خلاص هيبدأوا فى تطبيقه
من يوم الخميس وفى أقوال أخرى من يوم الأحــد
أتمنى أن يكون مفيداً للبلد فعلاً والا يضار أحد من تطبيقه.
وكالعاده طبعا هيرجعوا فكلامهم على طريقه حنفى
حكومه ملهاش كلمه
الغرفة التجارية بالبحيرة ترفض «غلق المحلات» وتطالب بعودة التوقيت الصيفي
طالب فتحى مرسي، رئيس مجلس إدارة الغرفة التجارية بالبحيرة، برفض تنفيذ قرار غلق المحلات في العاشرة مساء، أو عدم تنفيذها في المدن الكبرى وقال مرسي: "إن قرار غلق المحلات، سيخلق أسواقًا عشوائية من الباعة الجائلين، الذين سيفترشون أمام المحلات التي ستغلق، لأن الأمن غير مؤهل للسيطرة عليهم
وأضاف مرسي، أن الغرفة التجارية بالبحيرة، تطالب بالرجوع عن القرار والعودة إلى قرار التوقيت الصيفي، وهو الأفضل لترشيد الطاقة بدلا من قرار غلق المحلات
الحكومة تُعلن بدء غلق المحال في العاشرة مساء السبت.. و«محسوب»: سنكون دولة نهارية
http://www.almasryalyoum.com//sites/...9/mas_6677.jpg
قال الدكتور محمد محسوب، وزير الشؤون القانونية والبرلمانية، إن قرار غلق المحال صدر من مجلس الوزراء، وسيبدأ تطبيقه من السبت المقبل.وأضاف «محسوب»، في مؤتمر صحفي بمجلس الوزراء، الأربعاء، أن مصر يجب أن تصبح «دولة نهارية وليست ليلية».كانت الغرف التجارية وأصحاب المحال قد رفضوا فكرة إغلاق المحال ليلًا، مؤكدين أن ذلك يتسبب لهم في خسائر فادحة ويزيد طابور العاطلين، فيما تعول الحكومة على هذا الإجراء لتخفيض استهلاك الكهرباء، وبالتالي القضاء على ظاهرة الانقطاع المتكرر للتيار.
اكبر مشكله فعلا موضوع الباعه الجائلين دوول وخصوصا انهم بيكسبو عطف الناس
تلاقيه جايب الحاجه وبيبعها رخيص لانه لاشايف هم محل ولا فواتير ولا ايجار ولا اي حاجه مجرد واقف في الشارع يمليه زباله ويبيع ويسده ويعطل الناس وخلاص
بتبقى خرابة برضة و زحام السنين
MMamdouh
انا لا اعتقد ان هذا القرار سوف يتم تطبيقه علي ارض الواقع
عندما فرض المجلس العسكري حظر التجوال كانت الناس بتنزل تتفرج علي حظر التجوال :)
الوزير قفل التليفون في وش ريم ماجد عشان بتقوله ان قفل المحلات بدري هيزود العاطلين قام قالها محدش قال الكلام ده انتي اللي قلتي الكلام ده. هوه مبيقراش جرايد ولا ايه؟ الناس كلها قالت كده وبيان اتحاد الغرف التجاريه قال كده.
البحث فى جوجل عن "غلق المحلات العاشره+البطاله" هيجيب 100 صفحه فيهم ان البطاله هتزيد مع غلق المحلات الساعه 10 يعني ريم ماجد مش مألفه كلام من دماغها ولكن بتناقش اللي الناس بتقوله ونتيجه البحث أهي
https://www.google.com/search?num=10....1.mp68Mti_2sc
لكن الراجل اتعامل معاها ومع الناس اللي بتتفرج بعنجهيه كأنهم عساكر عنده (لأنه لواء سابق) والفيديو أهو بتاع الوزير ومكالمته بتبدأ فى الدقيقه 1:15
‫وزير التنمية المحلية يغلق الهاتف في وجه بلدنا بالمصري‬‎ - YouTube
مشكله الكهرباء فى الكهربا اللي بتتسرق ومبتعديش على عدادات. كام بائع فى الشارع بيبقى مشغل 10 لمبات فى مساحه مترين في مترين وواللهي العظيم فيه منهم مركبين مراوح كمان! وهوه معندوش ترخيص وبالتالي معندوش عداد ومش بيدفع مليم فى الكهربا؟ واللي يغيظ ان الكهربا بتقطع فى البيوت على الناس اللي بتدفع لكن البياع اللي فى الشارع اللي سارق الكهربا عنده النور مبيقطعش لأنه واخد وصله من عمود النور اللي فى الغالب بيفضل منور حتى والكهربا قاطعه عن البيوت.