قبل الشرا لازم تنزل مره تشوفها بنفسك و تقعد فيها لان كل اللي اتقال لحد دلوقتي كلها مسائل نسبيه
رقم العضوية : 36347
تاريخ التسجيل : 23Mar2009
المشاركات : 2,249
النوع : ذكر
الاقامة : القطاميه
السيارة: n/a
السيارة[2]: نيسان
دراجة بخارية: n/a
الحالة :
هههههههههههههههه
لا والله انا صحيح قولتلهم سونه اجدع ناس بس انا فعلا انبسط من سواقه الاسبورتج
وبعدين يا اسامه ده احنا ولاد قسم واحد مش ها نخبط في بعض بقى ههههههه
انا فعلا ما سوقتش العربيه كتير يا دوبك ربع ساعه والسرعه ما زادتش عن 80 كيلو
بس حرقت حرقايه صغيرة كده وعجبتني
بس ان شاء الله في اقرب فرصه ممكن اجرب فيها العربيه تاني مش ها اضيعها وها احاول اجرب كل حاجه فيها ان شاء الله عشان اشوف الموضوع ده
سبحان الله وبحمده سبحان الله العظيم
رقم العضوية : 8135
تاريخ التسجيل : 29Mar2008
المشاركات : 230
النوع : ذكر
الاقامة : Zurich
السيارة: sold
السيارة[2]: Toyota Avensis 2.0 2009
دراجة بخارية: no
الحالة :
قبل الشرا لازم تنزل مره تشوفها بنفسك و تقعد فيها لان كل اللي اتقال لحد دلوقتي كلها مسائل نسبيه
وبحبك وحشتيني
رقم العضوية : 93462
تاريخ التسجيل : 04Apr2011
المشاركات : 1,484
النوع : ذكر
الاقامة : alexandria
السيارة[2]: spark
دراجة بخارية: no
الحالة :
رقم العضوية : 30571
تاريخ التسجيل : 20Jan2009
المشاركات : 5,542
النوع : ذكر
الاقامة : EGYPT
السيارة: Toyota Corolla 1996
السيارة[2]: Nissan Sunny 2OO9
دراجة بخارية: I Don't Like It
الحالة :
رأيي ان الجوك عربية تحفة لكن للشباب مش لأسرة ابدا ً
رقم العضوية : 25055
تاريخ التسجيل : 13Nov2008
المشاركات : 2,859
النوع : ذكر
الاقامة : Nasr City
السيارة: Quadrifoglio Verde
السيارة[2]: Fiat Bravo T-Jet 09
دراجة بخارية: .
الحالة :
أعتقد الدفع الرباعى AWD هو اللى مهدر جزء كبير من باور الموتور الـ2.4 فـ السبورتاج اللى معاك يا دكتور يوسف؟!!
(طبعا الفتيس الأوتو بـTorque-Converter بيأثر عـ العزم والسحب برضه)..
ولا يقارن بفتيس الـX-Tronic بتاع نيسان لأنهم قدام أوى فـ الـCVT، زى ماهم عندهم خبرة كبيرة برضه فـ العربيات الـSUV/كومباكت SUV
- مقارنة بالـ1.6 جر-أمامى FWD بتاع مصر اللى جربها أستاذ باسم، ممكن تلاقى الفرق مش كبير؟!!
(ومراعاة ان تقييم التسارع والسحب بيختلف من واحد للتانى)
وخد بالك ان الموتور ده 2400cc فـ كيا: يعتبر under-powered أوى
الشركات اليابانية فـ المواتير دى (تويوتا وهوندا 2.4 ونيسان 2.5) بيطلعوا منه أرقام باور أعلى من الـ173-177 حصان بتوع الكورى؟؟!!!
- يعنى 190-200 حصان، وعزوم أعلى على rpmــات أقل.
