الموضوع: مقارنه بين SUMSUNG S3 و HTC One X

المشاركة الأصلية كتبت بواسطة mido_soliman

ولا حيرة ولا حاجة الموضوع محسوم على فكرة

ال جى دعمهم ليس على المستوى المطلوب على الاطلاق من حيث التحديثات او حتى كفائتهم التشغيلية
يعنى بالبلدى متجربش فى نفسك الاندرويد معاهم لانك لو باختصار حتتكلم على ال جى واعتمادية وخامات وكدة مع انى مش شايف ان فى فروق بينهم وبين اى شركة تانية فى الخامات وكدة لان معروف ان افضل شركة فى الخامات هى سونى وياتى بعدها زى ما تحب وبفارق كبير لكن مشكلة سونى فى ان اجهزتهم دايما فقيرة فى حاجة يعنى شكل على حساب امكانيات داءما وابدا

طلع ال جى من حساباتك ولو حتدخلها يبفى من باب اولى تدخل موتورولا زارز ماكس لو انت بتتكلم على اعتمادية وخامات وبطارية وهلم جرة بس هوة مش واخد حقة لدعمهم السىء بردة

الون اكس حينزل الاحسن منة خلال ايام لو حتستناة ماشى بس حيجى مصر امتى وبكام حيكون اغلى من كل اللى على الساحة حاليا وبالتالى انا حستبعد الون اكس

السونى زى ما قلتلك اقل منهم كلهم فى الامكانيات من الاخر الاكسبيريا اس يقارن بالاس2 وبس

لو حجم الموبيل بالنسبالك مش فارق كبير ولا صغير يبقى النوت هو احسن الموجودين وعن جدارة
حتشيل موبيل وتاب و تجربة فريدة من نوعها فى تصفح الانترنت بجد مش هزار وعن تجربة النوت1 لما جبت من بعدة الاس3 ندمت لان الشاشة الكبيرة دى لما بتتعود عليها بتبقى حاجة تانية خالص خصوصا لو مش عملالك ازمة فى المسكة

لو حجم الموبيل مهم بالنسبالك وبتستخدمة وانت سايق او بتستخدم ايد واحدة بس حقولك الاس3 وان كان حتلاقى بردة صعوبة فى استخدام الايد الواحدة معاة لان شاشتة 4.8 مش صغيرة بس طبعا بالنسبة للنوت صغيرة :)

يعنى الخلاصة من خلال تجربتى مع معظم الهاى ايند فى الاندرويد بقولك متخرجش عن النوت2 او الاس3 وعلى فكرة مفيش هاى ايند من سامسونج فية مشاكل لا فى شاشة ولا فى اعتمادية ولا اى حاجة من دى اى هاى ايند من سامسونج موبيل حمااااااااار وحمال قسية بغباوة يمكن الميد رينج او اللوووو رينج يبقى خاماتة ارخص وكدة لكن الهاى ايند من سامسونج ولا كلمة والدليل انهم بقالهم كام سنة ورا بعض بياخدوا احسن جهاز فى العالم

لو حتستنى شوية ممكن تنتظر الوان اكس+ وتقارنة معاهم وان كنت اظن انة مش حيفرق كتير عنهم ويمكن ميفرقش خالص بس الاكيد انة حيفرق عن الون اكس العادى

+11111111!11111

الال جي دعمهم بطيء شوية بس بينزل على فكرة
و التأخير في التحديث للتطبيقات مش عيب قاتل على فكرة
لكن الجهاز لما تحطه في جيبك او على الترابيزة و بعدين تيجي تشغله تلاقيه جاب شاشة و مضلم اسود في وشك من الباب للطاء من غير اي سبب هو ده العيب لعلمك
تيجي تروح التوكيل و انت عارف انه لسه في الضمان و تلاقي رقمك ال 130 في اللي قاعدين و بيندهوا لرقم 30 لسه يعني قدامك 100 واحد كلهم بيشتموا في السامسونج و اللي جابه و اهمال التوكيل و مماطلتهم و لما تدخل و اول ما يبص على جهازك السامسونج يقولك دي شاشه و الشاشة مش داخله في الضمان و لازم تدفع 400 جنيه اقل واجب و تستلمه بعد اسبوع و بعد الاسبوع لما تستلمه تلاقي كل شويه عيب يطلعلك سواءا سوفت او سماعه و مفيش حاجة في الضمان اصلا و كله على حسابك

دا اللي انا ممكن اسميه عيب قاتل في ماركة معينه

السامسونج اصلا مريبة في كل حاجة من اول بلد المنشأ تكتب صنع بواسطة سامسونج يعني حته مش راضيين يكتبوا الصين
مرورا بموصلات رديئة و سريعة الاعطاب
و الشاشات اللي عمرها ما بتكمل السنة في اي موديل اللا حالات نادرة
و لو شم شمس او رطوبة (مش ميه) تلاقي البوردة كلها اتحرقت
و التوكيل اللي بيتأخر بصورة مبالغة في الصيانات و كل حاجة خارج الضمان و العيب مش بيتصلح من اول مرة و لا حتى 7 مرة

و الكلام ده كله مش من تجربة في جهاز واحد و لكن تقريبا اي جهاز مر علينا في نطاق الاسرة او الاصدقاء سامسونج حصله كل اللي بقوله - و ملحوظة اخيرة - السامسونج بعد 3 سنوات من تاريخ انتاج الموديل التوكيل مش بيبقى ملتزم بالصيانة و مش بيوفر قطع غيار حتى لو بفلوس (دي سياسة الشركة)

حاليا كل الاسرة و الاقارب بعد ما شالوا كلهم السامسونج لرخص تمنه بصورة فظيعة و امكانياته المهولة غيروا لال جي او نوكيا او بلاك بيري حتى لو اغلى شوية لانه كرههم في عيشتهم

الحمدلله تم الأستقرار نهائيا على HTC One X بس مستنى البلاك هيوصل بكره وهعمل تقرير عنه بعد الأستخدام واشرح عيوبه ومميزاته ومقارنه بينه وبين الS3 فكل حاجه

وشكرا لحضراتكم جدا جدا جدا على النصايح والتجارب الجميله دى واللى فعلا حسمت اختيار الواحد بشكل كبير