استفسار قانونى

**hplv** · 15-10-2012 10:28 PM

انا ناوى ابيع العربية ان شاء الله المهم لما اشتريت العربية عملت نقل ملكية باسم والدتى ورخصت جديد والرخصة دلوقتنى فيها سنتين
المهم المعارض بتقول هنعمل توكيل بالبيع ويفضل المشترة معاه رخصة العربية الى باسم الوالدة لمد سنتنين
---فالمشكلة انى خايف ابيع واى مشكلة تحصل بعد كده بخصوصو العربية نتحملها احنا بسبب ان العربية باسم وادلتى فى المرور
--وفى واحد صاحبى قالى هاتعمل توكيل وعقد بيع ابتدائى وعقد تسليم عربية
--وواحد تانى قالى لازم تعمل نقل ملكية وده الى انا عملته لما اشتريت العربية ودفعت فيه حوالى 800 جنيه فكنت عايز اعرف هوا مين مفروض اصلا يدفع العقد ده البايع ولا المشترى
--وواحد تانى قالى انتا لازم تاخد النمر وتسلمها المرور

فاانا بقيت مش فاهم حاجة وعايز حضراتكو تقولو ليا على اسلم حاجة ممكن اعملها لان العربية باسم والدتى ومش عايز اى مشاكل ليها مستقبلا واسف على الاطالة

**بيتر الراعى** · 15-10-2012 11:14 PM

تعمل توكيل وعقد بيع ابتدائى فى العقد بيكون فية اقرار منة باستلام العربية ؛ولو نقل ملكية هو الى يدفع الرسوم.

**hplv** · 15-10-2012 11:24 PM

المشاركة الأصلية كتبت بواسطة بيتر الراعى

تعمل توكيل وعقد بيع ابتدائى فى العقد بيكون فية اقرار منة باستلام العربية ؛ولو نقل ملكية هو الى يدفع الرسوم.

شكرا لرد حضرتك
بس مش انا لو عملت توكيل وعقد ابتدائى المخالفات واى حاجة خاصة باالعربية هتيجى كده باسم والدتى
ومعلش سوال كمان هوا لو نقلت الملكية هيفضل معاه الرخصة سنتين ولا هيضطر يجدد
وهل كل الكلام ده بيتوثق فى الشهر العقارى ولا نقل الملكية بس هو االى بيتوثق

**aboomar22** · 16-10-2012 12:01 AM

لو عملت عقد بيع وشراء فى الشهر العقارى لازم هينقل العربية بأسمه فى المرور لو عمل عقد بيع ووالده حضرتك وقعت بائع وهو لم يوقع مشترى هيمشى بالرخصة لحين انتهائها وبعدها يروح يوقع فى الشهر العقارى وينقل فى المرور لكن لو توكيل يمشى بالرخصة لحين انتهائها وبعدها يروح يبيع لنفسه وينقل والمخالفات طبعا بتيجى على العربية اللى هو استلمها يعنى هو اللى هيدفعها بس خلى بالك لو عملت توكيل بتكتب فيه البيع لنفسه والغير والتعامل مع المرور اوعى _اوعى تكتب الترخيص والتجديد لان كده ممكن يجدد الرخصة على اسم والدة حضرتك مرة كمان وخلى بالك طالما الرخصة على اسم والدتك لو اشترت عربية جديدة بتدفع 1\3 ضريبة بيسموها ضريبة رفاهية

**hplv** · 18-10-2012 11:19 AM

المشاركة الأصلية كتبت بواسطة aboomar22

لو عملت عقد بيع وشراء فى الشهر العقارى لازم هينقل العربية بأسمه فى المرور لو عمل عقد بيع ووالده حضرتك وقعت بائع وهو لم يوقع مشترى هيمشى بالرخصة لحين انتهائها وبعدها يروح يوقع فى الشهر العقارى وينقل فى المرور لكن لو توكيل يمشى بالرخصة لحين انتهائها وبعدها يروح يبيع لنفسه وينقل والمخالفات طبعا بتيجى على العربية اللى هو استلمها يعنى هو اللى هيدفعها بس خلى بالك لو عملت توكيل بتكتب فيه البيع لنفسه والغير والتعامل مع المرور اوعى _اوعى تكتب الترخيص والتجديد لان كده ممكن يجدد الرخصة على اسم والدة حضرتك مرة كمان وخلى بالك طالما الرخصة على اسم والدتك لو اشترت عربية جديدة بتدفع 1\3 ضريبة بيسموها ضريبة رفاهية

اولا شكرا جزيلا لرد حضرتك
هو ا ايه الفرق بين الحل الاول والحل التانى وما هو اضمن الحلول الثلاثة

**khalid_adel** · 21-10-2012 02:36 AM

اضمن حاجه انك تشترط البيع بعقد مسجل وخد صوره من العقد ده
عشان لو حتجيبو عربيه تانيه ويقولك في ضريبه رفاهيه توربيهم صوره العقد المسجل وتتشال من عليك متدفعهاش
بس كده
وطبعا العقد المسجل بيشيل عن والدتك اي مسائله قانونيه بعد كده

**mbx4e** · 21-10-2012 08:39 AM

ياتفرض على المشتري نقل الملكيه في المرور ياتعمله توكيل مؤقت (ليه صلاحيه مثلا 10 ايام او اسبوعين) باسمه وهو بالتوكل دا يتعامل

**ahmed.zahra** · 21-10-2012 02:22 PM

أضمن حاجة عقد مسجل في الشهر العقاري و ده بيكون على حساب المشتري و تاخد صورة منه لعدم دفع ضريبة رفاهية و كمان لعدم المسائلة القانونية في أي أمور أخرى بعد ذلك. و طبعا إقرار استلام سيارة في كل الأحوال