الموضوع: احتار دليلي وتعبت اوبترا ولا ماتريكس ولا صني ايهم ولما

المشاركة الأصلية كتبت بواسطة sameh.rafat

السلام عليكم ورحمه الله وبركاته
اللهم صلي وسلم علي سيدنا محمد صلي الله عليه وسلم
أدام الله علينا لباس الصحه والعافيه والرزق
أحترت معي فيرنا موديل ٢٠٠٧ وماشاء الله ممتازه
بس عايز عربيه واسعه حبيتين وتكون اوتوماتيك
ومعايه لما ابيع الفيرنا كل الي معايه للعربيه حوالي ٦٢٠٠٠ الف
اركب ايه فكرت في الماتريكس خوفيوني قولت صني قالولي موش هتعرف تبيعها قولت اوبترا قالوا اصلها خشنه شويه وقطع غيارها غاليه
آه تلاقيقوا بتقولوا مين الي قالوا .... افكاري
وبعض السمع هو الواحد نيعرفيش يتفك مع نفسه شويه ويعد عن الشغل

بص يا باشا, السوق دلوقتى غريب حاجات سعرها رافع و حاجات سعرها مش مفهوم و غالبا التجار البيلعبوا بينا.

مبدئيا 62 ديه كانت تجيب ماتركس زمان مانيوال حالة متوسطة, دلوقتى صعب اوى تلاقى ماتركس حالة نص و نص حتى مانيوال بالسعر ده.

عموما هيا عربية جميلة و واسعة و عفشتها كويسة و ثبات شغال, يمكن بس بتستهلك شوية بنزين و هى الأفضل فى اختيارات حضرتك ده لو معاك فلوسها.

صنى مش عارف مين القالك مش هتعرف تبعها !!!!!!!!, عربية بياعة طبعا و بتاعت شغل و موتور قوى و ثبات لذيذ بردو.لكن صوت الماتور عالى شوية و العافشة ناشفة شوية و ضيقة من ورا, و المبلغ المعاك اغلب الظن اه بردو يجبلك مانيوال مش اوتو,ده لو بنتكلم على ال 1600 المن أول 2005. لكن لو بتتكلم على القبليها ال 1300 فأه ديه البيعها تقيل شوية رغم انها تقفيل يابانى مش مصرى.

الأوبترا انا شايفها مناسبة بردو عربية واسعة و مش خشنة اوى و ثبات جميل على سرعات و موتور قوى, مقردرش افيدك فى قطع الغيار لكن اعتقد انها فى مستوى اسعار ال الماتركس و الصنى (اسمع ان الصنى القديم اغلاهم فى قطع الغيار) و المبلغ المعاك اغلب الظن هيجبلك اوبترا مانيوال بردو.

المشاركة الأصلية كتبت بواسطة sameh.rafat

طيب ايه الي يجي لحد ٦٥ بس يبقي اتوماتيك

بص عشان تجيب حاجة اوتوماتيك حالة نضيفة فى متوسط سعر 65 الى 67 الف جنيه, يبقى عليك و على صنى 2005 - 2006 (2005 تقفيل مصنع اليابان لو لقيت حالة نضيفة ماتسبهاش ), او اوبترا موديل 2006 بردو.

الماتركس جالها حالة عبط فى السوق بيطلبوا فيها اسعار عالية اوى, و البيقلل فى سعرها غالبا بتبقى حالة مش ولابد. مستريح بتعمل فوق ال 70 عموما.

اسار العربيات ديه زيرو:

الابترا اوتو ب 103000 ج, و فيه ناس هنا فى المنتدى بيقولوا ان معارض عارضاها على 107000 بس اشوك.

الصنى القديمة مش موجودة اصلا, و الجديدة مدية ال 100000 ج, و ادخل قسم النيسات هتلاقى التفاصيل.

الماتركس ماعرفش لأنى مبسألش عليها و متهيالى مفيش منها جديد اصلا.