المشاركة الأصلية كتبت بواسطة mmamdouh
ضد القرار قلبا و قالبا
مفيش اى فايدة هتعود من النظام دة بل بالعكس هيزود المشاكل اكتر...
يعنى الناهردة اللى كان يقدر ينزل فى اى وقت يشترى حاجتة اصبح ملزم ينزل قبل 10 مساء... يعنى كل مصر هتبقى فى الشارع عشان تشترى مستلزماتها قبل ما المحلات تقفل بالتالى الزحام اللى كان متوزع على ال24 ساعة هيتركز فى عدد ساعات معين... افتكروا كدة فترة ما قبل الاعياد او وقت الذروة فى رمضان... نفس السيناريو هيتكرر بشكل يومى و اللى عايز يشترى مسلتزماتة اما هيبات فى الشارع او هياخد اجازة عشان يشترى الصبح
احنا كمان بنتكلم من وجهة نظر المستهلكين... معتقدش حد من اصحاب المحلات هينبسط من الموضوع دة... اصلا السوق نايم و الحال واقف فا متجيش كمان تقلل عدد ساعات العمل و تزود الطين بلة... و فى حالات اخرى هترفع الضغط بشدة على محلات زى الهايبر ماركت و هيبقى فيه زحام شديد كل يوم و مشاكل لا حصر لها للناس اللى بتدير المكان
واحد زى حالاتى احيانا بتجبرة ظروف شغلة يسهر فى الشغل... طيب لما اجوع ولا احب اشرب حاجة اعمل ايه؟؟؟... اعض فى الارض؟؟؟؟؟ علما بان السهرات دى مش معروفة مسبقا عشان محدش يقوللى خد معاك سندوتشات من البيت زى العيال اللى بتوح الحضانة و كدة
القرار هيبقى اشبة بقرار حظر تجوال مقنع للشعب... هو الشعب ناقص خنقة اوى يعنى عشان الحكومة تخنق علية زيادة؟؟؟... ولا من جمال البلد اوى يعنى بتمنعوا الناس انها تخرج من بيوتها؟؟؟
و محدش يقوللى ترشيد و توفير و الكلام الفاضى دة لاننا بنتكلم على منشئات تجارية يعنى صاحب المكان اول واحد عايز يوفر فى التكلفة عشان يزود هامش الربح و لو هو شايف ان المحل المفتوح واقف علية بخسارة هيقفل من نفسة... دى ابسط قوانين السوق الحر
و لو بتتكلم على استهلاك... احسب كم الوقت و الوقود اللى هتضيعة كل يوم كمواطن و انت مروح من شغلك للبيت او نازل من البيت عشان تشترى مستلزمات بيتكم بعد ما مصر كلها تبقى نازلة معاك عشان تشترى مستلزماتها قبل الساعة 10
و اخيرا و ليس اخرا... هو احنا ناقصين قمع و تقييد حريات؟؟؟.... يعنى الحرية بتخر مننا عشان ندور على حاجة نخنق بيها نفسنا؟؟؟؟... اللى عايز ينزل الساعة 12 هو حر و اللى عايز يفتح محل اكل عيشة الفجر هو حر... مال الحكومة و مال الكلام دة؟؟؟
هى الحكومة هتعدى على كل مواطن تصرفلة بدل عشا و بدل ترفيه لما المحلات تقفل الساعة 10؟؟؟
هى الحكومة هتحاسب التجار على نسبة ضرايب اقل بعد ما يقللوا ساعات العمل بتاعتهم؟؟؟؟
و من ناحية تانية تفتكروا اصحاب المحلات هتقفل فعلا؟؟؟ و تفتكروا الناس هتبطل تنزل فعلا؟؟؟... الموضوع دة بيفكرنى بحظر التجوال اللى اكن ايام الثورة... نظريا كان فيه حظر تجوال لكن فعليا مصر كلها كانت فى الشارع
بلاش نضحك على بعض و نقول ان القرار دة فيه مصلحة لان محدش له اى مصلحة من حاجة زى كدة بل بالعكس دة هيزود الاحتقان و الغضب اللى موجود اصلا عند الناس و اللى كان بيشتكى قيراط هيشتكى 24
mmamdouh