ايه تقيمكم للميجان 1 موديل 2001

**ArafatEHegazy** · 23-11-2008 06:46 PM

السلام عليكم
انا شايف ان كل الموضوعات بتتكلم علي ميجان 2 ومحدش جايب سيرة ميجان 1 ... هو الموديل ده في مشاكل ولا ايه؟

أنا كنت عايز أعرف ايه مواصفات موديل 2001 الأتوماتيك ...دورت في قسم الرينو وملاقيتش حد بيتكلم عليها.

سؤال تاني؟ الواحد يشتريها ولا يشتري كليوا موديل 2004 أحسن؟ لأني خايف من موضوع انها موش كتيره في الشارع

**akmal_hamdi** · 23-11-2008 07:55 PM

انها سياره محترمه

**chato_eg** · 23-11-2008 08:08 PM

هى فعلا أعدادها أقل من الميجان Ii ...لكن احنا لينا زميل فاضل هنا ( محمد عادل أمين ) معاه العربية بقاله 4 سنين و الراجل بيشكر فيها جزيل الشكر و هو كان جايبها مستعملة مش زيرو...
أكيد هو أقدر منى على الكلام عنها....
هو كان بيعمل لها شغل سمكرة من 10 أيام....ياريت تبقى تطمنا على العربية يا محمد لحد ما نشوفها فى المقابلة الجاية إن شاء الله

**Mohd_Adel_Amin** · 24-11-2008 08:12 AM

الله يخليك يا هاني باشا ...
انا الحمد لله استلمت العربية انبارح ,
وبالنسبة للميجان 1 فهي عربية ممتازة الحمد لله وحمولة جدا وهتريحك عن الكليو , اهم حاجة يكون صاحبها مهتم بيها واقتراحي لحضرتك انك تعمل فحص ليها في التوكيل علشان تتطمن وانتا بتشتريها لأن لو كان صاحبها مهملها هتكلفك كثير علشان ترجعها لحالتها الكويسة ..وانا تحت أمرك في أي حاجة تخصها يا أ . عرفات ..

**ArafatEHegazy** · 24-11-2008 01:02 PM

المشاركة الأصلية كتبت بواسطة Mohammed_Adel_Amin

الله يخليك يا هاني باشا ...
انا الحمد لله استلمت العربية انبارح ,
وبالنسبة للميجان 1 فهي عربية ممتازة الحمد لله وحمولة جدا وهتريحك عن الكليو , اهم حاجة يكون صاحبها مهتم بيها واقتراحي لحضرتك انك تعمل فحص ليها في التوكيل علشان تتطمن وانتا بتشتريها لأن لو كان صاحبها مهملها هتكلفك كثير علشان ترجعها لحالتها الكويسة ..وانا تحت أمرك في أي حاجة تخصها يا أ . عرفات ..

شكرا علي الرد يا أ محمد.
والله العربية عجباني بس اللي مخوفني توافر قطع الغيار بالزات اني لو هجيبها هتبقي اتوماتيك موش عادي ...يعني لو وقفت هتبقي مشكله. أنا اللي عاجبني في العربية أولا انها ماركه محترمه وأوروبي وسمعة الجيل الثاني منها مكسرة الدنيا ... فأكيد الجيل الأول هيكون كويس بإذن الله ... أنا طبعا نفسي أجيب الجيل التاني ...بس غالي عليا شويه المره دي ...ان شاء الله الطلعة اللي جايه :) . ثانيا فيها أهم كماليتين بالنسبه ليا وبسعر ممتاز وهما ال Air Bag , ABS
بما أنك من ملاك العربية أنا عندي كام سؤال:
1- ايه الكماليات المتوافرة في العربية؟
2- ايه الفروقات بين الموديلات المختلفة 1999 حتي 2003 ؟ ولا مفيش فرق بينهم؟
3- أنهي موديل من دول يعتبر الأفضل من حيث قلة الأعطال ومن حيث توافر قطع الغيار؟
4- هل توجد فئات في الميجان 1؟ بمعني فئة أساسية وفئه بكماليات أعلي مثلا زي ما بنشوف في الميجان 2؟
5- دلوقتي متوسط سعر السوق للعربيه دي كام؟

معلش يا أخي دوشتك بالأسئلة بس يعني كده زي ما تقول ما صدقت لاقيت حد معاه العربية دي وهيفيدني بمعولمات عنها ... وجزاء الله خيرا

**Mohd_Adel_Amin** · 24-11-2008 01:25 PM

المشاركة الأصلية كتبت بواسطة ArafatEHegazy

بما أنك من ملاك العربية أنا عندي كام سؤال:
1- ايه الكماليات المتوافرة في العربية؟
2- ايه الفروقات بين الموديلات المختلفة 1999 حتي 2003 ؟ ولا مفيش فرق بينهم؟
3- أنهي موديل من دول يعتبر الأفضل من حيث قلة الأعطال ومن حيث توافر قطع الغيار؟
4- هل توجد فئات في الميجان 1؟ بمعني فئة أساسية وفئه بكماليات أعلي مثلا زي ما بنشوف في الميجان 2؟
5- دلوقتي متوسط سعر السوق للعربيه دي كام؟

