السلام عليكم ورحمة الله وبركاته
مبدئيا انا بشكر المنتدى لانه كان من الاسباب بعد ربنا سبحانه وتعالى اني اتوفق في شراء البرتون برسونا
والحمد لله العربيه ممتازه وثباتها وسحبها رائع جدا
العربيه حاليا ليها معايا حوالي شهرين ولان تحركاتي مش كتير وكمان البلد صغيره وانا مش بسافر بيها فلسه عامله 800 كيلو و قريب ان شاء الله هتوصل الالف
المشكلة عندي هيه انها لما توصل الالف ان شاء الله مطلوب ان يتعملها صيانة الالف والمسافة بيني وبين القاهرة 700 كيلو لاني في قنا اخر الصعيد
فيه سؤال مهمين السؤال الاول صيانة الالف لو متعملتش في التوكيل هل العربيه بره الضمان
السؤال التاني ايه الحاجات الى مفروض تتعمل في صيانة الالف
وطلب اخير للناس الى اتعاملت مع التوكيل قبل كده هل فيه حد ممكن اكلمه واتناقش معاه في المشكلة دي
منتظر ردودكم وشكرا للى هيرد او يساعد مقدما