هو بس معظم زباين الفئة دى.. غالبا مابيدورش على أداء أو كفاءة ميكانيكية
وتحديدا اللى بيشترى سبورتاج و فـ مصر.. بيبقى عشان حجمها، شكلها أو الأوبشنز
يعنى بيدفع فلوس فـ وسع وإرتفاع عن الأرض.. وآخر حاجة الـTechnology أو القيمة؟!!!
الحقيقة: أنا شايف الـQQ أشيك وأعلى فنيا و value for money عنها!!
بأعتذر لصاحب الموضوع اننا خرجنا عن السياق (الـJuke)
وبالمناسبة: أنا شايفها عربية Characteristic أوى وليها Style -ولو مثير للجدل-
بس انت اللى يهمك ميكانيكيا..
الشاسيه ده والموتور+الفتيس proven كـ تكنولوجى فـ نيسان من زمان
وعيوبها (بالإضافة لضيق الكنبة والشنطة زى ماقالوا الشباب).. الثبات على سرعات عالية
أنا مجربتهاش بس دا كلام واحد زميلى فـ الشغل معاه جوك،
وأعتقد انت مش متوقع ثبات Phenomenal من عربية crossover وعالية عن الأرض -زى كده- فـ سرعات فوق الـ140-150 مثلا؟؟!!!
بالتوفيق -ان شاء الله
رقم العضوية : 42730
تاريخ التسجيل : 19Jun2009
المشاركات : 6,353
النوع : ذكر
الاقامة : Riyadh - KSA // Banha - Egypt
السيارة: NISSAN ALTIMA 2.5 SL '13
السيارة[2]: FSO Polonez '88 - NISSAN SUNNY EX Saloon '10
دراجة بخارية: 000
الحالة :
اولا وأخيرا .. انا باتكلم بناءا على تجربتى للعربيتين وامتلاكى لواحدة منهم :
الكيا سبورتاج 2.4 لتر 177 حصان awd ودى معايا من 6 شهور
النيسان قاشقاى 2 لتر 141 حصان 4wd ودى جربتها مؤخرا فى تيست درايف بالرياض
- لا اظن ابدا ان وجود نظام awd فى السبورتاج اللى معايا هو السبب !!!
لأن المشكلة فى استخراج عزم الموتور على rpm منخفض
يعنى فى السبورتاج زى ما قولت قبل كده اغلب الوقت باستثناء التسارع من الصفر والثبات الrpm بيكون بين 1 و 1.5 والفتيس الستيبترونيك بينقل للسادس من اول 70 كم/س !!!
عكس مثلا القاشقاى من اول ما حطيت الd وطلعت بالعربية وعينى على الrpm وهو بين 2-3 فى المتوسط حسب سرعة العربية وطبعا بيعدى ال4 لو باكبس بنزين وباحرق شوية مع الفارق انك مش بتحس بنقلات الفتيس الحرير ..
انما ممكن ارجع السبب على ما اظن الى نوعية الموتور نفسه وتكوينه وتقنيته .. يعنى عربيتى موتورها theta3 قديم نسبيا وهو هو اللى كان بينزل فى التوسون والسبورتاج الجيل الثانى مع اختلاف السعة اللترية من 2و2.7 الى 2 و2.4 لتر عكس اللى بتنزل مصر واوروبا مواتير gdi احدث نسبيا ومن المحتمل ان يكون عزمها مستخرج بصورة اكثر نفعا مع نفس الفتيس .. لكن برضه مواتير نيسان تتدرس فى التاريخ وجبارة وتعيش العمر كله
وعشان كده باقول ان القاشقاى تكسب بمراحل فى الموضوع ده بالذات لأن العبرة عندى مش بالارقام وخلاص (كام حصان وكام عزم وكام سى سى ؟) انما العبرة بالاداء واحساسى بالعربية فى كافة ظروف القيادة واستجابتها كمان ..
