Sensor

**Karim Ibiza** · 17-10-2012 02:31 PM

المشاركة الأصلية كتبت بواسطة ehab_mansour

كل واحد و ليه وظيفه و كل واحد بيساعد الكنترول في شيء معين
شرح كل واحد وظيفته ايه هيحتاج كلام كتير بالعربي و اعذرني اني مش هقدر اشرح لضيق الوقت لكن لو حابب تتعرف عليهم كويس ابحث في جوجل و اقرأ و عموما شوف الموقعين دول لكل واحد
Crankshaft position sensor - Wikipedia, the free encyclopedia

http://www.wellsve.com/sft503/counterp_v4_i4_2000.pdf

و الله الموفق و ربنا يكرم و نقدر نعمل لقاء و مقابلة قريبه نتكلم فيها براحتنا عن كل شيء و نتناقش و ربك المستعان

اللى انا فهمته من الموقعين دوول ان الاتنين سينسور مش ممكن يجتمعوا فى موتور واحد
ال Knock sensor بيكون فى المواتير اللى الاسبراتير بيتظبط يدوى
ال Crankshaft position sensor بيكون فى المواتير اللى مفيهاش اسبراتير
الاتنين سينسور بيعملوا نفس الوظايف اللى هى مراقبة مزامنة حركة البساتم مع توقيت فتح وغلق الصبابات مع توقيت الاشتعال من البوجيهات عشان فى الاخر نوصل لأفضل اداء بدون استهلاك زائد فى البنزين وبدون التأثير على الموتور
بس ال Crank sensor بيزيد عن ال Knock sensor انه بيقدر يظبط كهربة الاسبراتير اوتوماتيك مش يدوى عشان كده بيسموه بالبلدى حساس التسقيف عشان بيخلى العربية متسقفش عن طريق ظبطه لكهربة الاسبراتير اوتوماتيك حتى لو حطيت اوكتين اقل من المنصوح بيه لمتورك وطبعا ده بيتعبه وبيقصر عمره الافتراضى عشان بيفضل شغال على طول

هو انا كده صح وللا عكيت؟؟؟ :)

انا فعلا محتاج مقابلة مع الناس الحلوة دى كلها واى حد هينزل الاسكندرية ياريت يكلمنى وانا لو نزلت القاهرة هحاول اتواصل معاكم وطبعا حسب ما ظروفكم تسمح

**Karim Ibiza** · 17-10-2012 02:51 PM

المشاركة الأصلية كتبت بواسطة sala7

شوف يا حبي ده فعلاً حساس الكرنك و مكانه لازم يكون رخم زي ما الاستاذ ايهاب قال لكن لازم ليه ؟؟؟

تعالى نعرف يعني ايه knock sensor
وظيفة هذا الحساس هو اخبار و اعلام الكنترول ماهو بالضبط وضع عمود التاكيهات الى وضع السلندرات... ياترا هو متوقف على اي وضع ؟؟ وضع ادخال التغذية (الوقود) او على وضع الاحتراق او وضع اخراج العادم ؟؟؟
الكمبيوتر عن طريق السنسور ده هيحسب هيدخل الهواء و الوقود في اي غرفة و كمان هيبتدي يقفل الصمامات التي لن تلعب اي دول في الثواني الاولى في الحرق (عملية معقدة جدا) شرحها يجي 5 ساعات
زي ما قلتلك مكانه دائما مش لطيف لانه عادة بيكون بين السلندر رقم 3 و السلندر رقم 4 و في العربيات ال 6 سلندر الوضع مختلف و بيكون فيه اكتر من سنسور و خصوصا في المحركات v6 او محركات v عموما و بردوا عاوزه شرح مطول . لكن اديك عرفت وظيفته مبدأيا

اما وظيفة camshaft sensor
الحساس ده مهم جداً .. ده وظيفته مراقبة اي اهتزاز غير صحيح و غير سليم في المحرك ، و الاهتزاز ده بيكون ناتج عن عطل او عطب في احدى شمعات الاحتراق او خلل في دائرة توصيل او الدعم الكهربي (الموبينة او ويرات التوصيل) ، السينسور بيسجل ده على الكنترول علشان المفروض لو مافيش اي مشاكل او عدم وجود اهتزازات الكنترول يعطي افضل حرق للوقود و بالنسب المقترحة في عملية الحقن اما لو فيه اهتزازات و خطأ في احدى شمعات الحرق او في مشكله في الاحتراق نفسه يسبب هذا الاهتزاز ...... السنسور بدورة بيدي اشارة للكنترول عن وجود الخطا و بالاضافة الي انه بيحاول قدر المستطاع ضبط الاهتزازات الغير صحيحة بمساعدة الكنترول طبعاً.
و ده مكانه في الغالب بيكون على بكرة الكرنك الخارجية اللي بيكون عليها سير الدينامو

ارجو يكون الشرح واضح
و شكراً

تسلم يا أبو صلاح

ياريت تقرأ اللى انا فهمته وتقولى صح وللا ايه وان شاء الله يوم الجمعة هغير السينسور وهقولكم على التطورات