الموضوع: حد عمل صيانة 1000 للسيريون

السلام عليكم

انا الحمد لله روحت عملت صيانة ال 1000 بعد ما عربيتي عملت 2000 كيلو وكان طلع فيها شوية الحجات اللي قولتلكم عليها واليكم التفاصيل:

انا روحت عملتها في مركز رزق كالعادة علشان انا في اسكندرية وبصراحة هما كل مرة بيعملوا معاية واجب:

اولا: الصيانة ما هية الا عبارة عن تربيط للعفشة وبيقيس بس ضغط الهواء للعجل (زي قلتها الصراحة)

ثانيا: مشكلة فرامل اليد احم احم .. مش عارف اقولكم ايه يا جماعة انا مكنتش بشد الفرامل على الاخر انا فجاة لقيتها بتمسك وزي الفل الحمد لله

ثالثا: بالنسبة للكونسول انا جبت المفك وفكيتها وركبت المسامير الناقصة وهوة زي الحديد الحمد لله دلوقتي

رابعا: الناس الحمد لله ظبطولي الكليبسات والدلاية اللي كانت ناقصة بجانب انهم غسلوا العربية وغسلو الماتور وبالنسبة لصوت الخبط انا كبرت دماغي الى ان يبان ايه ده

وعموما انا مبسوط الحمد لله وكله دلوقتي تمام ونفسيتي هدت من العربية

المشاركة الأصلية كتبت بواسطة osama_alam

السلام عليكم يا جماعة

ممكن حد يقولي هوه فيه صيانة الف كيلو ولا لأ ؟؟

العربية عندي سيريون GL اوتومتك وانا عامل بيها 1800 كيلو وعاوز اروح التوكيل اعمل الصيانة وفرامل اليد زي ما انتم قولتوا انها بتمسك العربية (بيحصلش عندي)

الحمد لله انا اللي بيظهرلي من العربية حجات بسيطة بس انا مضايق منها وزي ما بيقولوا كده مكنش العشم بدئا بموضوع نقصان المية وهوه اتحل الحمد لله ودلوقتي انا بعاني من فرامل اليد

وفي برضه حجات صغيرة تانية لأني مش متعود على العربية:
- زي ان الرمش اللي في العجلة الخلفية اتخبط في الرصيف ووقع (حد يعرف ده موجود ولا لأ عند الوكيل) وده لأني العربية واطية من الخلف شوية يعني لازم تخلي بالك وانته بتركن بظهر العربية في ركنة بالطول
- لما العربية اتخبطت الاكصدام مربوط بالبدي بحاجة زي كلبسات وديه فكت فانا شيفها انها ضعيفة اوي كده يعني لو خبطة جامدة حيقع خالص ولا ايه؟؟
- المسند بتاع اليد الامامي كان اتلخلع وانا بتنقل بين الكراسي بس ده ركبته واكتشفت انه كان راكب بمسمرين بس ؟؟؟

فشوية الحجات ديه بسيطة الحمد لله بس كل شوية بتظهر حاجة يعني مش العشم على عربية ياباني

ياريت حد يقولي على الصيانة والرمش ده موجود ولا لأ واسف للاطالة

وشكرا