الموضوع: قصة حياتى مع الموتوسكيلات برجاء الدخول

يعني نصاب
وكمان كان بيقاوح معايا في سعرة جديد

ربنا يكون فى عونك والاخ اللى بيقبل الحرام او اى حد بيقبل الحرام

ربنا بيقول من اكل من حرام فالنار اولى بلحمه
وربنا يعوضك خير ان شاء الله

المشاركة الأصلية كتبت بواسطة thebast

السلام عليكم ورحمة الله وبركاتة
اليوم ان شاء الله هقدملكم قصة حياتى
من فضلكم كل الناس تقعد علشان الى ورا يشوف كويس
والى الصوت مش واصلة يقولى علشان اعليلة الصوت
يلا ما علينا المهم بقى قصتى مع المكنة الوحيدة الى اشتريتها فى حياتى هقولكم عليها من اولها لاحد اخرها عسى ان حد يستفاد منها ( حلوة عسى دى صح ) المهم بقى
عصيانا لقرار والدى بعدم شرائى لاى موتوسيكل الا حبى فيهم خلانى اكسر كلامة واروح اشترى موتوسيكل ومن ساعتها حياتى سوداااااااااء
روحت اشترى الموتوسيكل بدون اى خبرة بدون اى شئ ولاقيت سعرة الى حد ما كويس روحت الواد عملى توكيل لة ومجبتش شهادة مخالفات لان كان اول تعامل ليا مع المرور وفى نفس الوقت كان هو لسة مجدد الرخصة فتلقائى وبديهى ان المكنة معلهاش مخالافات المهم عملت التوكيل واشتريتها وخلاص تانى يوم لاقيت المكنة عاوزة بطارية واسطوانة ووو يعنى حاجات ب 250 جنية بعد ما جبتها وبتعلم عليها واصاحبى شافوها كل واحد بيركب عجلة قال ياخدوها لفة ويرجع بيها متشلفطة بعدها بيومين اخدت المكنة ورايح لصحابى عربية وقفت فاجاة وانا على 40 روحت دوست فرامل امامية ماهى عجلة بقى
روحت طبعا وقعت بيها وابتهدلت اتلموا ولاد الحلال بس كان فيهم واحد ابن حرام قالى دة التانك اتخرم تعالى اصلحهولك وركبت وراة وقالى انزل ونادى عم احمد هيطلعلك وانا زى الاهبل نزلت راح جرى بالموتوسيكل وسرقة فضلت الف الف لاحد ما لاقيتة وكان سارق منة حاجات ب 200 جنية قولت الحمد لله على كل شئ قولت انا هبيعها واخسر فيها حوالى 800 جنية خلال الشهر الى قعدت بية معايا روحت ابعها واجيب مخالفتها لاقيت عليها 1000 جنية عكس سير الاتجاة من قبل ما اشتريها ب سنة ونص كلمت الواد وقالى هعملك تظلم وعمل واحد واتنين ومفيش فايدة كل مرة يقولى روح المرور انا مستنيك واروح مش الاقية من الاخر كدة فلسع ومش عاوز يعمل حاجة وحسبى الله ونعم الوكيل فية روحت اعمل معارضة قالولى لازم صاحب الرخصة وصاحب الرخصة تبقى والدتة ومش هينفع امرمط واحدة ست حتى لو ابنها معندوش دم بس مينفعش امرمطها فى معارضات والكلام دة قولت خلاص مفيش حل قدامى غير ان استنى ان الرخصة تنتهى بمدة التقادم الى هى 3 سنين والى المفروض فاضل منها 5 شهور ولاكن سالت دكتور القانون الجنائى قالى اى مخالفة فوق ال 100 جنية تعتبر جنحة لابد من 5 سنوات للتقادم لها ولسة مش عارف اصلا لما تسقط هتسقط من على جهاز المرور ولا لازم ارفع دعوى ولا معارضة كمان دة غير ان بعد مشكلة المخالفات دى لما تخلص هدفع الضرايب القديمة والتاخير والسنة الى مشيت بيها من غير رخصة والسنة الى جاية وتغير نمر يعنى بردوا هدفع الالف جنية هدفعها وببقى ماشى بيها خايف زى الحرامى مع انى بدرس قانون ومش عارف افيد نفسى بحاجة
عارفين اقولكم على حاجة صاحب الموتوسيكل الى بعهولى الى ربنا ما يهنية على شئ هو عضو هنا فى المنتدى وللاسف عضو كبير وقديم كمان
ودى صورتة وصورة الموتوسيكل قبل طبعا ما يدهولى فارمة القطر ومتبهدل وعامل 45 الف كيلو وانا حتى الان صارف علية اكتر من 500 جنية ولسة عاوز كمان حوالى 300 غير الرخصة
http://www.nilemotors.net/Nile/182533-a.html
واكيد هو هيشوف الموضوع دة وبقولة حسبى الله ونعم الوكيل فيك حين الحياة وحتى الممات
محتاج دعاوتكم والى عندة حل ياريت يفيدنى
وانا على استعداد دفع اى مبلغ نظير اى حد يعرف يخلصنى من المشاكل دى كلها
شكرا لكم واسف على الاطالة

