الموضوع: اخيراً استرا سيدان بالاسواق المصريه ٢٠١٣

اخوانى الاعزاء السلام عليكم اولاً
اخيراً استرا سيدان بالاسواق والسعر لا منافس له السياره يبداء اول سعر لها اوتوماتيك ١٥٥ الف جنيه وينتهى ٢١٠ للتربو وكده منصور سيطر على سوق السيارات وداع اوكتافيا وايلانترا وسيراتو اخيراً سياره المانى كامله بسعر منافس وامان وكماليات

المشاركة الأصلية كتبت بواسطة ashourashour

اولا الفتيس مانيوال اسطوانه و دسك و المستر العلوي بتاع الدبرياج موتور موجود بداخل كمبيوتر الفتيس (يعني لو الماستر باظ بتغير الكنترول) و مكان عصايه الفتيس موتورين واحد بيسيليكت الحاره والتاني بيعشق

والفتيس مش مريح في النقلات خالص (تحس واحد غشيم بينقل) و ايام ما كنت في التوكيل كانت الناس بتيجي تشتكي كتير اوي و من الاسترا (نفس الفتيس)

والتجربه الشخصيه اني من شهر كنت هشتري فيكترا سي 2008 و اعدت معايا اسبوع رجعتها لصاحبها على ونش بسبب مشكله في الفتيس وكانت عمله 40 الف و بجد كانت زيرو

الاسترا h فتيس اوتوماتيك عادى ٦ سرعات واكيد اي توكيل بتروحلو العربيات اللى فيها مشاكل بس مش كلها وحضرتك حصلك مشكله فى عربيه مستعمله مش معروف اصلها ده مش مقياس انا عامل بيها ٥٥ الف كيلو الى الان وخالد ايمن عامل ١٤٠ الف كيلو وواحد صاحبى تانى معدى ال٦٠ وقابلت واحد عامل ١٩٠ الف كيلو ومفيش اي مشكله وعلى فكره مكنيكة الكنترول بتتغير لوحدها ب١٠٠٠ جنيه ده يعنى لو لا قدر الله حصل حاجه والكنترول كلو جديد ده لو حصل حادث لا قدر الله جديد فى منصور ب٨ وده هو كل حاجه لكن لو عنبص للأوكتافيا الa٥ مثلاً فتيسها استعمال فى الحرفيين من ١٨ الف ل٢٢ انت وحظك وجديد ب٣٥ الف وفتيس الجيتا ب٧٠ الف والايلانترا ب٣٥ الف فمش فاهم فين الحاجه الغاليه فى الاوبل اللى ممكن تعمل عقده ده ان حصلت اصلاً وسواقة الايزى ترونيك معروف انها لواحد كان سايق مانيوال او بيعرف يسوق مانيوال عشان كده اسمو ايزى ترونيك مش اوتوماتيك فمتطلبش من العربيه حاجه مش فيها وهو بصراحه مريحنى جداً مع ان نص حياتى سوقت اوتوماتيك عادى بس استهلاك الايزىترونيك فى البنزين خيالى وسحبها ممتاز على السرعات واقل تعقيداً كفتيس من الاوتو العادى واسطوانه وديسك وبليه دى ميزه مش عيب يعنى لمى عربيتك تعمل ١٠٠ الف وتغيرهم ب٢٠٠٠ جنيه فتيسك يرجع زيرو لكن لو اوتو عادى بيفضل فى النازل لحد ما يضرب وتضطر تخش فى قرف لا يوصف