الموضوع: تـحـسـين عـازل الـصـوت و الـحـرارة في الـسـيارة

بسم الله الرحمن الرحيم
السلام عليكم و رحمة الله و بركاته

طبعا كما نعلم جميعا ان سياراتنا العزيزة
سواء ماروتي او التو او السويفت موديل قديم(معرفش ايه النظام في الموديلات الجديدة ) يعتبروا عربيات متوسطة او اقل شوية بلاش احراج هههههههههه
و بالتالي العزل مش بيرفكت و لكن العزل بيكون ورا التابلوه فقط و ده اعتقد في الكقير من العربيات المتوسطة او سعرها قليل شوية
اما باقي العربية عندنا فهي ع الصاج

علي الصاج

اه ع الصاج متستغربوش و الموكيت كمان مبيبقاش واصل للعزل اللي ورا التابلوه كمان مش كامل و بص بنفسك و انت تتأكد

و ده سبب اننا احيانا بنحس اننا قاعدين جوة الحوض جنب الموتور مش في الكابينة
و للأسف الواحد مبيعرفش ينام و هو سايق من دوشة الموتور

ههههههههههههههههههههه


و كنت بفكر اعمل فرش جلد للعربية نظرا لأن الموكيت خفيف اوي و مقرف في التنضيف ففكرت اني اعمل عازل صوت و حرارة للعربية بالمرة مع الفرش الجلد


اولا : عازل الصوت

اماكن تركيبه كالتالي

- هيكون العازل في الكابينة من اول نهاية العازل ورا التابلوه لحد الكنبة في الارضية

- طبقة ورا فرش الابواب

- طبقة للسقف و لكن هستبعده شوية او اخليه اخر حاجة لأن التقفيل جيد جدا و مفيش مشاكل منه و اساسا التقفيل عندي شوفته ما شاء الله خوفت معرفش ارجعه تاني كده هههههههه

- طبقة تحت قطع الفيبر اللي مغطية العربية
اولا للتخلص من صوت خبط الفيبر نهائيا عند السير في الاماكن الغير مستوية ( المكسرة يا جدعان ) و في نفس الوقت هيعزل الصوت الخارجي اكتر مع الازاز و طبعا احلي حاجة اننا عندنا فيبر سهل الفك و التركيب عكس العربية اللي بتنزل جلد و متقفل صعب الفك و من غير حاجة هي بتبقي معزولة كويسة فبلاش ندخل في التفاصيل عشان الاحراج ههههههههه

- طبقة تحت الكبوت في الاجزاء المفرغة حوالين العضم في الكبوت هيقوم بالواجب
و بفكر في الجزء اللي في الحوض الصاج اللي بين الموتور و الكابينة اذا امكن اضافة قطعة تساعد برده في العزل

- اللي بيفكر يعزل العربية نهائيا بقي ممكن يكمل الشنطة ورا و ده انا بفكر فيه عشان ارتاح من صوت النقر و الطوب و اي خبط او رزع
في الارض

ثانيا : عازل حراري

اماكن تركيبه كالتالي

ما شاء الله نادرا ان حد يحس بالحرارة في كابينة الماروتي او الالتو نظرا لأن العزل خلف التابلوه جيد و لكن الموضوع هيكون زيادة و خاصة عشان الحر و كمن العربيات مفيهاش اخرام او فتحات من تحت و بالتالي مش هنحتاج العربية كلها

- العزل هيكون طبقة صغيرة تحت طبقة عازل الصوت ورا التابلوه و لحد الارضية و نهاية التابلوة البارز و بالتالي حتي لو فيه سخونية من صاج متطلعش

- طبقة حوالين عصاية الفتيس احتياطيا

- طبقة للسقف بس زي مقولت مش شايف اي مشاكل في عزل السقف بالعكس السقف ما شاء الله عزل جيد سواء حرارة او صوت فسيبنا منه

