الموضوع: اخيراً استرا سيدان بالاسواق المصريه ٢٠١٣

المشاركة الأصلية كتبت بواسطة abdelaziz-waleed

الماني وزبالة. مش شايف انها صعبة شوية تركب على بعضها

اولا الفتيس مانيوال اسطوانه و دسك و المستر العلوي بتاع الدبرياج موتور موجود بداخل كمبيوتر الفتيس (يعني لو الماستر باظ بتغير الكنترول) و مكان عصايه الفتيس موتورين واحد بيسيليكت الحاره والتاني بيعشق

والفتيس مش مريح في النقلات خالص (تحس واحد غشيم بينقل) و ايام ما كنت في التوكيل كانت الناس بتيجي تشتكي كتير اوي و من الاسترا (نفس الفتيس)

والتجربه الشخصيه اني من شهر كنت هشتري فيكترا سي 2008 و اعدت معايا اسبوع رجعتها لصاحبها على ونش بسبب مشكله في الفتيس وكانت عمله 40 الف و بجد كانت زيرو

المشاركة الأصلية كتبت بواسطة ashourashour

معلش ممكن توضح مشكله ال 6 سرعات ؟؟؟ و حضرتك مهندس في اوبل ولا جربت العربيه ؟؟؟

هو أنا لازم أبقى مهندس في التوكيل عشان أعرف ؟؟


حضرتك اسأل أي حد من ملاكها العربية طلعتها تقيلة جدا من 0-100 في 13.3
و وزنها 1373


ده غير ال turbo منها 0-100 في 9.1 تقريبا ده رقم كبير على عربية 180 hp
و كمان نقلاته محسوسة

يعني ولا راحة ولا أداء

عرفت ليه يا باشا بقول عليه عقيم :)

شوف كده واحده من ملاكها كاتبه إيه
لما بنت تقول عليها عربية تقيلة :)
و دي كمان hb يعني المفروض السيدان هتبقى اتقل

http://www.nilemotors.net/Nile/30605...mo-2012-a.html

المشاركة الأصلية كتبت بواسطة ahmed-adel

هو أنا لازم أبقى مهندس في التوكيل عشان أعرف ؟؟


حضرتك اسأل أي حد من ملاكها العربية طلعتها تقيلة جدا من 0-100 في 13.3
و وزنها 1373


ده غير ال turbo منها 0-100 في 9.1 تقريبا ده رقم كبير على عربية 180 hp
و كمان نقلاته محسوسة

يعني ولا راحة ولا أداء

عرفت ليه يا باشا بقول عليه عقيم :)

مع احترامي لكلام حضرتك انا عمري ماخد معلومه بالسماع ... فلان بيقولك ... بأماره لانسر شارك دي بجد اكبر مثال على فتي الشعب المصري ... والله مع احترامي الكامل ليك

المشاركة الأصلية كتبت بواسطة ahmed-adel

شوف كده واحده من ملاكها كاتبه إيه
لما بنت تقول عليها عربية تقيلة :)
و دي كمان hb يعني المفروض السيدان هتبقى اتقل

http://www.nilemotors.net/nile/30605...mo-2012-a.html

انا قريت الموضوع ده قبل كدا فعلا و استغربت جدا المفروض ان دا فتيس تورك كونفيرتر مش ايزي ترونك !

و موضوع تقيله دا انا بحبه و على فكره انا بفكر جديا اجيب الاسترا السيدان.

المشاركة الأصلية كتبت بواسطة ashourashour

مع احترامي لكلام حضرتك انا عمري ماخد معلومه بالسماع ... فلان بيقولك ... بأماره لانسر شارك دي بجد اكبر مثال على فتي الشعب المصري ... والله مع احترامي الكامل ليك

متدخلناش في مقارنة مع حاجات تانية :)

أنا جايب لحضرتك أرقام الشركة نفسها

لو شايف إن دي أرقام كويسة بقى ,دي حاجة ترجعلك

و جبتلك رأي أصحاب العربية اللي بيأكد كلامي

فين بقى السمع !!!!!!

اسمحولى اشترك مع حضراتكم بحكم امتلاكى لاسترا 2012 ستيشن ديزل
وسوف اعلق على السياره بحكم تجربتى ودون النظر الى الاسعار بحكم انى خارج مصر :
التعليق العام انها عربيه تقليديه وليست ممتعه فى القياده وتقيله ولكنها واسعه وعائليه ومتزنه وسحب على السرعات العاليه زى الفل بس الطلعه الاولى بطه ووزه زى ماتحبو تقولو
بالنسبه لموضوع الفتيس 6 سرعات مش مشكله اوى بس بشرط خارج الزحام
وانا مش مهندس ولا متخصص بس الفتيس فعلا غير ممتع بالمره (مافيهوش عيب) بس لا يقارن بعربيات تانيه كتير يعنى لما نزلت مصر يومين كان معايا سيراتو مانيوال تقريبا النقلات بتروح لوحدها انما فتيس الاسترا محتاج تصبر على النقله كسر من الثانيه بعد دوس الدبرياج عشان ميحجرش معاك فى الحاره وحتى الباور بتاعها تقيل شويه (انا بقارن بالكورى واليابانى)
العربيه زى الفل بس تقليديه ومش ممتعه يعنى اللى بيدور على الامان والوسع وتحميل الصاج يتوكل على الله انما اللى عايز نعومه يبعد
على فكره عزل وعفشه جيده جدا
انا محاولتش ادخل فى اوبشنز كتير عشان الاختلاف بين موديلات مصر وموديلات الخارج