السلام عليكم ورحمة الله وبركاته أعضاء قسم سيات الجميل
كان عندي مشكلة في الكهرباء منذ فترة طويلة وماكنتش عارف ان عندي مشكلة والأغرب اني ماكنتش ملاحظ اي حاجة تدل علي انها مشكلة في الكهرباء
وزي ما انتوا عارفين ان عربياتنا دي ماينفعش فيها اي تهريج في كهربتها ولو في اي خلل - حتي لو بسيط - بردو هيأثر في اي جزء مرتبط بمسبب المشكلة
طب نبدأ بقي - ولا هنفضل نتكلم كتير ؟؟ :backtotopic:
بداية المشكلة
من حوالي 6 او 7 شهور دخلت المحطة امون بنزين
كان المؤشر عند ال1/4 - ومعني انه عند الربع والتانك عندي 40 - يبقي فاضل للتفويل 30 لتر
دخلت مونت وقولتله حط ب 50 جنيه
شوية ولقيت العامل بيقولي العربية فولت :ok:
طب يا سيدي - شاكر جدا ليك
بدور وخارج من المحطة لقيت المؤشر عند ال3/4 - ومعني كدة انه حطلي 20 لتر فقط !!!!! :eee:
قولت اكيد المؤشر مهيس او معلق وعايزله كام مطب محترمين عشان يتظبط
وبالفعل :3gears: نقيت كل مطبات الشارع من المحطة لحد بيتنا ودخلت فيها كلها - ولحد لما روحت والمؤشر عند ال3/4 مش راضي يتحرك من مكانه
وطول السكة عمال اقول للمدام الواد ابن اللذينة سرقني وحطلي 20 لتر بدل 27 وضرب الفرق في جيبه
روحت الولاد البيت والدم ضارب في نافوخي :I_angr1[1]:
قولت مابدهاش - وروحت نازل جري ورايحله وداخل علي نفس الطرمبة وعلي نفس العامل
قولتله : ممكن تفولي العربية
قالي : يا استاذ مانت لسة مفولها
قولتله : معلش ! خدني علي قد عقلي
قالي : حاضر
وبالفعل بيضرب المسدس في فاتحة التانك وبيدوس ____ :fdsa:
لقيت العربية مفولة والبنزين بيقع من التانك
قولتله وريني كدة !!!!
ومسكت انا المسدس وحاولت افول - لقيت نفسي شايف البنزين من زور التانك والبنزين بيقع من التانك
قالي : انا مش هسرقك يا باشا -
قولتله : طب تعال شوف المؤشر وانت تعذرني
وعشان اطايب خاطره - :cheekkiss5: بوست علي راسه عشان يسامحني اني ظلمته وكانت داخل اتخانق معاه
ومن لحظتها وانا دماغي هتشت ومش عارف التانك ماله
وفضلت استخدم منظفات وغيرت فلتر البنزين مرتين ومفيش فايدة
العربية مش بتفول ابداً
لدرجة شكيت اني اخدت مطب محترم طبقلي التانك وخلاه بيفول بدري :019F3B~14:
أعراض أخري للمشكلة
لاحظت من فترة ليست بالقصيرة - ان الكلاكس صوته واطي اوي
روحت لواحد حبيبي (اللي انا اساسا شاريه منه) وفضل يرجلش فيه يمين شمال وفي الأخر قالي الكلاكس اتحرق :N_no[1]:
طبعا انا توقعت ذلك - لأن الكلاكس عندنا مكانه عجيب حبتين (تحت المقص وراكب في القنطرة الأمامية تحت الردياتير) وخصوصا ان وقتها مكنتش مركب لسة الكرتيرات
فقولت اكيد دخلته مياة من الطريق واتحرق بسبب عدم وجود كارتيرات (رغم انه كدة كدة ورا الكارتيرات ووجودها زي عدمها بالنسباله) :w6266d
_______________________
بقالي فترة بشتكي من ضعف الكشافات عندي وان الأضاءة ضعيفة
واللي زود الأحساس عندي - كان واحد زميلي راكب جمبي :2003126104835_wrc: وكنا رايحين نتعشي في المهندسين الساعة 2 الفجر وطالعين الدائري - لقيته بيقولي نور النور يابني وانت ماشي
قولتله طب مانا منوره !!!
________________________
كنت مرة قاعد مع اصحابي علي القهوة وركنت العربية في شارع جانبي وسايب النور الصغير منور
انا بحب اعمل كدة علشان لو حد جاي يبقي شايف العربية
ودايما بعمل كدة مش اول مرة
المهم
خلصنا قعدتنا وقولت لأصحابي تعالوا اوصلكم في سكتي
بدور - مش راضية تدور :11:
____________________________
ماشي علي الطريق ولقيت عربية سيات ابيزا راكنة علي الطريق (طريق اكتوبر الواحات) وعطلانة
نزلت اشوف الدنيا فيها ايه ولو اقدر اساعد بحاجة
نزلت وسيبت النور الصغير بردو !! والكاسيت شغالين والأنتظار
مكملتش ربع ساعة - وجيت اركب وادور
بردو مش راضية تدور - وبدل ما اساعد الراجل - قولتله معلش بعد أذنك زقة :oops:
__________________________
أخر حاجة -
باخد مطب وهديت اوي فيه - وجيت طالع - العربية بطلت
بدور مش بتدور
شابين حلوين كدة - ربنا يبارك فيهم - ادوني زقة وهووب العربية دارت
لما وقفت بعدها بطلت وبدور مش بتلقط مارش
عرفت ان القوشاط بتاع البطارية اتهز من المطب (مع انه مكنش جامد للدرجة)
دقيت عليه دقتين - العربية دارت وزي الفل :welcome1:
ومن بعدها بقت كل شوية - لما ابطلها واجي ادور تاني تقطع مارش
انزل اديها دقتين علي القوطاش تدور زي الفل
_________________
اكتشاف الحل
نزلت اشتري حاجة وبعد مارجعت بدور مش بتدور
قولت يا أم القوطاش
اديته دقتين مش بتدور :004:
دقتين مش بتدور
خلعته وصنفرت مكانه (صباع البطارية) بردو مش بتدور
ركبته كويس وبديلة دقة - بعزم شوية - لقيته اتكسر
روحت لواحد كهربائي - قريب من مكان الحادث - قالي مابطلعش حد من الورشة :_Alshmokh23[1]:
زقها انت وهاتهالي
سيبته وروحت لواحد بتاع بطاريات واطارات
اشتريت منه قوطاش وقولت اركبه انا بنفسي
الحمد لله لسة بصحتي :wheelchair:
وفعلا
روحت عند العربية وطلعت العدة المتينة واشتغلت انا فيها
ركبت القوطاش اي كلام لحد لما ابقي اروح لأي كهربائي
وبدور - دارت :unhappy:
روحت للكهربائي اللي مارضيش يخرج حد من ورشته وخليته يركب القوطاش صح
وفعلا قص القوطاش القديم :_Alshmokh11: كان الأصلي
وركب الجديد علي نظيف
خلصت المسائل كلها ومشيت من عنده
وانا بلف بضرب كلاكس - حسيت ان صوته بقي اعلي من الأول :toot:
توقعت اني هلاقي النور هو كمان بقي احسن - وبالفعل
النور فعلا بقي احسن من الأول 0 علي الأقل بقي باين اني منوره :driving:
والمفاجأة الكبري
بفول من يومين العربية - لقيتها بتفول للأخر :018A1D~146:
شكرا لحسن المتابعة
وتحياتي ليكم جميعا
وان شاء الله نتقابل في تقرير جديد مع مشكلة جديدة
والله المستعان
،
،