معلش يا أخي دوشتك بالأسئلة بس يعني كده زي ما تقول ما صدقت لاقيت حد معاه العربية دي وهيفيدني بمعولمات عنها ... وجزاء الله خيرا

يا باشا أنا تحت أمرك وكل ما أعلمه عن العربية تحت أمرك يا باشا .
1-معلش بالنسبة للكماليات انا مش بعرف اتكلم بلغة السيارات لأني مش خبير بيها بس ممكن تسألني عن الكماليات اللي حضرتك محتاج تعرفها وانا اقولك موجودة والا لأ ..
2- بالنسبة للفروقات فهي في شكل الفوانيس الأمامية والخلفية والاكصدام الأمامي ومن جوه نفس الشكل مع اختلافات بسيطة (على حد ما أتذكر ) وده بين 99 و ما بعدها والفرق الثاني في الموتور الي معايا 8 صباب (وهو الموجود في اللوجان دلوقتي )بس الموديلات اللي بعدها 16 ..
3-بالنسبة لموضوع الأفضل مقدرش افيدك لأني لم أجرب غير ال 99 بس اعتقادي الشخصي انه مفيش أفضلية لأنهم نفسهم بالضبط مع اختلاف الموتور زي ما بينت لحضرتك .
4 - ويوجد فئات منها زيها زي غيرها وأعتقد ان الاوتوماتيك بتنزل بكماليات كاملة لأني كنت شايف واحدة أيام ما كنت بضور وكانت 2002 اوتوماتيك وفول اوبشن .
5- بص يا باشا انا مش خبير في السوق بس اعتقد انها في اوائل الخمسينات او أواخر الأربعينات وده تخمين شخصي .. انا كنت شاري بتاعتي من 4 سنين ب 60 ألف .

وبجد يا باشا أنا تحت أمرك في أي حاجة .. عارف اني مفيدتكش بالدرجة الكافية بس أتمنى تعذرني لأني مش خبير قوي في موضوع السيارات , وأتمنى ان ربنا يكتبلك الخير فيها أو في غيرها ,, ويا عالم جايز يبقى ليه زميل في المنتدى .
و انا أفضل زي ما بينت لحضرتك تكشف عليها في التوكيل علشان تتأكد من مستواها لأنها لو كان صاحبها مهمل هتتعبك بس لو كان مهتم بيها هتبقى زيها زي الجديدة .
وفي انتظار آخر الأخبار .

**Amr_Moh** · 25-11-2008 02:13 PM

المشاركة الأصلية كتبت بواسطة ArafatEHegazy

السلام عليكم
انا شايف ان كل الموضوعات بتتكلم علي ميجان 2 ومحدش جايب سيرة ميجان 1 ... هو الموديل ده في مشاكل ولا ايه؟

في رأيي الميجان١ كانت عربية ممتازة حتى ظهرت الميجان ٢

25-11-2008 02:52 PM

المشاركة الأصلية كتبت بواسطة Mohammed_Adel_Amin

الله يخليك يا هاني باشا ...
انا الحمد لله استلمت العربية انبارح ,
وبالنسبة للميجان 1 فهي عربية ممتازة الحمد لله وحمولة جدا وهتريحك عن الكليو , اهم حاجة يكون صاحبها مهتم بيها واقتراحي لحضرتك انك تعمل فحص ليها في التوكيل علشان تتطمن وانتا بتشتريها لأن لو كان صاحبها مهملها هتكلفك كثير علشان ترجعها لحالتها الكويسة ..وانا تحت أمرك في أي حاجة تخصها يا أ . عرفات ..

مبروك يا باشا إستلام العربية و يا رب تكون عجبتك و ربنا يجعلها أخر السمكرة إن شاء الله
في إنتظار حضرتك إن شاء الله في المقابلة الجاية.

**Mohd_Adel_Amin** · 26-11-2008 02:39 AM

المشاركة الأصلية كتبت بواسطة khaled lanos

مبروك يا باشا إستلام العربية و يا رب تكون عجبتك و ربنا يجعلها أخر السمكرة إن شاء الله
في إنتظار حضرتك إن شاء الله في المقابلة الجاية.

الله يخليك يا باشا ودعواتك اني محتجش اسمكرها ثاني وألقاك على خير ..

**Hassanelrafe** · 06-12-2008 01:15 AM

الأخ العزيز

ميجان 1 سياره اكتر من ممتازه
معايا من 4 سنين اوتوماتيك كل الكماليات
يعني تكييف ممتاز + ايرباج 2 + مرايات كهرباء + Abs+ باور ستيرنج
ادخل بقلب جامد والمهم تكشف عليها في التوكيل

عموما انا بشتري دلوقتي ميجان 2 و ممكن ابيع عربيتي لو عايزها - تحت امرك
رقم تليفوني 0123920386 و معايا تقرير بحاله العربيه من التوكيل

أخوك حسن الرافعي