الموضوع: تـحـسـين عـازل الـصـوت و الـحـرارة في الـسـيارة

اخر الاخبار يا رجالة اني الحمد لله اخيرا نزلت المناصرة انهاردة الصبح و دورت لحد ما وصلت لبتوع العوازل في المناصرة
و ما شاء الله تبص للمحل جميع انواع العوازل و الفرش و السفنج من الاخر اللي هيدخل هيبقي مش عايز يخرج لدرجة اني حاسس ان الراجل عايز يزقني و يقولي غور من هنا بقي هههههههه نيجي للمهم و الاسعار

اللباد بيسموه 500 جم و 700 جم لما كلمته بالملم قالي بالجرام خلينا في الجرام يا عم
اللباد 500 جم حسب كلامه لما شوفته رفيع حوالي 5 ملم المتر بـ15 ج
اللباد 700 جم وده اتخن من 500 حاسس انه داخل ع 1 سم تقريبا المتر بـ25 ج
مع العلم اللباد عرض 2 متر

الفووم الحراري و هو عبارة عن طبقة زي السفنج الابيض و طبقة فضي ( سيلفر ) المتر بـ15 ج ( عرض 1 متر )

اما الارضية الجلد فالاسعار متفاوتة من 30 تقريبا لحد 120 و 160 للمتر و طبعا كل نوعية و ليها عرض يعني النوعية اللي سألت عليها و لقيتها تعتبر متوسطة و خامة طرية و في نفس الوقت تستحمل عاملة 40 ج للمتر عرض 180 سم بس طبعا انا شايف ان السعر عالي شوية يعني في التوفيقية كانت 20-30 ج و منقوشة كمان

طبعا فيه مشمع و موكيت و سفنج و كل ما تتخيله و لا تتخيله حتي الغرا موجود و كل م تحتاجه و زيادة