- الطبقة الاخيرة بفكر انها تكون تحت طبقة عازل الصوت في الابواب انها تمنع دخول الحرارة شوية من خلال الصاج لأن كلنا عارفين الصاج لما يفضل فترة في الشمس هيسخن جامد و بالتالي الحرارة هتروح للجهة التانية اللي هي جوة الكابينة و الفيبر عندنا اي ان كان مش هيعزل كويس و بالتالي العربية بتبقي نار مش كفاية الازاز بيدخل حرارة و طبعا العزل الحراري ده عزل للمياه كمان يعني اتنين في واحد و طبعا هيفيد في المطر او غسل العربية و الاجزاء اللي جوة متصديش او يدخلها مية كتير و هيكون مفيد اكتر للناس اللي مركبيين ازاز كهربا


و بالتالي هنكون عزلنا العربية صوتيا و حراريا



طب الناس هتقول

هنعمل فين الكلام ده
صلوا ع النبي يا جدعان هو ايه اللي نعمله فين
اكيد بتهرجوا احنا عشان نعمل القصة ديه عند سروجي كويس هتدفع يجي 700-1000 ج و ابقي قابلني ان مكنش يكسرلك حاجة او فيه حاجة متعجبكش او يقعد يفتي عليك
و انا مبحبش صنايعي يدب ايده في عربيتي طالما اقدر اعملها

يعني هتعملها بايديك
اه ان شاء الله هعملها بايدي و اللي عايز يعمل عربيته كمان هوريه ازاي يعملها

طب المستلزمات و التكلفة
عشان مضحكش عليكم التكلفة ممكن تدخل في حوالي 60-80 ج
المبلغ ده للعوازلو الزق و خلافه فقط للعربية كلها طبعا من غير الفرش الجلد
اما الجلد متوسط سعر المتر 20-25 ج و مش هنحتاج اساسا اكتر من 2 متر عندي او متر و نص في الماروتي يعني متقلقوش

و لكن مش هقدر اتكلم في تكلفة فعلية الا لما انزل و الف و اشوف الاسعار الأول
و طبعا لأن عربياتنا صغيرة فمش هنحتاج امتار كتيير و بالتالي التكلفة ممكن متوصلش لكده كمان
و طبعا كل واحد و ع حسب اللي عايز يعمله يعني ناس هتعمل عزل للأرضية بس ناس هتعمل للكبوت بس ناس عايزين يعملوا كله زي حالاتي فهتفرق طبعا
يعني اللي عايز يعمل العربية كلها زي عندي مع فرش كمان ممكن يدخل في 200 ج
اللي عايز يعمل عازل بس ممكن ميتكلفش 50 ج
فهي ع حسب

طبعا شايفين فرق السعر عند صنايعي غير لما تعملها بايديك و هتطلع شغل نضيف و بمزاج من الاخر شغل المعلم لابنه

فاللي هيحصل ان شاء الله كالأتي :

- هاخد مقاسات العربية عندي لكل جزء عشان اللي عايز يعمل جزء واحد فقط او جزئيين

و مقاسات الماروتي كذلك لكل قطعة هاخدها ان شاء الله

في مقابلة الدايو ان شاء الله

http://www.nilemotors.net/Nile/312012-a.html

و اللي هيجي ان شاء الله المقابلة هيكون الشرح عملي

و لو فيه حد معاه سويفت يتفضل معانا يعني الموضوع مش قاصر ع الماروتي و الالتو فقط عشان محدش يقول محدش بيعبر السويفت ههههههه

- و بعدين انزل ع الاماكن الخاصة ببيع الخامات دي و الخامات الجيدة و سعره المتر لكل واحد
و كل واحد يعرف الدنيا عنده هتتكلف كام و ممكن نُهب عليهم برابطة المعلم و نشتري ههههههه حلوة نُهب دي

ها هل من مشجع او حد حابب يشتغل بايديه و يبدأ في عربيته معايا
؟؟؟؟؟؟؟؟؟

فينك يا ابو حازم hm414 لو كان هنا كان هيكون اول واحد راشق معايا في الحوار ده هههههههه


الموضوع هيكون متجدد باذن الله بمعني ان اخبار الاخبار عن الموضوع و اللي وصلتله و المقاسات و الاسعار و كل حاجة عن القصة ديه هيبقي هنا ان شاء الله في مشاركات منفصلة


في انتظار تشجيع نسور السوزوكي
مش عايز ابقي كاتب الموضوع كده و بعدين ابقي كده