTATION هيقصف عمرها ( فى بردجستون المدير هناك قال لى انها عايزة شخص هادى جدا و سواقته هادئة جدا و بيمشى 80 90 فلما بيجى لنا حد سنه خمسينات كده و عايز حاجة مريحة جدا بياخد دى) ده خير ان المداس بتاعها ناعم ( تحسه ناعم كده زى الكاوتش الموجود فى جنب الفردة) و ده مخلى الفردة مش بطالة كفرامل فى الاجواء الممطرة لكن ادائها اقل شوية فى الاجواء الجافة ( و طبعا احنا مش عايشين فى لندن احنا المطر عندنا يومين فى السنة و طبعا لما تبدا تتمسح الاداء ده هيقل كمان و كمان) فمن الاخر هى فردة بشواتى عمرها مش طويل و غالية ب700 710 بس صباح الراحة و الدلع

الTURANZA ER300 ECOPIA دى انتاج فرنسى و دى اللى اتركبت عندى و دى تعتبر فردة معدلة من الموديل الاصلى ( ER300) و زى ما هو واضح من الصورة ان الموديل ده مسك العصاية من النص
طرى و مريح ( انشف شوية من ال GR90 لكن مش ناشف زى الموديلات التايلاندى) انتا لابس اديداس مش لابس ملبن ( زى الGR 90) ولا لابس جزمة كلاسك ( زى الMY01) ولا لابس قبقاب (زى الماكسس) و فى المقابل بيستحمل مايتمسحش بسهولة و لما بيفرمل بيكلبش فى الارض خاصة فى الاجواء الجافة ( يعنى مناسب لمصر) و اقل سيكه فى الاجواء الممطرة و السرعة بتاعتها H يعنى معاك لحد 210كم/ساعة (بالنسبة لى كده تمام اوى, هوا انا حدخل سباق؟)

شعورك ايه مع الباور بتاع الدركسيون بعد تغيير الكاوتش؟
كله تمام مافيش اى تغيير

شعورك ايه مع استخدام الفرامل بعد تغيير الكاوتش؟
تمام قوى
الكاوتش تحسه مكلبش فى الارض
ما بيتزحلقش بسهولة زى القديم لدرجة ان اصبح من النادر ان ال ABS يشتغل معاى لما افرمل فجاءة لان الكاوتش نادر انه يتزحلق

و فى النهاية يمكنكم الرجوع لهذا الموقع
Tyres by Brand | the online tyre guide
مليان مقارنات و REVIEWS لانواع كثيرة و ماركات متعددة من الكاوتش
وارجو انى اكون افدتكم