الموضوع: اخيراً استرا سيدان بالاسواق المصريه ٢٠١٣

المشاركة الأصلية كتبت بواسطة soteer10

معني كده ان الاسترا h فتيسسها سيء بالنسبه لل j
ولا مجرد انهم مختلفين عن بعض

بـعد إذن أستاذ fahmy :)

ده حاجة و ده حاجة

الفتيس ال easytronic بتاع استرا h ,ده متوجه أكتر ناحية الأداء و استهلاك بنزين أقَل
عشان ده تقريبا فتيس مانيوال (semi-auto)بس بدبرياج كهربة يعني بـ اسطوانة و كل حاجة زي المانيوال

لكن الفتيس ال 6 auto بتاع الاسترا j , ده موجه ناحية الراحة أكتر يعني ماتحسش بالنقلات زي التاني بس للاسف ده كان على حساب الأداء

التوكيل شاف إن الناس هنا في مصر مش حابين ال easytronic مع إنه تكنولوجي متقدم جدا عن ال 6 auto ,خلاص هيعمل إيه ؟؟

استاذ احمد فهمى شكرا

ربنا يطمنك.... و كتر خيرك انا من استعمالى الكام شهر دول شايفها ممتازة

الكلام ده من موديلات سنه كام
لان انا لما جربت الاسترا h
انت ممكن تلف الدركسيون بصباع واحد و هيه واقفه فعلا

اكيد حضرتك تعرف عنى فى المواضيع الفنيه بس فى حتة طلمبة الباور دى معتقدتش لان العربيه معملتش 16 الف لسه والا يبقى شكرا على الالمانى
فى نقطه تانيه ممكن فعلا تفرق ولو انى مش متاكد هى ان الاسترا اللى معايا انجليزى (فوكسهول) مش اوبل المانى

سوال بسيط هي الاسترا h
5 سرعات مانيوال و 4 اوتو ولا الاتنين 5 سرعات

المشاركة الأصلية كتبت بواسطة ahmed_fahmy

العربيه نزلت وتتباع عند منصور وخالد ايمن صاحبنا هيشتري واحده والساده اللى بيتكلمو على موضوع ٣٠ فرق من اعلى الى اول فئه احب اعرفهم ان اول فئه متقدمه عن اخر فئه فى كل الكورى واليابانى اللى بتسمو هاى لاين عشان فى سنتر وكلام فاضى اول فئه ب١٥٥ بس فيها ٤ ايرباج واوتوماتيك ٦ سرعات وabs and esp ونظام سيكيورتى فى التشغيل مفتاح مشفر يعنى + كل الكماليات العاديه وجنط ١٦ بس طاسه والفئه اللى بعدها بتزيد جنط سبور وشاشة اعطال كبيره وبعض الدواخل من كماليات واشكال وطبعاً التربو هى الضربه القاضيه ٢١٠ الف بانوراما اسخف حاجه فى الموضوع ام اللى اشتري استر هاتش باك لبس جامد جداً وقريباً هتلاقوها بتتباع زيرو ب١٣٠ الف لأن محدش هيشتريها وبالنسبه للأستاذ اللى كان شغال فى منصور خبير اعطال فى ٢٠٠٧ و٢٠٠٨ وشايف فى عيب فى الفتيس ال٦ سرعات مع انو مكنش نزل اصلاً احب اعرفو ان ده من افضل الفتايس على ساحة السيارات بيدى عدد لفات ٢ وسيادتك على سرعة ١١٠ وده يوفر فى البنزين ويحافظ على المحرك ومحدش سمع له اعطال وبالنسبه للأيزى ترونيك احتمال هو اختراع فاشل بالنسبالك بس هو من ٢٠٠٢ فى اوبل وبايع مبيعات رهيبه فى العالم كلو وبينتج حتى الان وهو اقل مشاكل من اي تكنولوجيا مشابهه ومعظم اشركات تحولت لنفس النظام بما انو فاشل زى فولكس وفيات وتيوتا حاولت بس لسه شويه على اليابان وقعت فى دى من الاخر اوبل مسكت سوق السيارات فى مصر تانى ومش هينزل منها مانيول كلو اوتو ومبروك على رجالة اوبل استنو تقرير بالصور اول ما انزل القاهره والله المستعان

الحقيقه انا معايا الاسترا الهاتش و طبعا زعلان .....بس الهاتش عموما بيبقي اغلي من السيدان....لكن اظاهر ان السيدان ارخص و فيها اوبشنز اعلي من الهاتش كمان.....بس عموما العربيه سواء هاتش او سيدان تستاهل ....و الحسنه ان السيدان هينتشر جامد و قطع الغيار هتكتر بس بردو هنحس اننا مميزين وسط السيدان......الحمد لله علي كل شئ