استفسار لملاك السبورتاج

**Mohyeldin1974** · 16-10-2012 11:08 PM

الساده الافاضل ملاك وخبراء السبورتاج
لى استفسارين
لاحظت وجود اختلاف فى الجريل الامامى لبعض موديلات سبورتاج فمنها عباره عن جريل عرضى مسطره واخر عباره عن شبكه مش مسطره هل هذا له علاقه بالفئات ام سنة الصنع؟
كما لاحظت ان فى بعض الموديلات فوانيس الفوج لايت فى بعض الانواع تملئ مكنها بالكامل مع وجود كماله بلاستيكيه زجاجيه لملئ باقى مكان الفوج لايت مع عدم وجودها والاكتفاء بمكان الفوج لايت فقط فى موديلت اخرى ، هل هذا ايضا له علاقه بالفئات او سنة الصنع؟
مش عارف عرفت اوصل الاستفسارين ولا لأ ياريت حد يفيدنى ولكم جزيل الشكر

**Youssef.Awad** · 17-10-2012 10:52 PM

ازاى حضرتك يا استاذ محيى ؟

بصراحة اسئلتك غير واضحة ولكنى ها أرد على حسب ما فهمت من كلامك ..

اولا: الشبكة الامامية (الجريل)
الشكل التقليدى للسبورتاج من اول ما تم طرح الجيل الثالث فى 2010 وحتى الان هو التالى
وهى اما مطلية بلون فضى (فى فئة الاستاندارد) او نيكل كروم (فى فئات النص فل والفل كامل)

وأى تغيير فى شكل الشبكة الامامية بيكون تعديل شخصى او النسخة سبورتاج R وليس استوك

ثانيا: فوانيس الضباب (الفوجات)
الشكل التالى ده خاص بالسبورتاج اللى بتنزل اوروبا وعلى ما اعتقد امريكا ايضا

أما الشكل المستطيل التالى فخاص باسواق الشرق الاوسط واسيا

**Youssef.Awad** · 18-10-2012 11:05 PM

المشاركة الأصلية كتبت بواسطة Mohyeldin1974

فعلا بوفيسور جوابتلى على اللى انا عايزه
بارك الله فيك
بس حضرتك الوحيد اللى مقلقنى من السبورتاج مش عارف ليه

ههههههههههههههههههههههههه معلش اصلى حساس اوى مع ركوبى لأى عربية وباخد بالى من كل صغيرة وكبيرة فيها وانا سايقها
لا قلق ولا حاجة .. هى هاتفرق على حسب البلد اللى هاتركبها فيها
اوروبا غير مصر غير الخليج .. لأن كل سوق وله متطلباته ومش شرط تكون ملائمة لكل الاسواق
وعشان تقطع الشك باليقين .. أجرها يوم واحكم بنفسك عليها وعلى غيرها وخسارة فلوس ايجار احسن من ندم بعد الشراء

على فكرة انا لسه منتظر رد حضرتك بخصوص مقاسات اطارات وجنوط السبورتاج اللى بتنزل اوروبا عامة وانجلترا خاصة

**Youssef.Awad** · 19-10-2012 02:28 AM

المشاركة الأصلية كتبت بواسطة mohyeldin1974

والله يا بروف الشغل واخدنى اوى بس انشالله هجيبلك المقاسات اللى انت عايزها عذرا
بس انت مقلقنى من العربيه مع انى بفكر فيها بنسبه كبيره لما انزل مصر ومش عايز اقلك من زمان وانا نفسى فى عربيه عاليه بس مش اكتر من 1600 لانى ولا بتاع جرى ولا غرز كل اللى عايزه عربيه عاليه مريحه وعائليه وتعيش وربن يكفينا شر الطريق

ولا يهمك ربنا يعينك ..
نصيحتى فى مصر اسم ومكانة نيسان تكسب كيا بمراحل فى كل النواحى
وفعلا السبورتاج عربية متميزة لكن فيه الاجدر منها وهى القاشقاى وابصم بالعشرين على كده وهات العربيتين وقفهم جنب بعض واطلعلك الفروقات بينهم بحق ربنا
ومش متحامل على كيا ولا باحابى لنيسان .. انا كونت رأيى ده بعد تجربتى للعربيتين وفعلا فيه فرق كبير بين الاتنين (مش مهم لمصلحة مين) وده للى بيحسوا اوى بالعربية مش بيسوقوا وخلاص ..

يعنى لو بتدور على اعتمادية وتوكيل واسعار صيانات وقطع غيار تنساها واعطال نادرة ونعومة وثبات وأمان ليك ولعائلتك ومساحة داخلية مناسبة وارتفاع عن الارض وشكل معقول وكماليات متوسطة يبقى قاشقاى

الحجم بالنسبة لك ضرورة وبتحتاج مساحات تحميل وتنقل وسفر كتير بالعربية افراد وحمولة شنطة وشكل خارجى ملفت وعندك استعداد تدفع 20-40 الف ج زيادة عشان شوية كماليات لو محتاجها ضرورى ممكن تركبها فى اى عربية يبقى السبورتاج

**Youssef.Awad** · 19-10-2012 02:43 PM

المشاركة الأصلية كتبت بواسطة Mohyeldin1974

الموضوع محتاج قعده
ان شاء الله لما ننزل اجازه ياريت اتشرف بحضرتك

وانا كمان باذن الله .. تحت امرك
بس ياريت تأجر الاتنين وتجرب سواقتهم بنفسك قبل ما تقرر تشترى ايه

**محمد بدر** · 20-10-2012 02:44 PM

دكتور يوسف
خالص تحياتى لمعاليك .
واسمح لى ان اختلف معك أى معايير حضرتك جآت بها لتجعل هذا التفوق المبالغ فيه يصب فى كافة نيسان مع كامل احترامى لشخصك الكريم
وحضرتك اوضحت انك (مش متحامل على كيا ولا باحابى لنيسان) طيب جميع مداخلات معاليك تأتى بالعكس تماما اسمح لى يا صديقى العزيز ان اكون صريح معك إلى ابعد حد
وتعالى من الناحية العملية وبما انك جربت السيارتين اطلب منك الشهاده امام الله فى نقطتين فقد لاغير
1- قوة الموتور وبالتالى التسارع يحسب لأى من السيارتين
2-العفشة والثبات تحسب لأى من السيارتين
وارجو من شخصك الكريم تحملى
واشكرك على سعة صدرك

الموضوع: استفسار لملاك السبورتاج

LinkBack

أدوات الموضوع

عرض

-

-

-

-

المواضيع المتشابهه

استفسار لملاك الكورولا

استفسار لملاك ال i 10

استفسار لملاك ال htc

استفسار لملاك byd F3

استفسار لملاك النوبيرا

الكلمات الدلالية لهذا الموضوع

المفضلات

المفضلات

ضوابط المشاركة