وبالتالى اذا وحدنا العوامل وقارنا السبورتاج 1600 بالقاشقاى 1600 والاتنين دفع ثنائى والفرق فى الفتيس بس .. هتلاقى القاشقاى تكسب فى استخراج عزم اكبر للموتور على عدد لفات اقل وده اللى بيدى قوة لأى عربية لكن المشكلة عند البعض ان الفتيس الcvt بيموت احساس السائق بالتسارع عكس نتشة النقلات العادية خاصة لو كان فتيس 6 سرعات وليس 4 هاتحس ان العربية بتقطع اشواط كتيرة ..
ده تفسيرى .. والدليل على كده ان تسارع العربيتين تقريبا واحد والفرق فقط فى اعشار من الثانية !!!
كلامك صحيح فعلا .. وانا ما انكرش ان السبورتاج فعلا اوسع فى الصالون ومريحة خاصة للاحجام الكبيرة وطوال القامة واوبشن طبعا اكتر ناهيك عن الشكل الخارجى الملفت للنظر وده اللى بيجذب الناس ليها اكتر
لكن انا ليا كذا ملاحظة ع الماشى:
- الاوبشن الكتير اللى موجودة فى السبورتاج ومش موجودة فى القاشقاى خاصة الفئة الاولى والمتوسطة مثل الباركنج سنسور والكاميرا الخلفية ومراية التعتيم طبعا لأن الكاميرا بتعرض فيها .. احب اقولك ان السبورتاج بدون السنسور والكاميرا وبابعادها المنتفخة ورؤيتها الخلفية الأسوأ من القاشقاى سواء المرايات الجانبية او الوسطى مع كل ركنة عادية هاتتخبط لما تقول يا بس وده باشوفه هنا فى السعودية فى فئة الستاندارد تحديدا كلها مخبوطة من ورا خاصة مكان الاشارات اللذيذة اللى حاطينها فى الاكصدامات !!!
- موضوع مثبت السرعة اشوفه ميزة برة مصر انما جوة مصر اتحدى اى طريق تقدر تمشى فيه اكتر من نص ساعة وبدون ان تدوس فرامل وبالتالى المثبت هايفصل وترجع تشغله تانى .
- موضوع البلوتوث برضه كماليات لكنه اصبح ضرورة مع كثرة الاتصالات وحتى لا يتشتت انتباه السائق عن الطريق وفعلا مهم عن تجربة فى السبورتاج رغم ان نص اللى باكلمهم وانا ماشى بالعربية بيقولولى الصوت بيقطع مع انى سامعهم !!! وباضطر افصله وابرمجه من تانى كل فترة كده لما الشكوى تزيد ههههههههههه
- الخلاصة ان الحاجات دى كلها مش هاتخلى أى حد يهمه متعة سواقة العربية نفسها يضحى بيها (اقصد القاشقاى) ويجيب سبورتاج عشان شوية كماليات ممكن تركب عادى جدااا وبتكلفة بسيطة .
- واضيف برضه ان الفرق فى فتحة السقف البانوراما اللى بتفتح فى السبورتاج ومش بتتفتح فى القاشقاى مش هايكون هو الفيصل فى شراء واحدة دون الاخرى !!!
- طبعا لو اتكلمنا عن الثبات ومنظومة الفرامل والامان والتوازن وجودة مواد التصنيع وكل اللى انت تعرفه عن اليابانى عامة ونيسان خاصة مش هانخلص ويكفى التاريخ العريق ..
- ما انكرش برضه ان تصميمات نيسان مش بتعجب كتير من الناس وكيا وهيونداى عرفوا ازاى يشدوهم بالتصميمات العصرية والثورية والملفتة .
وأخيرا .. انا من الناس اللى باختار العربية حسب قناعتى وارتياحى واستمتاعى بالسواقة وليس الركوب للفت الانظار او المضى وراء الموضة والاوبشن ، ويكفينى احساسى بالثقة وانا راكب اى عربية نيسان حتى لو كانت قديمة وانا واثق من ان صانعيها اهتموا بكل مسمار فيها .. مش شركة كل همها زيادة المبيعات هى وامها هيونداى بغض النظر عن الملاحظات الكتير اللى مالية عربياتهم !!!
