ارجو المساعدة في المصيبة دي

**nodey** · 18-10-2012 08:52 PM

السلام عليكم ورحمة الله
السيارة اللي معي بياناتها هي كليو 1400 فتيس اتوماتيك مغير طقم كاتينة وطلمبة مياه العام الماضي
يوم الاربعاء بدور الصبح لقيت لمبة البطارية منورة والعربية دايرة
نزلت ابص لقيت طمبورة الدينمو اللي بيلف عليها السير سيبه وخارجة من الدينمو
شغلتها علي كدا بدون سير دينمو وورحت لكهربائي قالي روح اخرط لطمبورة الدينمو جلبة في المخرطة وعملت ليها جلبة نحاس وركبت تمام وركبت السير
مشيت بيها 2 دقيقة سمعت السير اتقطع واتسلخ مش عارف ايه السبب
اتخلصت من بقايا السير اللي اتقطع ومشيت عليها تاني من غي سر دينمو وكان معي سي اخر ركبنته ومشيت 5 دقائق واتكررت العمليةة واتقطع السير لكن المفاجأة ان قي قطعه من القطع اتحشرت عند بكرة الكرنك اللي تحت وحسيت بحشرجة ووقفت العربية ومش راضية تدور وسمعت صور من عند غطار سير الكاتينة كأنه خلف تقسيمة
حطتها علي سحطة ووديتها لميكانيكي مصري فورها ووصل للسير الداخلي بتاع الكاتينة ووجد باقي من سير الدينمو محشورة جوه عند عمود الكرنك
طبعا هو طلب ادورها عنده لاحظنا نفخة قوية خرجت من فتحة فلتر الهوا اللي عند البوابة وطلعنا سير الكاتينة طبعا جديد بس بعد الزنقه اللي حصلت ليه اتجرج جرح واضح الميكانيكي بيقول هتحا ج بس سير كاتينة ونقسمه ونركبه وندور بس انا مش عارف كلامه صح ام هناك اضرار اخري تمت للبلوف والجزء السفلي من المكنه
شورا علي وهل حد مر عليه موقف زي كدا ارجو تقديم المشورة لان ماكينة العربية مستعملة 2000 ريال سعودي مع الرجيع واذا احتاج بلوف وخلافه هتكلف اكثر اعمل ايه انا تعبت
انا في بلدة صغيرة بالسعودية تبعد عن الرياض 650 كم ومش عارف اعمل ايه
ارجو كذلك تفسير للي حصل وسبب تقطع سير الدينمو واللي سبب كل ما حصل
شكرا لكم طولت عليكم
احتاج رايكم هل بعد اللي تم

**atamim** · 18-10-2012 10:44 PM

اخى الكريم

بعض قطع الغيار زى السيور ليها طريقة تخزين مختلفة علشان الجلد و الكاوتش ما ينشفش و يتقطع بسرعة

اول حاجة لو فية اى بقايا من السير المقطوع جرب تشدة و شوف هل هو مرن و ما فيهوش اى تأكل ولا فية ؟

لو فية يبقى دا سبب القطع ان الكاوتش نشف خلاص مش صالح للتركيب فى اى سيارة

و انا عارف الكليو رخيصة بس الاكسنت التسعينات بنفس الثمن و ليها قطع غيار متوفرة و رخيصة

ربنا معاك

**ahmedfouad** · 19-10-2012 06:32 PM

بيعها واخلص منها لانها بدأت المشاكل ..... هى عاملة كام كيلو ؟

**nodey** · 19-10-2012 07:03 PM

ان شاء الله اوقفها واشغلها ويعدين اديها سكه
هي عاملة 130000
بس ومغير طقم كاتينة كامل و2 سلونيد\ فالف للفتيس السنه اللي فاتت
والحمد لله علي كل حال

**Ahmed Selim** · 20-10-2012 12:12 AM

غالبا الجلبة مش مخروطة او مش راكبة صح

**Ahmed Selim** · 20-10-2012 12:55 PM

للأسف مش هقدر أفيدك كتير من خلال الصور.....

الموضوع محتاج واحد فاهم رينو علشان يكشف عليها أو يقولك ايه المشكلة لو كان شاف زيها قبل كده.

بص هبعتلك رقم أيمن مومو........كلمه قوله على المشكلة و شوف رأيه أيه..........و شوف لو يديك رقم واحد من حبايبه اللى فى التوكيل تكلمه تشرحله أحسن.....و إن شاء الله يفيدك.

معلش هتتكلف شوية فى المكالمات بس أعتقد إنك لو وصلت لنتيجة معاهم على التليفون هيوفر عليك فى قطع الغيار.