لانسر بوما مصرى ولا خليجى ؟ والفرق ايه؟؟

**hano_elmorsy** · 07-07-2008 11:21 PM

اخويا عايز يجيب عربيه بوما ومحتار بين المصرى والخليجى
هوا عايز 1600 اوتوماتيك كلاسيك بجنوط
والخليجى شغاله كويس مع البنزين 92 ولا عايزه 95 عشان تدى الباور هورس بتاعها كامل؟
والسعر كام ؟

**khaledmekawy2008** · 08-07-2008 01:59 AM

بص يا باشا انا جايب لانسر بوما الخليجى وهى كانت سوبر اكشن ب 120 الف وهى تمام جدا لكن المصرى صراحة معرفوش قوى بس من كلام كذا واحد ان الخليجى بتبقى اعلى مواصفات من المصرى وبالذات الكويتى وعادى بنزين 92 كويس مش هيضر فى حاجة

**ibrnassar** · 08-07-2008 09:21 AM

الخليجى مفروض يشتغل على بنزين 95 لان المحرك متصمم على كدة لكن فى مصر طبعا الناس بتحط 92 و دة بيقلل كفائة الموتور سنة يعنى مش هيديك الـ122 Hp كلهم بس العربيات شغالة مابتقلش لأ و على حد علمى مافيش مشاكل حصلت.

ال1600 كلاسيك خليجى بـ95000 لسة واحد صاحبى جايبها من الرواس و مشاءالله جميلة جدا

فى الخليجى التكيف اقوى ولاكن فى المصرى العفشة احسن لانها بتنزل رياضية و الفرق فى السعر طبعا فى صالح الخليجى فلو عايز تجيب خليجى هات من عند الرواس عشان الضمان و ربنا يوفقك

**mohamedway** · 08-07-2008 10:18 AM

ياجماعه الخليجى 1600 عاوزه بنزين 95 وده مكتوب على باب غطاء التنك من الداخل و لو حتطلها بنزين 92 هتشتغل بردوا مش هتقول لأ و صحيح قدره الموتور هتقل شويه مش مشكله بس المشكله ان العمر الافتراضى للموتور هيقل يعنى ممكن الموتور يحتاج عمره فى 70% من العمر الافتراضى اللى كان ممكن يعيشه بالبنزين المصمم عليه و على فكره يا جماعه كون ان شركه متسوبيشى تكتب ده على غطاء التنك وهى ادرى بموتورها من اى حد تانى يبقى لو مسمعتش الكلام ذنبك على جنبك وعلى فكره سبب تنصل التوكيل المصرى من العربيات الخليجى هو انها مش مصممه على البنزين المتاح فى مصر فبالتالى هيحصل فيها عيوب.

**salehgharib** · 08-07-2008 12:44 PM

الخليجى مفروض إستخدام 95 أوكتان على الرغم من نقاوة البنزين فى الخليج عن هنا يعنى 95 أوكتان فى السعودية أو الكويت أو الإمارات تكون 95
أما فى مصر 95 أوكتان يعنى فى الحقيقة 90 أوكتان
يعنى لازم تستخدم بنزين 100 فى مصر عشان توصل إلى 95 الى موجودة فى الكتالوج

**khaledmekawy2008** · 08-07-2008 09:51 PM

المشاركة الأصلية كتبت بواسطة salehgharib

الخليجى مفروض إستخدام 95 أوكتان على الرغم من نقاوة البنزين فى الخليج عن هنا يعنى 95 أوكتان فى السعودية أو الكويت أو الإمارات تكون 95
أما فى مصر 95 أوكتان يعنى فى الحقيقة 90 أوكتان
يعنى لازم تستخدم بنزين 100 فى مصر عشان توصل إلى 95 الى موجودة فى الكتالوج

على كده بقه نسافر الخليج كل شوية علشان نمون العربية ونرجع تانى او نشترى علب بنزين من الخليج فى ايدنا ايه نعمله مش عارف

**cobraa2008** · 08-07-2008 10:04 PM

المشاركة الأصلية كتبت بواسطة salehgharib

الخليجى مفروض إستخدام 95 أوكتان على الرغم من نقاوة البنزين فى الخليج عن هنا يعنى 95 أوكتان فى السعودية أو الكويت أو الإمارات تكون 95
أما فى مصر 95 أوكتان يعنى فى الحقيقة 90 أوكتان
يعنى لازم تستخدم بنزين 100 فى مصر عشان توصل إلى 95 الى موجودة فى الكتالوج

لا ما اعتقدتش ان الكلام ده مزبوط انت اقرى الكاتلوج بتاعها وعلى العموم احنا نملك باجيرو موديل 2004 والكاتلوج قال بنزين اوكتان 90 وما فوق انت اقرى الكتالوج احسن بصراحة
طل ما في السعودية الكامري بجميع انواعها ووديلاتها المفروض انك تحطلها اوكتان 95 حتى موديل 1995 واللكزس 90 وما فوق ده بيبقى حسب الشركة موش المفروض ان الخليجي 95 لا انت روح واقرى الكاتلوج اعتقد ان الحكاية معاك موش هاتفرق اووووي

على العموم انا مع الخليجي لانه افضل من المصري