الموضوع: وأخيرا بقيت لوجاني :)

السلام عليكم
بعد طول بحث طوييييل قررت إني أركب رينو لوجان بالرغم من كل التحذيرات من ركوب الرينو (من جهل شيئا عاداه) ويمكن ده بسبب سمعة الميجان السيئة بسبب مشاكلها وأعطالها الكتيرة بسبب كثرة الحساسات والكنترولات اللي فيها
المهم ربنا كرمني واشتريت واحدة كسر زيرو ولله الحمد موديل 2010 عداد 24 ألف كيلو بعد تقلب في العربيات المستعملة من موديلات الثمانينات (فيات 128) مرورا بموديل 96 (كريستالة) وأخيرا موديل 2001 (دايو جولييت) لحد ما كرهت العربيات المستعملة وأقسمت إني ما أركب مستعمل إلا لو كان كسر زيرو لأني مشفتش قليل من المستعمل (7 عربيات في أقل من 6 سنين) !!!
عندي بعض الملاحظات على العربية عايز أستفسر إخواني عليها بسبب قلة خبرتي وبسبب إني مش ناوي أعمل صيانات في التوكيل بسبب الأسعار المبالغ فيها جداااااا ده غير إن العربية صاحبها طلعها برة الضمان أصلا ! فعشان كده هحاول أوفر وأروح لمراكز صيانة خارجية تكون حنينة شوية وفي نفس الوقت يكونوا كويسين مش بتوع كوسة وأنا عرفت حوالي 3 ميكانيكية رينو كويسين عن طريق المنتدى هنا وهما أمجد ومحمد الشرقاوي في الحرفيين وعادل في صقر قريش
من ملاحظاتي موضوع دواسة البنزين حاسس انها تقيلة وبتزن فهشوف الميكانيكية دول هيقدروا يحلوا المشكلة دي ولا لأ
ادعولي ربنا يباركلي فيها ويعطيني خيرها ويكفيني شرها
ولا تنسونا من نصائحكم الغالية جزاكم الله خيرا