الموضوع: لاصحاب التيجو تقيمكم ايه للعربيه وتنصحوني بيها ولالا

المشاركة الأصلية كتبت بواسطة hugan

ممكن تقرير صغير عن العربيه
عامله كام كيلو وقطع الغيار والصيانه واستهلاك البنزين
المزايا والعيوب لو تكرمت
لاني عايز اغير ال 516 بتيجو

ان شاء الله حعمل تقربر مفصل و محايد بس افوق من دور البرد

معلش علي التأخير في الرد والله دور البرد جالي وخلص و رجع تاني زي ما يكون مش لاقي غيري المهم الحمد لله علي كل شئ و كله تمام
نيجي للتقرير اول حاجة الشكل العام في نظري حلو و شكلها ضخم و تصميم كوسي مقتبس من تويوتا rav 4 2003 الجنط شكله حلو و الإضاءات الأمامية قوية و الفوج ليت بليل تخجلي جداً ومفيد لو انت منوره لوحده و عندك اختيار من الداخل التحكم في مستوي الإضاءة تعلي توطئ براحتك الشكل الخارجي ٨.٥ /١٠
نخش جوه و نتفرج حلاقيم الخامات المستخدمة رديئة الي حد ما و التافيل معقول بس تحس ان الحاجة في الطبلوه مش مخدمة كويس فرش الأبواب معقول و الزارير بتابعة التحكم في اماكن مناسب جداً للاستخدام و الأربع زجاج كهرباء اتوماتيك في النزول بضغطة واحدة إضاءة العدادات حلوة بليل و مريحة ازرق وأحمر زي الجولف الكراسي مريحة جداً في السفر و المسافات الطويلة أفي الامام او الخلف مع امكانية طي الكتب الخلفي و تحريكه الي الامام و الخلف زي الكرسي الأمامي بالضبط وكمان لو بتنقل حاجة كبيرة ممكن تشيل الكنب بسهولة و ترجعه تاني بسهولة و إضاءة الصاون كتير في النشطة و أانص و الكونصول الأمامي مع جراب النظارة وفي كمان وحدات رفع
التصميم الداخلي جيد جداً و مريح وممكن ناخد ٦افراد و عن تجربة ٧.٥ /١٠
العفشة متوسطة يعني مع علو العربية أكيد حتحس بالمطبات غير العربيات السيدان طبعا حاسما أصوات تزيق و خبط لان الشنطة و المساعدين الخلفي قاعدين معاك في العربية و لو في حاجة في الشبكة بتعلم صوت أكيد حتسمعة ١٠/٧
الموتور متوسط النعومة يعني تحس بيه وتسمع صوته بس مش مزعج و سحبه كويس جبت لغاية ١٧٠ علي طريق السخنة و الفتيس نقلاته مصورها قليل و مريح في التلين حيعض شوية و بعدين حينعم و يبقي عادي و مريح سحب الول ضعععععععيف جداً اما التأني تجيب لغاية ٨٠ التالي لغاية ١٢٠ او ١٣٠ و الرابع ١٦٠ الي ١٧٠ عن تجربة ١٠/٧.٥
العزل أسواء ما في العربية ضعيف جداً تحس و تسمع كل حاجة بس بنحاول دلوني نجرب نعمل عزل لية ١٠/٥
التكيييف ممتاز فعلا تلج بس بياخد وقت في التسقيع علشان حجم الهواء كبير جوه العربية زيادة عن اي عربية الشنطة معاك كمان في حيز الهواء بتاخد من ١٥ الي ٢٠ دقيقة ليصل الي اقصي درجة ده في الظهر وراكن في الشمش المبتور حلو والتحكم سهل الabs ممتاز ليوقف بسرعة رغم ان الفرامل العدية تعتبر ضعيفة بس مع abs في ثانية تقف ١٠/٧.٥

إجمال العربية حلوة و ممتازة من الوسع و القيادة و ان كل علي الله و اي سؤال أنا تحت أمرك

ينفع بس حيكونو اطفال وتحرك الكنبة للامام عشان توسع شوية