الموضوع: اخيراً استرا سيدان بالاسواق المصريه ٢٠١٣

العربيه نزلت وتتباع عند منصور وخالد ايمن صاحبنا هيشتري واحده والساده اللى بيتكلمو على موضوع ٣٠ فرق من اعلى الى اول فئه احب اعرفهم ان اول فئه متقدمه عن اخر فئه فى كل الكورى واليابانى اللى بتسمو هاى لاين عشان فى سنتر وكلام فاضى اول فئه ب١٥٥ بس فيها ٤ ايرباج واوتوماتيك ٦ سرعات وabs and esp ونظام سيكيورتى فى التشغيل مفتاح مشفر يعنى + كل الكماليات العاديه وجنط ١٦ بس طاسه والفئه اللى بعدها بتزيد جنط سبور وشاشة اعطال كبيره وبعض الدواخل من كماليات واشكال وطبعاً التربو هى الضربه القاضيه ٢١٠ الف بانوراما اسخف حاجه فى الموضوع ام اللى اشتري استر هاتش باك لبس جامد جداً وقريباً هتلاقوها بتتباع زيرو ب١٣٠ الف لأن محدش هيشتريها وبالنسبه للأستاذ اللى كان شغال فى منصور خبير اعطال فى ٢٠٠٧ و٢٠٠٨ وشايف فى عيب فى الفتيس ال٦ سرعات مع انو مكنش نزل اصلاً احب اعرفو ان ده من افضل الفتايس على ساحة السيارات بيدى عدد لفات ٢ وسيادتك على سرعة ١١٠ وده يوفر فى البنزين ويحافظ على المحرك ومحدش سمع له اعطال وبالنسبه للأيزى ترونيك احتمال هو اختراع فاشل بالنسبالك بس هو من ٢٠٠٢ فى اوبل وبايع مبيعات رهيبه فى العالم كلو وبينتج حتى الان وهو اقل مشاكل من اي تكنولوجيا مشابهه ومعظم اشركات تحولت لنفس النظام بما انو فاشل زى فولكس وفيات وتيوتا حاولت بس لسه شويه على اليابان وقعت فى دى من الاخر اوبل مسكت سوق السيارات فى مصر تانى ومش هينزل منها مانيول كلو اوتو ومبروك على رجالة اوبل استنو تقرير بالصور اول ما انزل القاهره والله المستعان

المشاركة الأصلية كتبت بواسطة ashourashour

اولا صباح الخير

1-حاسس موضوع خبير فيه سخريه شويه بس هنفترض حست النوايا
وممكن تسأل اي حد في منصور الطيران عن احمد عاشور ومش هقول اكتر من كدا

2-مين قال اني بتكلم على فتيس ال 6 سرعات انا معرفش عنو حاجه اصلا انا بسأل الاستاذ اللي كان بيقول انه عقيم بيقول كدا ليه عشان انا عايز اشتريها و خايف يطلع زي الفكترا سي والاسترا اتش

3-ممكن حضرتك تقولي نوع الفتيس ال 6 سرعات دا اه بالظبط ... زي ال z16 مثلا و ال C20 ولا تكنولوجي جديده ولا اه ؟ عشان العربيات دي مكنتش بتحس بالنقلات قوي ..عادي يعني

وانا مليش مصلحه اسوأ سمعه اي عربيه !!

اخي الفاضل اعتزر لو اعتقدت اني اسخر منك لك كل الاحترام وهناك خطاء انا اقصد الاسترا j لان ال استرا h نفس الفيكترا c وفتيس الاسترا j الجديده ٦ سرعات اوتوماتيك عادى في البدايه تسارع قريب من الاسترا h لكن بعد سرعة ٦٠ تسارع ممتاز وغرار فيكترا واسترا h عدد لفات المحرك اقل بكثير على السرعات العاليه وسرعه قصوى اعلى والعربيه فيها ثبات غير عادى ممتاز ....
وبالنسبه لمن سأل على كنترول الايزي ترونيك هو مكون من جزئين نصف بورده ونصف ميكانيكا والاعطال اللى ظهرت فى مصر فى بعض السيارات في الميكانيكا وبتتغير استيراد بتاعت الاسترا ١٢٠٠ اللي بتيجى تقطيع من بره وده بيتعمل عند صابر اللى فى رابعه او محمد عبد الراضى وفى بعض الناس زى احمد بتاع وطنيه اللى فى مدينة نصر بيغير شربون المتور اللي فى الميكانيكا وهو ده اللى احياناً بيبوظ سعر الميكانيكا كامله استيراد ١٥٠٠ وتصليح ٨٠٠ وطبعاً ممكن تفاصل عادى وسعر الاسطوانه والديسك من اول ١٦٠٠ االى ٢٠٠٠ بره التوكيل حسب النوع وفى التوكيل ٢٥٠٠ غير التركيب...
و اخي ال فاضل اتمنى اكون افادتك والله المستعان