ان شاء الله تطلع حاجة بسيطة
عرض للطباعة
سبحان الله
عارف يا محمد انتا لو كنت روحت عند اى كهربائى كان اشتغل نفسه قبل ما يشتغلك وكان استحاله ييجى على باله موضوع القطاش ده رغم ان من البديهيات انه يشوف مصدر الكهرباء سليم ولا فى مشكله قبل ما يفكر فى تغيير اسلاك او فيش او ...........
بس بغض النظر يا معلم انا عجبانى كمية الموشن الى فى الموضوع ده تحس كده انها اسبيشيال
والحمد لله ان المشكله عندك اتحلت
وربنا يستر طريقى وطريقكم
وكل سنه وانتو طيبين
والله يا مصطفي ان جيت للحق - انا بقالي فترة بشتكي من الكابل دة وخصوصاً انه كان بيملح بشكل غير عادي - والسبب ان القوشاط مش بيربط كويس
بس لو كهربائي ابن جنيه كان هيعرفها
بس هما بيبصوا علي عيب عيب بدون ربط العيوب ببعض
والواحد مش بيتعلم ببلاش
الحمد لله
وانت بالصحة والسلامة يا حبيبي
واشوفك قريب علي خير ان شاء الله
الف مبروك الاول على المشكلة اللى اتحلت عندك
فعلاً الخبرة دى مش ببلاش ..
مشكلة زى اللى حضرتك شرحتها دى بتأكد ان كلنا اتفتى علينا كتير قبل كدة وغيرنا حجات كتير بدون داعى ضريبة الفتيي :(
ربنا يسترها والحمد الله ان فيه منتدى رائع وناس زى العسل هنا
الله يبارك فيك
مما لا شك فيه - ان اكيد اتعمل علينا شغل السنين
انا حاليا مش بروح للميكانيكي او الكهربائي غير لما اكون عارف انا رايح اعمل ايه
بطلت اطلع اجري علي الصنايعي واخليه هو يشخصلي العطل
انا بروح اقوله انا بشتكي من كذا - غيرلي كذا
والفضل في ذلك بعد الله تعالي - الي هذا المنتدي الجميل وهذا القسم الرائع بكل اعضاءه
ربنا يبارك فيك
المنتدي هنا علم الواحد حاجات ماكنش يعرفها فعلا
انا اول لما اشتريت عربيتي - حسيت ان فيها حاجة مختلفة
دي اول عربية اركبها انجيكشن - كنت فاكرها زي الكربراتير
ولولا فضل الله ثم اهل الخبرة في القسم - كنت هاعملها كأنها كربراتير
ياريت حضرتك تشارك معانا دائماً
ونشوف مشاركات لحضرتك - علشان الكل يستفاد
بشكر حضرتك جدا علي مرورك الطيب ومشاركاتك اللطيفة
والله المستعان
،
،
ع البركه يابو السيد
ومليون مبروك علي الوسام وتستاهل اكتر من كده والله
القطاش اللي غيرته بتاع القطب السالب ؟صح؟؟
علشان كده ارضي العربيه كان ضعيف؟
الله يبارك فيك
ومبروك ليك علي الوسام
والله يا استاذ فادي الوضع مختلف
انا مشكلتي كانت مع كابل الكهرباء
لأن الكابل عندنا داخل فيه كابلين
واحد بتاع ضفيرة الكنترول والأنجيكشن والتاني بتاع ضفيرة الكهرباء
يعني العربية منورة وكل كهربتها شغالة - بس المارش واجهزة الأدارة فاصلة
كابل كهربة الكنترول والأدارة ignition مملح (ولونه مزرق لأنه نحاس) وبالتالي كان عامل عازل للكنترول والأدارة
وكمان القوطاش كانت حالته يرثي له ومش بيربط (الصامولة قافشة) - رشيته بwd-40 لما خلصت عليه العلبة - وبردو مش بيربط ولا بيفك وكان محطوط حط كدة مش متربط عليه
لما غيرت القوطاش وغيرت معاه طبعا المسمار والصامولة - الدنيا بفضل الله ظبطت
والحمد لله رب العالمين علي كدة
متشكر اوي يا فادي علي مرورك وذوقك
نورت الموضوع
والله المستعان
،
،
ألف مبروووووووووووووك يا أبو السيد......وكل قوطاش وانت طيب يا هندسه
وحشنى والله يا محمد ووحشتنى جدا الإبيزا.............
يارب تكون بخير إنت والبوب حبيبى وكل الناس الحلوه دى