الموضوع: حد عمل صيانة 1000 للسيريون

أولا الحاجات اللي حصلت في عربيتك دي في منها العادي وفي منها اللي مش طبيعي نهائي يعني نقصان الميه ده مش طبيعي طبعا
فرمل اليد مش طبيعي بالمره برضه

اما الطبيعي ان الاكصدام لما يتخبط الكلبست تفك
وده تصميم كل العربيات الجديده وبصراحه انا لن أقول ان كده استهبال لأن اللي صنع او عمل الفكره دي اكيد لهم وجهة نظر لا اراها انا ولا غيري فلن افتي في شئ لا اعلم عنه
ولكن كل العربيات الجديده كده
وبعدين مش اي خبطه الي تعمل في الأكصدام كده
يعني انا اتخبط اكتر من مره ورزع من الخلف ومحصلشي حاجه يعني

وموضوع مسند اليد فهو تعديل للعربيه بيركب مكان الكوبايات الخلفيه وبيركب بمسمار واحد بس


وطبعا في صيانة الألف ومجانيه وحضرتك ممكن تقولهم على ملاحظاتك كلها وهتتحل ان شاء الله لنها حاجات كلها ليست عيوب وانما فك وربط مش اكتر

المشاركة الأصلية كتبت بواسطة osama_alam

السلام عليكم يا جماعة

ممكن حد يقولي هوه فيه صيانة الف كيلو ولا لأ ؟؟

العربية عندي سيريون GL اوتومتك وانا عامل بيها 1800 كيلو وعاوز اروح التوكيل اعمل الصيانة وفرامل اليد زي ما انتم قولتوا انها بتمسك العربية (بيحصلش عندي)

طبعاً فيه صيانة مجانية على الألف كيلو
مش مهم تعملها امتى
أهم حاجة تتعمل قبل ما تكمل 5000
انا شخصياً عملتها على 1700 كيلو
أهم حاجة الحجززز
احجز بدري بقدر الامكان
وربنا يوفقك يا رب ويعينك على حل المشاكل البسيطة دي

المشاركة الأصلية كتبت بواسطة Mezox

هي صيانة ال-1000 دي ميل ولا كيلو ؟

الألف ميل دي فترة التليين
إنما الصيانة المجانية على ألف كيلو متر
ده المكتوب في كتالوج العربية
انما الواحد يقدر يعمل الصيانة المجانية دي بعد التليين لو حب

المشاركة الأصلية كتبت بواسطة OlaOsman

نعم؟ لا يا عم مش لاعبة

يعني انا استلم العربية في شهر 8 عز الحر و ما اشغلش تكييفها إلا بعد 1600 كيلو؟ و دول هاعملهم ازاي دول؟ أسافر استنجرية مشوار رايح جاي و لا ايه؟

بصي يا علا
أولاً هي 1000 كم مش 1000 ميل
الـ 1000 ميل ده التكييف يا بنتي
موضوع التكييف ده كان من الحاجات المحيرة جداً بالنسبة لي
لأني لما جبت العربية ممرش عليا أول ليلة غير لما كنت قريت الكتالوج كله بتاعها ومفيش أي إشارة أو تنبيه لعدم تشغيل التكييف
كل اللي سالتهم انقسموا قسمين
قسم بيشدد ان التكييف ميشتغلش إلا بعد الألف الأولى وقسم تاني بيقول عادي ان الواحد يشغل التكييف من أول ما يشتري
انا عن نفسي لأني قلوق بطبعي قلت مش هاخسر حاجة لو استنيت لغاية ما ألف كيلو تعدي
انا العربية بقالها معايا أقل من شهر وعامل بيها حوالي 3500 كم
يعني الألف الأولى دي كانت 5 أيام بالظبط
وساعدني في كدة ان مشاويري يا الصبح بدري يا بالليل أوي بعد ما الحر الشديد يخلص يعني مش هاحتاج التكييف أوي وأقدر أستنى الألف