قصة مؤسفة جدا
بس ربنا يعوض عليك

للعلم أن هذا المجال به العديد و العديد من منعدمي الضمير لذا لازم تفتح عينك كويس و الأفضل أنك تتعامل مع ناس محترمة حتي لو أغلي في الأسعار
و ده عادي أنك أتنصب عليك في أول موتوسيكل تشتريه و معظم الناس بيحصل معاها كده
واحد صاحبي أشتري فسبا صيني (و أتنصب عليه في أنها تايواني) المهم أن كل شهر الموتور بيقطع و ربنا كرمه بميكانيكي أيه ماتقولش لص بغداد كل مرة يقوله ده ضبط الألكتروني و يأخد منه 100 جنيه و ساعات أكتر
لما حكي ليا الحكاية دي و شفت الفسبا قولت له الحقيقة المرة أن مافيش حاجة أسمها ألكتروني بيحتاج ضبط و أن البيه الميكانيكي الحرامي كان بيغير البوجيه و بأسوء الأنواع علشان كده كان كل شهر يعطل منه
طبعا الحل كان بسيط جدا و غيرت له البوجيه بواحد محترم أن جي كي NGK ياباني و بقاله حوالي 5 شهور شغال زي الطاحونة و طبعا بطل يروح للحرامي ده تاني

معلش يا باشا محدش بيتعلم ببلاش

المشاركة الأصلية كتبت بواسطة yassin_samir

يعني نصاب
وكمان كان بيقاوح معايا في سعرة جديد

نصاب اة لاكن فى حكاية سعرة جديد هو فعلا سعرة غالى وهى الحلاوة كدة اسعارها غالية

المشاركة الأصلية كتبت بواسطة gsxr600

ربنا يكون فى عونك والاخ اللى بيقبل الحرام او اى حد بيقبل الحرام

ربنا بيقول من اكل من حرام فالنار اولى بلحمه
وربنا يعوضك خير ان شاء الله

شكرا جزيلا لدعائك الطيب وان شاء الله ربنا هيرزقة بواحد يطلع علية كل الى عملة فيا

المشاركة الأصلية كتبت بواسطة tito29

قصة مؤسفة جدا
بس ربنا يعوض عليك

للعلم أن هذا المجال به العديد و العديد من منعدمي الضمير لذا لازم تفتح عينك كويس و الأفضل أنك تتعامل مع ناس محترمة حتي لو أغلي في الأسعار
و ده عادي أنك أتنصب عليك في أول موتوسيكل تشتريه و معظم الناس بيحصل معاها كده
واحد صاحبي أشتري فسبا صيني (و أتنصب عليه في أنها تايواني) المهم أن كل شهر الموتور بيقطع و ربنا كرمه بميكانيكي أيه ماتقولش لص بغداد كل مرة يقوله ده ضبط الألكتروني و يأخد منه 100 جنيه و ساعات أكتر
لما حكي ليا الحكاية دي و شفت الفسبا قولت له الحقيقة المرة أن مافيش حاجة أسمها ألكتروني بيحتاج ضبط و أن البيه الميكانيكي الحرامي كان بيغير البوجيه و بأسوء الأنواع علشان كده كان كل شهر يعطل منه
طبعا الحل كان بسيط جدا و غيرت له البوجيه بواحد محترم أن جي كي ngk ياباني و بقاله حوالي 5 شهور شغال زي الطاحونة و طبعا بطل يروح للحرامي ده تاني

معلش يا باشا محدش بيتعلم ببلاش
:y_hi_3[1]:

كثر فى هذا الزمن انعدام الضمير وعدم الخوف من الله وهم يتخيلون بان تلك الحياة هى باقية لهم
وياريت الواحد بيتعلم بالفلوس ولاكن دة بيتعلم بالفلوس والضغط النفسى والعصبى وعدم راحة البال

اتمنى اى شخص يستطيع افادتى فى مشكلتى فلا يبخل على

حسبى الله ونعم الوكيل فكل واحد ضحك على حد او نصب عليه بسبب ان الشخص امنه والتانى استغل الامانه دى.. واستغل انه لسه جديد فالمكان .. والله لسه اعرف واحد معرفه بسيطه لسه شارى بايك هودنا 400 عادى مستعمله بى 23 الف جنيه وكااااااش
حسبى الله ونعم الوكيل

حسبى الله ونعم الوكيل فى كل ظالم ميعرفش ربنا