الموضوع: مقارنة بين البرتون بيرسونا و الستروين أكسارا

المشاركة الأصلية كتبت بواسطة ahmed_h_g

أنا معاك فى كام حاجه كده الا موضوع الثبات
أنا مجربتش الستروين ولا أعرف حاجه عنها بس مظنش انها هتبقى أفضل فى الثبات

الف مبروك عالبيرسونا وربنا يباركلك فيها

+11

انا سافرت بالجين 2 والميجان 2 الغردقة وبصراحة محستش بفرق كبير في الثبات
مش عارف الاكسارا احسن من الميجان ولا ممكن تكون عفشة البيرسونا فيها حاجة


ياريت تحاول تشيك على ظبط الزوايا جايز يكون في حاجة غلط لاني بصراحة احسن مافي البروتون هو الثبات

المشاركة الأصلية كتبت بواسطة rambo10

المقارنة:
* السحب: البيرسونا أحسن من الاكسارا فى الstart وده راجع ان الاكسار تقيله شويه وده اللى حسيت بية

البرسونا أتقل من الأكسارا
البرسونا 1230 كجم ............... الأكسارا 1080 كجم
يعني فيه فرق 150 كجم لصالح الأسكارا في خفة الوزن .

*الثبات: عفوا عشان انا عارف ان ممكن ناس تختلف كتير معايا فى النقطة دى ثبات الاكسار احسن يكتير من البيرسونا (فى المنحنيات على سرعات عالية والغرز) وهكذا

أنا معرفش البرسونا قوي .... فاهعلك تحت بنقطة تانية عن موضوع الثبات .


* استهلاك البنزين: عالى جدا فى البيرسونا وناس كتير قالتلى كده على البرتون عامة

الأستهلاك بيرجع لطريقة سواقتك و لو بتسوق في زحمة كتيرة .... أستهلاك البرسونا هايكون مش قليل
إنما في الطوالي ........ رائعة على سرعات ما بين 80 إلى 110 كم - س

اسف على الاطالة بس انا كنت بنقل تجربتى, ياريت محدش يتأثر بكلامى :)

نورت المنتدى ..... و محدش هايتأثر من كلامك يا فندم ... لا تقلق .
بس الحمد لله انا مبسوط بالعربية و خصوصا انى تنقلاتى قليلة
شكرا والسلام عليكم

رربنا يباركلك في العربية و يستر طريقك .

بالسنبة لموضوع الثبات ....
أنا عارف ان الأكسارا ثابتة .

بس أنا معرفش البرسونا قوي
الجين 2 ركبها واحد معاه بي أم دبليو صاحبنا في الشغل .....

قالنا بالحرف الواحد ......... أنا مكنتش مصدق ثبات العربية دي إلا لما جربتها .
قالي بالحرف ........ العربية زي الألماني بالظبط في الثبات .

كدا أنا محتاج أجرب البرسونا علشان أقدر أشوف ثباتها عامل أيه
فهل طول الشنطة الزيادة عاملة فرق ؟؟؟؟؟

بالسنبة لموتور أكسارا 1

موتور 90 حصان و بيطلع أقصى عزم عند 3000 لفة - دقيقة
بعكس موتور البرسونا ........ اللي بيطلع أقصى عزم عند 4000 لفة في الدقيقة .

مما يعني أن بداية الموتورين في الطلوع مع وجود فرق في الوزن لصالح الأكسارة في الخفة

يعني الأكسارا تطلع مستريح من البرسونا

بس سرعات عالية ............ البرسونا تكسب في التجيمع
و أنا مجربها مع واحد صاحبي .
موتور برسونا تكسب ........... طلعة اكسارا تكسب لو ما كبستش على البنزين .

أنت بس لسة ما أتعودتش على البرسونا .... لما تتعود عليها هاتعرف أكتر عنها .

بس ثبات الجين 2 أحسن من الأكسارا و عن تجربة برضه .... مش فرق رهيب بس الجين 2 التحكم فيها أفضل .
أنا بتكلم عن اكسارا 1 لأن هي دي اللي أعرفها و مجربها .

أنا هانزل أجرب الأكسارا تاني علشان بس ما بقاش متحيز للجين 2 .
إن شاء الله النهاردة بعد الصلاة .

المشاركة الأصلية كتبت بواسطة rambo10

ياريت حضرتك تجرب تانى, بس اللى انا متاكد منة ان ثبات الاكسارا أحسن من البيرسونا
على فكرة انا مقلتش ان ثبات البيرسونا وحش بالعكس بس انا بقول مين احسن
وطبعا زى ما قلت فى الاول دى مش تقييم عملى, دة بس رايى بعد قيادة السيارتين
و بالنسبة للstart الاكسارا تقيلة فى الاول حتى لو كانت اخف من البيرسونا :)
الف شكر

أنا جربت تاني كالتالي .
طلعت في ملف في الدائري جامد و ملف على طريق الواحات .على سرعة 130 كم - س في الملف
الملف طوله حوالي 500 متر .

العربية كويسة ماشاء الله ........... بس مفيش فرق بينها و بين الجين 2 .
فمعرفش بقى البرسونا .

بس داخليا ..... مش عاجباني .
و على فكرة قعدتها واطية و مش عاجباني .

عارف ليه

الواحد لما بيكون متعود على حاجة .... و يغير ... بيبقى صعب يتقبل التغيير خصوصا لو كان مرتاح في القديم .

مجربتش العفشة في حتت مكسرة علشان أحكم على الراحة .

بس المواتير ........... الجين 2 أقوى و البرسونا هاتكون أقوى . من الأكسارا 1 .

اللي أنا مستغربله الطلعة البطيئة للأكسارا و العربية أخف 150 كجم بحالهم و مانوال كمان .

الفيرنا وحش في الحتة دي .... وحش في الطلعة .(وزن خفيف + عزم بيطلع بدري )