Y2Y1500 سابقا
رقم العضوية : 126842
تاريخ التسجيل : 30Jun2012
المشاركات : 88
النوع : ذكر
الاقامة : مصر
السيارة: لا يوجد
السيارة[2]: لانسر
دراجة بخارية: لا يوجد
الحالة :
رقم العضوية : 126842
تاريخ التسجيل : 30Jun2012
المشاركات : 88
النوع : ذكر
الاقامة : مصر
السيارة: لا يوجد
السيارة[2]: لانسر
دراجة بخارية: لا يوجد
الحالة :
رقم العضوية : 126842
تاريخ التسجيل : 30Jun2012
المشاركات : 88
النوع : ذكر
الاقامة : مصر
السيارة: لا يوجد
السيارة[2]: لانسر
دراجة بخارية: لا يوجد
الحالة :
Youssef.Awad , BassamHafez , formulator
- مستمتع جدا بمناقشتكم و انا بقراها , بتمنى انها تطول :p :d
- مقتنع جدا بحاجات كتير تفضلتوا و قولتها ذى مثلا موضوع ان الحكايه كلها نسبيه و بتتختلف من واحد للتانى و ده فعلا مجربه و عارفه بس هقلوكوا الفكرة :
* طبعا انا روحت كذا مرة شوفت الجوك فى كذا معرض و يعنى مع الكلام مع الى واقف فى اى معرض يعنى اهو الواحد بيحاول على قده ذى صحوبيه الى واقف علشان يطلع الى عنده بصدق شوية , المهم معظم الى فى المعارض قالى طيب هتجيب جوك ليه ما تاخد تويوتا هاى لاين او فانتازيا اول فئه لان الرينج واحد و اهو العربيتين معروفين لكن الجوك لسه , و كان ردى بيبقى اها تمام انا عارف التويوتا و الفانتازيا بس متقوليش متخدش الجوك كده و خلاص قولى عيوبها على الاقل لو عارف كرهنى فيها مثلا :d , طبعا محدش كان بيعرف يقولى عيوب مثلا لو فيها
- فـ تكملة لصداعى ليكوا الى بعتذر عنه , انا حابب الجوك جدا بس برده خايف شوية من حكايه الاقى ان ثباتها و عفشتها و تسارعها اقل من التويوتا و الفانتازيا بشكل كبير لو هيا اقل , مع الاخذ فى الاعتبار انى فاهم ان نمط الـ 3 عربيات مختلف عن بعض يعنى مينفعش تحطهم فى مقارنه مع بعض يعنى خصوصا الجوك لوحدها مع التويوتا و الفناتازيا علشان هيا كروس اوفر تمام , بس رايكم مهم ليا لو تفضلتوا :)
- شئ اخير علشان افتكرته ههههههههه , سمعت برده مجرد سمع ان الجوك فيها حاجات تقفيل مصرى , مش كلها تقفيل المصنع الى فى ستندرالاند فى انجلترا , ذى الطاره و ابوشنها و و الكاسيت و حاجات كده كماليات , برده ده شئ مش مهم اوى بالنسبالى بس برده لو ربنا اراد و جلعها من نصيبى الاقى فيها مشاكل فى الكماليات دى يعنى هتبقى غلسه برده هههههههه
شكرا ليكوا :)
رقم العضوية : 126842
تاريخ التسجيل : 30Jun2012
المشاركات : 88
النوع : ذكر
الاقامة : مصر
السيارة: لا يوجد
السيارة[2]: لانسر
دراجة بخارية: لا يوجد
الحالة :
اتمنى متابعه لاخر تععليق كتبته منك :)
المفضلات