العربية مش رادية تدور ...؟!

**bobbozo4b** · 20-10-2012 01:14 AM

المشاركة الأصلية كتبت بواسطة misry

يا جماعة انا عملت كل اللي قلتم عليه ومافيش فايدة ... أعمل ايه تاني ...؟

ممكن تروح لكهربائى وتقوله يسنفر مخدات الكونتاكت "معرفش اسمها العلمى المستخدم"

**Land_Cruiser** · 20-10-2012 01:33 AM

روح للكهربائى و خليه يجرب ببطاريه تانيه او يركب بطاريتك فى عربيه تانيه و يشوف هتشتغل و لا لأ و يكشف على البطاريه و بالمره يقيس شحن الدينامو. انا حاسس ان البطاريه باظت و عامه لو احتجت بطاريه جديده هات ايه سى ديلكو نفس الامبير بتاع القديمه بس تكون جافه طبعا و المفروض ان بتاع البطاريات بياخد القديمه و حضرتك بتدفع فرق الجديده

**misry** · 20-10-2012 03:33 PM

هوريها لكهربائي النهاردة ان شاء الله ... بس اعتقد ان البطارية باظت

شكرا

**misry** · 21-10-2012 11:52 PM

رحت النهاردة اشتريت بطارية جافة تركي اسمها هوجل 55 أمبير ب425 وبيعت القديمة ب50 جنيه

ايه رأيكم في البطارية دي ...؟

شكرا

**misoalex** · 22-10-2012 03:43 AM

يعنى العيب طلع فى البطاريه ؟؟

والنوع ده انا مسمعتش عنه بصراحه قبل كده عموما ربنا يجعلها اخر الاحزان مش عارف ايه حكايه السيينا

**misry** · 22-10-2012 03:12 PM

المشاركة الأصلية كتبت بواسطة misoalex

يعنى العيب طلع فى البطاريه ؟؟

والنوع ده انا مسمعتش عنه بصراحه قبل كده عموما ربنا يجعلها اخر الاحزان مش عارف ايه حكايه السيينا

البطارية اللي كانت موجودة اسمها نسر ودي الكهربائي قال لي انها سيئة جدا عموما وهي بايظة

ولازم تتغير ... وانا بعد ما اشتريت البطارية الجديدة قريت عنها ولقيت انها ممتازة ...

بالنسبة لآخر الاحزان ... أتمنى ده من كل قلبي لأنها كل شوية حاجة تبوظ فيها ... يعني انا شاريها من حوالي

شهر ونص وصرفت عليها كتير قوي من كبالن لفرامل لكاوتش لبطارية لدنجل لمرتين سمكرة

أنا زهقت بصراحة منها ... يللا ربنا يسهل

شكرا